Independence Day a hnai tih vang ngawt a khua an lum ta em em mai hi chu hriatthiam har ka ti ngawih ngawih. Hman deuh khan Khaw lum hi tih ka post tawh bawk a, tun tum chu khawlum tawrh dan method hrang hrang, hlawhtling taka ka lo hman thin tawh te tlem a zawng kan theh a nge.
Awm mai mai tur
Khawlum ni hi chuan awm mai mai ila a hahdam. Duhthusamah phei chuan fan / AC hnuaiah mu nileng zak ila a lum dan a nep duh khawp mai :D. Kan hnathawh pangngai leh tih tur pawimawh kan neih te tih loh hi chu ni dang a tihah khek ila a fin thlak. A bikin bazar kal, thiante in a len tih vel te phei chu kan thi dawn te a nih lem loh chuan ka dah pawimawh lo khawp mai. Tin, inah kan awm anih pawhin che sek lovin kil khatah thu ngawi hle hle ila a lum dan hi a ziaawm ve deuh chuan ka hria. Loh theih lova chhuah a ngai anih chuan tui in lawk teuh bawk tur.
Bengchhen lo tur
Khawlum leh bengchheng hi thil inhmehah ka ngai thei thlawt lo, vanram leh meidil ang vel a ni (ka tehkhin ber kher chu a fuh chiah em aw? :D) Nilo, ui leh kel thlun pawlh ang vel a ni (a la dik ta chuang lo :D) Khawlum ni hi chuan thin a chhe tel duh viau. Chuta kara bengchheng an awm leh ngat phei chuan thil hi a dik tak tak thei tawh thin lo. Rilru fim hman a har, ngaihtuahna hi a tawi deuh tup hian a hriat a. Chumi chawk khawlo zawnga rawn che an awm phei hi chuan zaidamna hian a daih tak tak tawh thin lo a ni e.
Sa ei tlem rawh
He thil hi chu scientific basis nei a ni e. 'Sa' han tih hian a bikin vawksa hi a tha lo lehzual. Sa ei hian kan taksa metabolic rate a ti sang a, chu chuan lum (heat) a siam hnem bik. I awih lo anih chuan khawlum zual ni in vawksa han ei chhin mah teh. I ei zawh atanga rei lo teah a lum zual bikin i hre ngei ang. Bakah thau (fats) lam ai chuan thlai leh thei ei hnem hi a tha hrim hrim. Khawlum ni phei chuan thlan a chhuak hnem a, kan taksa in tui a hloh (water loss) kha hnawhkhah (replace) leh ngei ngei tur a ni.
Beer vawt
Khaw lum (hic) lai chuan (hic hic) beer vawt (a mizo tawng chuan 'Chil Beer') tluka tha (hic) hi a awm dawn emaw ni le? (hic hic) Ka irhfiak nasa em mai (hic) duhtawk phawt (hic) mai teh ang (hic). :D
Saturday, August 9, 2008
Khawlum tawrh dan
Posted by luliana at 1:02 AM
Subscribe to:
Post Comments (Atom)
Posts
15 comments:
sa ei chu nia a chi vak thin loh. hmanni poh bongsa kan hmeh ve hlauh mai a..a hnuah a lum duh hle..kan sa tlat mai ni
mahse beer hi chu min ti dai ber tu hi a lo ni e..la la la :P
huiz...khalam phei chu a lum ngot ang, keini pawhin lum kan ti ve a nia, Mizoramah pawh. Take care, and stay cool :)
Mumbai lamah ve thung chuan ruah a la sur nasa lutuk. Khawlum chu kahaaa?
Chuan point pawimawh lutuk i miss... Theihai (either the fruit or the juice) in/ei loh tur. Taksa a ti lum nasa zual, heat stroke pawh a neih theih hial...
Beer sawi takah chuan hei vang hi a ni maw Almost hian khawlum a awm nuam a tih lutuk!!! lolzzz... Delhi thlasik vawt lutuk lai pawn a ni chu "a la khawlum" zarh zarh zel... hihihi...
Nia vawksa chu lo ei miah suh ;-PP
Kei beer ai chuan 'savawm' hi ka duh zawk mah:-DD
Thei eiloh boss ku Kima sawi chhunzawm loks ila..Durian hi tha lo bawk khawp mai.
keini kan khaw lam chu ruah a sur zeuh zeuh a khaw lum chu a zia awm khawp mai!! sa ei tlem chu ni e..
@almost unreal : cheers...hehehe
@DayDreamBeliever : khai a, khawlum tlansan a haw ka lo tum mek asin..:D thanx for droppin' by
@illusionaire : theihai...ka lo la hre ngai miah hlei nem...thanx for the info...beer te chu khawlum laia min vawng dai tu, khawvawh laia min tilum tu..:-P
@seki : durian??!! is that chinese??! lol...
@avena : Keini pawh a sur a a zia ve khawp mai...mahse a lum leh thuai tho ang..
Ekhai hotupa, Vawksa leh tel awm tam loh hi a zia viau thei ang em? March thla tawp khan Kolkatta ka tlawh zawk a, ka thaw theilo tep hialin ka inhria. Khaw lum hi zawng tuar a har a ni. Hmel lah a chhe duh.. kan mawm thlurh reng mai si a.. Arngeng lah hian a la lawm phian a..hehehe.
Tak takin, tih than chuan ngaiah a lo neih theih viau a nia, a vawt pawh chutiang zelin.. Khawvel ram zawng zawng sik leh sa hi inang ta vek se, mihring te hi kan dam khawchhuak tawp dawn si lo..tiraw..
He lam chu lum lo khawp mai..Sur reng a,sur loh pawn a vawt lam mah2 trep thrin ni e.
Nia,khawlum n bengchheng khi chu ka pawm thlap,rem lo hul hual
@puia : hotupa i ti dik chiah..hmai a ti bawl kher hi keipawh ngaih thiam a har ka ti..sik leh sa hi chu ni e, a in adjust ve theih mai zel, mahse a lutuk hi a awm ve leh zauh thin alawm le.. :)
@toy_soldier : tunah chuan durtlang khaw thiang tak karah hahdam takin ka thaw hle hle bik mai.. :P
khawlum ah chuan khawlum zia sawi sawi loh tur...!!! thanda lam hlir dream tur.... zotuithiang tih ang reng vel..lolz. Beer pawh pawi chuang lo...
@Awzzman : 'Thanda matlab beer' kan ti mai dawn? :) zotuithiang...ka support e..
hahaha 'chil beer'!
Thra pakhat leh chu, a lum thei ang ber a in chei a, khumah blanket nen mut. Korlum, mawza lum, lukhum lum, blanket hnuaiah a tlem berah 30 mins han mu zan la, han tho chiah la han phelh ta vek ila, a hma a lum em em pawh kha, a lo dai em em tawh mai ni..:-)
khaw lum tawrh danah hian ac room i ziak tel ve lo a nih hi mole
@jerusha : hotunu i va hre dangdai ve..tih ve chhin ngei tur anih chu :D
@anonymous : ac chu point hmasa ber a khi a awm.. :)
Post a Comment