Vawiin chu RTPA te damdawi dawr a ka thut laiin pa pakhat hi a lo kal a.
"Ka pu, chloramphenicol in nei em?"
"Aw, nei e. Strip khat em ni i duh?"
"Ni lo, mum thum chauh ka duh".
"Mum thum a? Chloramphenicol mum thum lek eiin awmzia a nei hleinem. A lo berah kar khat emaw tal i ei a ngai asin".
"Min chawh tu in mum thum chauh ei rawh a ti sia".
"Ka va awih lo. Tunge i doctor rawn chu a hming?"
"Doctor a ni lo, tawngtai dam thei a nia".
Hahthlak...
Kar hmasa khan casualty-a ka duty laiin hetiang deuh bawk hi ka lo tawng tawh bawk.
"Damdawi ei lai i nei em?"
"Ei lai chu ka nei chiah lova, mahse nikhat danah ka in chiu tir thin".
"Engnge i in chiuna damdawi chu a hming?"
"Chu pawh ka hre chuang lo. A tui hnang deuh, dum lampang ania".
"Tu chawh nge?"
"Kan veng a mi, tawngtai dam thei".
Tawngtai dam theihna thilthlawnpek dawng zawng zawng khan hei hi khawngaih takin lo hre teh u. Mahni hna theuh hi rinawm takin i thawk ang u. Doctor ten an damlo te tawngtai dam kher an tum loh ang bawk hian, nangni pawhin a damdawi lam hi chu lo chawh tawh lo hram teh u.
A thu hrimin tawngtai dam thei ni ve si, damdawi hman ngai leh tlat si te chu...a thlarau dawn san loh thlak em mai! 
Friday, August 20, 2010
Tawngtai damna leh damdawi
Posted by luliana at 12:00 PM
Subscribe to:
Post Comments (Atom)
Posts
33 comments:
Ka comment theih loh chu le...
Hmanniah Kolasib town huamchhung, Thingdawl khuaah tawngtai dam thei inti pakhat chuan Chi pawlh tui kha damlo a intir teuh a, chhan hman miah lohvin a thi hmiah maw le!!
I thuziah hi, tawngtai dam thei rau rauvah, damdawi chawh chingho hian an chhiar phak lovang tih ka hlau.
awi.. ka van duh e, hei kher hi chu :) ka nuih chhuah nghek chu le!!!
Tawngtai se, damdawi chawh kher lo se.. a van fuh chiang tak, nang pawh Damlo zawng zawng i lo tawngtaisak ngai chuang lo a ti raw :D
@zaia : "tawngtai dam thei" ka ti ringawt a, "damdawi chawh ching ho" tih tel awm tak..thanx
Nia, ka tlangaupui hi a chhiar tur ten an chhiar hmel loh khawp mai :P
@varte : Khalamah khan tawngtai dam thei hi an awm ve tho em?
An va che-chukchu hlawmve!:-) Tawngtaidamthei kan ti fo ho hi..KA HNE! ;-S
Mum thum chiah chawh tu chu a van in la confi ve mawle! Tawngtai damthei ho hi a then chu ka ring ve khawp mai. Mahse eng ah pawh hian quack hi chu an awm ve zel chu nih hi. Damdawi pangngai chawh lovin, ramhmul damdawi lawmpang vel chawh tal se tiraw?
-i pi
@seki : hnawksak miah lo hi chu an awm, mahse....ka sawi peih tawh lo :P
@Ka pi : Tawngtai damna hi a thatna chu a awm teh meuh mai. Natna thenkhat hi taksa hrisel lo nilovin rilru hrisel lohna atanga rawn chhuak an ni ve fo (a bikin nu ho :P ). Eg., Kawng na, investigation tih fe hnu pawh a a chhan hmuh theih loh te hi an lo tawngtai dam hlauh chuan a thawven thlak, a damlo leh doctor tan pawh. Mahse cancer, HIV+, kal a lungte awm ang chi ho hi chu lo tawngtai dam lo sela a that zawk ka ring :D
hahaha....a va uih hem hem ve....ka nuih huk chu le...
HIV+ te leh kal a lungte awm pawh chu lo tawngtai dam ta se ka awih tho ve...miin antam mu tiat rinna a neih pawhin tlang sawn theihna khawp power a pe phal a ni lawm ni khah?
mahse, damdawi (chemicals) chu lo chawh kherrrrrrrrr lo se
hman a mizo lehkhabu i list vak na post kha ka zawng a, ka hmu der lo mai....link min lo zawnchhuuah sak theih dan a awm mial lo maw?
i rintlak,
virgochhas
Pi VC : dik khop mai...mahse antam mu tiat tak ngial rinna an nei lo a ni maithei, HIV+ leh lungte awm ho hi han ennawn hian a lo la positive nawn in a lo awm leh duh lutuk a :P
kha i thil duh chu...
http://zafirlukast.blogspot.com/2008/10/tunlai-chu.html
Dik khawp asin... nangni pawh hi Tawngtai dam thei by-day, doctor by-night ni ve tawh mai ula.. Chhuna in tawngtaisak ho kha tlai lamah damdawi in chawh zel anga, an dam duh phian ang... hehe..
