Thil ho kawleksawn kha in chhunzawm leh teh ang.
Vawikhat chu ka thianpa nen damlo kan buaipui a. A tlangpuiin Mizoram atanga lo kal te hi vai tawng (Hindi) an thiam thin loh avangin anni pawh chu chutiang tho turah chuan kan ngai ve ngawt a. Damdawiin a kan hruainaah chuan ka thianpa nen chuan Hindi broken deuh deuh, kan thiam chun chun thing ve fe fe chu vaiho biak nan inti thiam fahran hian kan hmang ve chen a. "Thiam min ti ve ngawt ang", ka ti rilru deuh rauh rauh reng a. Mahse a hnuah a damlo rawn kalpuitu, a nupui chu Hindi teacher a ni tih kan han hre hnuhnawh leh mai chu, zahthlak duh chem chem khawp mai. :(
Nikum Synod khawmpui lai khan ka pa phone ringtone-ah Vanlalpianga hla "Chhaste nen" tih kha ka nauten an lo dah sak pek a. Pa haihawt tih takah a switch off theihnghilh hlauh mai a, rorel inkhawm lai chuan a rawn ri ta. Chuta karah a phone ahna ipte a la dap fuh lawk thei lo zui, rei fe a zai hman a ni awm e. Synod khawmpuina a Vanlalpianga zai vawikhatna a nih mai hmel. :D
Durtlang kawng an siamthat hma khan tlai khat chu kawng kawi laiah truck nen lai angreng tak hian kan in tawk a. Ka hma a taxi driver chuan truck driver, vaipa hnenah chuan vai tawng thing lutuk hian "Chalo, chalo" a han ti ve chhen a. Truck driver vaipa chu a insum thei ta ngang lo ni ngei tur a ni, lusei tawng pai hlek lo hian, "Ngawi rawh, a la kal theih loh anih hi", an rawn ti chiah mai chu insum a har duh teh asin. :D
Kan veng a chhungkaw pakhat pawh chhung inkhawmnaah an fapa kum nga mi chu hla thlang turin an ti a. A ni chuan 'Rose par rimtui' kha a thlang tlat mai. A pa chuan, "A awm lo em mai", an ti dek dek chu a pu (naupang pa pa) chuan, "In fate thil in zirtir ngai lo lutuk a, awm leh awm lo pawh an hre tawh lo anih hi. 'Rose par rimtui' chu kan sa ang", a ti mauh mai a. Tichuan 'Rose par rimtui' chu chhung inkhawmnaah an sa ta a ni awm e. :)
Ka ni pasal pawh hi an haihawt ve laileng khawp a. Vawikhat a inkhawm hruai pawh, "Tunah chuan zaipawl", an ti chu an zai tawh tih a hrechhuak leh hnuhnawh bawk si a. "Tunah chuan zaipawl.......zai tur a kan sawm tawh avangin kan sawm nawn tawh lo mai ang a......." :D
Saturday, August 16, 2008
Thil ho kawleksawn - Part 2
Posted by luliana at 1:33 AM
Subscribe to:
Post Comments (Atom)
Posts
26 comments:
hahaha.....ka nui nasa ltk i pa ringtone leh rosepar rimtui khi a thra bon top top :)
hahaha...
i naute cu a hau nange..??
thra triah2 khupz
Ekhai hotupa nge nge, min tihlim hle mai. Han ti zel teh a la awm em?..:)
@Anonymous1 : i lo leng lut a ti lawmawm e :)
@Anonymous2 : a haihawt vang kha a ni deuh ber sia hauh chi vak pawh an ni lo :D
@Puia : hotupa, phur dan a zirin aw..la awm maithei :)
Hahaha.. hetiang hi a ngaihnawm :-) Thil kan share ve tawh ange, a hmasa zawkah ka share vak lo a.
# Ringtone tih khian thil ka hrechhuak zawk. Ka pa pawh kha a fone ah khan Crazy Frog nuih vak vakna, nui kir et et kha ka nauten an lo dah sak ve tho mai a. Meeting pawimawh leh engemaw inkawm khawm naah te hian call hi a dawng fuh thei angreng sia. Vawikhat CS nen an inkawm laiin a rawn ri thut ani awm e, ani silent ah lo dah si lo, CS pawh chuan "Hetiang hi a hlimawm duh ania" a lo tihsak a. :D
# Ka pa thianpa pa (ti deuh duah ang) A fapa in nupui a nei a, an monu hming kha a theihnghilh a. Tawngtai tur khan an ti tawh si a, a han tawngtai ta a... "Lalpa, hei kan fapa Lalrinawma leh kan fanu......" a hming kha a theihnghilh si... "halleluiah.." a ti ringawt a. Sawi zawm a tum a, "Kan fanu....... halleluiah" a ti zel a. A tawpah chuan an han hrilh ru a, a sawi thei ta chauh e an tia lawm. :D
@joseph : :D :D kha, i hre pui hle sia, in han in sul velah.. :D
lol! Chhung inkhawm a 'rose par rimtui' sak khi ka tan tiah2 ltk :)
Hei ka site ah kalo link ce ania om. Poi iti em lovang chu mo....
