Tun tum chu vawksa siam dan - kan hostel ish-tyle kan sep rawtui dawn chhin teh ang. He thil hi khawi cooking class mah a an la zirtir ngai loh, recipe leh cook book tih vel pawh a la ziah lan loh (hria pawh ni se an telh duh kher lovang..lol), kan hostel bikah phei chuan 'inthlahchhawn thil' ni hial a kan ngaih leh kan roh em em a ni a. Hetia kan ziak ta mai hi thiante hovin pawi an ti em lovang chu maw!
A hmasa berin a ei tur zat a zirin vawksa hi lei tur a ni. Hetah hi chuan kan Assamese thianpa Bora principle, mi pakhat pum chhungah vawksa pava khat (250 grams) tal a awm tur a ni' tih hi kan hmang deuh ber. Sa chu i sil zawhah pressure cooker tawl ve tawh tak, phit tha hlei thei tawh lovah dah la, tui tlem te nen heater-ah i chhuang ang. Gas stove a herh san leh herh hniam vel hian a nih tur ang a nih tir loh theih avangin heater hi kan duh deuh kher thin.
A thlak pawlh tur hi a sa tam leh tlemin a hril lem lo. A variety thei ang ber cheng sawm (Rs.10) man a ni tawp mai. Purun sen pum 3-4, prun var 2, sawhthing kezungpui tiat vel, hmarcha tlem a zawng leh tomato pum 3 vel a ni tlangpui. Chu chu i chan sawm anga, newspaper hluiah a hnuai a mi ang khuan i rem thlap ang. Hetah hian 'feng-shui' tlem a tel avangin duh duh dan a rem a thiang lo. Newspaper heading khan i vawksa leina dawr lam kha a hawi tur a ni a, sawhthing leh tomato hel hi a inhlat thei ang ber a dah ngei ngei bawk tur.
Tin, newspaper hi a nazawng hman ngawt theih a ni lo. Newspaper-ah chuan vaipa lem a chuang ngei ngei tur a ni a, chumi bul chiahah chuan purun sen chan sawm sa kha i dah ang. Vaipa lem chuang i hmu zo ngang lo anih chuan editorial page kha i hmang dawn nia. Engvang kher nge kan tih chuan, feng-shui vang a ni, tih bak ka sawi thei bik lo.
Sa chu a tui a so kang vek thleng i nghak ang a. A tel a rawn chhuah a, a in er tan veleh tomato tih lo a dang zawng kha a rualin i thlak ang.
Tomato thlak hun tak hi a pawimawh bawn tawp. Khatia tomato tih loh, a dang zawng i thlak veleh khan rang lutuk si lo, muang lutuk bawk si lovin i mit dinglam kha vawi thum i siai tur a ni. Veilam siai kan remti thak lo! Dinglam i siai thiam lo anih chuan vawi thum i khawng-khaw-bai auh auh thung ang. Chumi chu bahlah miah lova i tih zawh veleh tomato chu lungmuang takin i thlak thei tawh ang.
Han chawh leh deuh bawrh bawrh pahin chi tlem i telh ang a, chuan tomato a kawi vek thleng i chhuang leh dawn nia. A mawng a kan duh deuh avangin chawh uluk a ngai. Chu zawng chu a ni mai kan chhuan leh ngaih hlut em em, kan hostel (hostel no. 4) a awm tawh phawt chuan an thiam ngei ngei tur a kan ngaih, "vawksa - kan hostel ish-tyle" a siam dan chu.
Posts
20 comments:
Kan daktawr te berin vawksa siam dan min zirtir chuan atuiin a hrisel viau anih dawn hi aa..:-P
haha..vaipa lemchuang kher hman ngaih chuan van buaithlak dawn ve aww,kan tan chuan,Chinese pa lem chuang a theih ve tho em?:-)
Tui hmel hle mai..min lo suah ve laa..:-)
A tui angem le?? hehehe.. Vaipa lem chuang ngei mai hman kher khi a tha duh viau in ka ring. Mit siai pawh ka thiam, vawi 3 chauh nilo vawi 5 khap ta ila, a khawih pawi pha angem? :D
Eirawngbawl pawh i thiam hmel fu hi a.
Chhungkaw pa ber ah ka tling ve tawk e tia self ad a va ang deuh ve! he he
Ka van ei ve chak tak! Vawksa leh Bawngsa hi chu insawi hmuh vak chi pawh ni lo, chil kan lo lem vak vak ringawt zel a..
Hnuk a va ulh duh ve le!!
@seki : Chinese pa lem chuang chu loh theih lovah chuan hman theih e...mahse KUNG FU a thiam tur a ni lo..:D
@joseph : Vawi 5 siai chu a tih in kan la ti chhin ngam lo hrim hrim..:D..i lo ti chhin ta nih chuan eng tiang chiahin nge a effect tih min rawn hrilh leh dawn nia..:)
@vaiva : real life ah kan la kawt sia, online lamah zawn a ngai deuh mai dawn a ang..lol..ka hmeh apiangin ka lo hrechhuak thin ang che :P
@chhama : i lo chhoh leh lam chu vawksa ka hmeh pui tawh hrim hrim ang che :)
Eh...tun lai chu sa ei chak loh lai tak nia,mahse in ish-tyle chu pui hrim2 e..:P
Huis ka nui nasa lutuk vaipa thlalak khi!
A tui hmel hle mai, vawksa ka ei lohna hi rei tawh riauin ka hria, ngaihtuah a ngai ani
hahaha ka la nui zel e..mit siai tur khi! LOL
lol
Patna (Bihar)-a hostel kan awm laite pawh min tihrechhuak e. Tui thei viau tak asin! Cooker hlui phit tha thei tawh mang lo hman hi enge a chhan, vawksa kha a phawk deuh duh vang a mi? Newspaper vaipa chuanna kher hman hi Zambia ramah chuan theihloh tluk a ni si a, Editorial phek chu ka hmang mai dawn em ni?
@toy soldier : ei chak loh lai te i nei elo :p
@hotunu : insum teh khai..i nui kaih vel ange..hehe
@anonymous : lol again..hehe
@Pu Thiama : Cooker thar tha tak kan la hman ngai loh vang a ni deuh ber :D Zambia lamah chuan ni e, vaipa lem a vang viau tak ang a..ed page chu lo hmang phawt mai teh u..haha
vaipa lem chuang chu huphurh om vak lo turah ngai ang
kan cooker phit tha hlei thei lo kan nei a, chu mi chu a te deuh hlek a..mahse a tha ve tho turah ngai ang
a poi moh ber chu...a tui em? lolz
va tui hmel ve!! in khua ka lo kal hunah min lo siam ve!! tiffin-box ah rice tlem nen i rawn pack anga, mizoram house ah min rawn pe rawh aw!!! :-)
- i pi blacki
@almost unreal : savawm nen a han sehchilh chuan a tui ve khawp mai :P
@Pi blacki : tehreng mai..changel hnahin ka rawn fun ang..chuan wonderboy a khabe free..haha
hei blog ka buaipui ve mek a kan hostel vawsa recipe lo dah ve ka tum ang e...lolz
ka khabe hi lo zuar suh ka la ui ve tho a nia... :-)
bastenga han telh leh chiah la a tui full-fill thrax ka wring
*hihihi*
@pi vc : bastenga...uiii!!mahse mawms, duh a rual lo thin a buaithlak lutuk :(
hahahaha ka nui lo thei lo
hahahaha ka nui lo thei lo
Mol emai I rui ami doctor ve si
Post a Comment