I pa hi ka tran thei riau:)
Revd Chama tt "Aw lalpa,nangin kumin kum 1999(2000 tih hrecuak leh si)min hruai zawh tak hnu a kum 2000" a tih chhoh vel min ti hrechhuak
Ch,link che ou..
@Jinx : no probs..keipon ka lo link ve ang che
@toy_soldier : Rev. Chama chet bawn deuh deuhna hi ka hre nual..Pa leh Fapa leh Thlarau Thianghlim leh Mari hming a nausen a baptist te kha in hre ve em? :D Nidangah kan la sawi zel dawn nia..
nuam thin ham ham ve o, lala nge nge u te tihlim dan i thiam e.
nuam thin ham ham ve o, lala nge nge u te tihlim dan i thiam e.
part 3 rawn release leh thuai teh...i hre thra thei em mai! i pa hi ka kawm chak zawng tak a ni ( mi lungphun na kal, 'in lo kal thei a...' a va ti ringawt te kha ka lawm tawp!)
- pi blacki
Synod khawmpui muk lutuk laia Vanlalpianga han zai al al tur chuh :-)) Ka tran latuk....Hlimawm thinhle mai.
Rev Chama sawitakah chuan a sakrament sem kha a tap ngei ngei in ka hria :-)
@Faerie : ti lawmawm e..mahse nuam tih vang a comment post double kher :P
@Pi Blacki : Part 3..hmmm..la awm maithei a nia.. :)
@Seki : Va reh vung vung ve..lo haw ve em? Rev Chama chu i hre dik ang :D
lolzzzzzzzzzz
Good collection.
Thil ho kawleksawn tih tak ah chuan sawn hi i kawlek ve ringawt a nge aw! :-D A ho vak lovang sawn i kawlek chuan. hihihi.
hahaha rose par rimtui chhung inkhawm na a sa te khi ka lawm bawn tawp!
Truck driver khi, thil min tih hriatchhuah chu hman kan zinna ah train a ni 3 kal kha nia, kan thiante nen. Kan compartment a vai pa pakhat chuang ve kha a fel khawp mai a, kan titi ho sar sar kha kan thian pakhat khan fel a ti lutuk kha Mizo tranwgin 'He vaipa hi vai ah chuan fel ve reuh tiro' a rawn ti zauh a, tumahin chhan hma in vaipa chuan pai eih loh 'Mama, vai zawng zawng kan sual bik vek hleinem' a rawn ti mai chu, a laih thlak ve khawp mai.
@illusionaire : lungngai suh, a kawlekna tur kan hmu zo lo anih hi :D
@hotunu : haha..khitiang khi a thleng ve chawk a nia..Kan venga gurkhali pakhat pawh zirtirtu a nia. A thawh tirhin zirtirtu lo thawk tawh pakhat chuan, "he vaipa han hmelchhiat em em zia hi" te kha a ti vel a. Chu gurkhali pa chuan Mizo tawng a hrethiam mai nilovin Mizo subject zirtirtu thar kha a lo ni reng sia :P
Huisss!!!!!!!! Ava hlimawm ve awwwwwww. A dang hriat ava chakawm em...
Chhung inkhawma Rose par rimtui hla sak khi thra ber mai. Sak tui vak a har hmel! An pu pawh chu a khirh thra ve re re nih chu.
A va ho in a va nuihzatthlak hlom tak ve...min ti hlim e...lolz
putling tawh ho hian silent a dah hi an thiam lo tlangpui a a theih chuan mahni laina hnai te tal hi chu zirtir theih a tha khawp mai
nia part 3 chu han kolect leh char2 teh... :-)
Ka post thar ber ah i post a mi 1 ka link thruai ni ou..u knw ure in mizoram th kha
toy soldier
@anonymous : ti lawmawm e..la awm mai thei ania :)
@mesjay : thanx for the visit..nia, hmanlai putar khirh ang kha a ni ngei ngei ang :D
@wonderboy : part 3 ah chuan i lang nawlh mai thei a nia.. :P
@toy soldier : no probs..
Haha! ngaihnawm hle mai. part 1 kan en nghal teh ang...
Rose par rimtui hi ka nuih pui nasa ltk...
thra hlom thruai thruai...
i love...i love
hahaha... ka u ruata chu che chukchu thei ve
@tetea & Pi vc : ti lawmawm e :)
@anonymous : nia tiro :)
Post a Comment