Tawngtai dam hnu dam tha leh tak tak lo phei hi chu an natna an treat loh vanga serious zual te pawh an awm duh phian ka ring.
lawm e...a post thupui in ka en a, i archive ah khan...lehkhabu tih lam topic ka zawng a...a lo ni lo emmm anih hi...lolzzz :P ... lawm e
lolz... post tha khawp mai!!!
Chuan RTPA te dawr a thut mai mai hi a nuam khawp mai, view point tha tak a ni. Nula chhelo deuh deuh bazar lai leh nurse fengchhing tawk hmuh tur an tam a, a ti Pu RTP'an. :D
Bonus: A bul lawka tattoo parlour a nula hot deuh leh awm tha duh vak lo ho in tattoo tir tur a kal mek pawh a thlir theih bawk :P
A va han tha tak em. Pathian rin loh vang poh ni hauh lovin mahni mihring duh duh dana damdawi lo chawh ve tawp hi chu a fuh lo khawp mai. Tawngtai dam ho lah hi an dam zui lo fo. Tawngtai dam ka hriat reng reng hi chu tawngtai bawk, treatment la tha bawk an ni tlangpui.
Tawngtai ringawt chu an ring tawk lo a nih hmel! :)
An lo va tam ve tawngtai dam thei damdawi chawh hrat. Tawngtai dam thei ho hian damdawi an chawh thin tih reng ka lo hre lo a, an va ho heu huau tak ve
Tawngtai dam thei prescription anih meuh chuan mum tam a ngai dawn hlei nem; mum thum chuan a dampui thawih mai ang.
Ka duh lutuk
@Sanga : Damlo serious zual tih velah chuan Pu BZ-a article lengzem a mi kha lo chhiar ve teh, a turu teh mai ania :)
@Pi VC : U r ualkham :) thupui mil lo deuh deuh post hi ka thiam ve zawng ania... :P
@illusionaire : hehe...RTPA te dawr chu fuh tak ani, bus chuang tur leh chhuk an tam bawk si :D
@Raldawna : I ti dik khawp mai. Dampui an lo awm anih hlauh pawhin a tha, mahse 'an ti thin' tih vang a damdawi lo chawh hi chu....pai daih a har a ni!
@keimah : chu tak chuan an thlarau nun min question tir :D
@Jerusha : hehe...nia, keipawh kan dai tak tak chuan ka rin ai daihin an lo tam tih ka hrechhuak a...
@simplelifegodlydrive : haha...damdawi ai chuan rinna kha dampui sela a tawk viau zawk lo maw? :)
@U Henry : i AK khan rawn vau hlawm la a tha ang :P
Nia, tawngtai dam thei inti thenkhat hi chu an hnawk khawp mai.
Oh! mind your own bussiness. Damdoi i hralh tho a ni lom ni? Damdawi zuar pon tawngtai kher lovin an duh duh an lo chawh ve tho alawm. ha ha ha.
@Anonymous : Anonymous ho hi in huaisen duh phian in ka hria :P
Damdawi zuar ka ni lova ka hralh ngai lo hlauh mai :P Damlo te dam leh damloh hi ka nitin business leh eizawnna a ni tlat mai, so sorry :(
Tawngtai dam thei damdawi chawh ching hi chu tawngtai damthei suak an nih ka ring. (Ka trawng huat thu suh ah!)
hehehe illusionaire i rawn leng khat ta khop mai.. thut hmun i sawn ta deih ni maw kha..
Damdawi hralh buaithlak ber chu, a damdawi hming duh ang sawi theilo mahse a rawng leh bur awm dan vel choh hria hi :)
leh a damdawi inang reng si mahse company hming dang si, a damdawi hming ang choh duh bik tlat mahse hmu zo si lo hi buai thlak bok..
Hahaha, ka'n nuih huk chu le. Kan la hahthlak tlang ani, a damlo pawh a tawngtaitu pawh. Thenkhat hi chuan daktawrte aiin an ring bur lehnghal a...
Kan veng lamah pawh Balma Daktawr ring zawk an awm a, a damdawi chawha inchiu, harsatna tawk leh si hi kan enkawl fo, a then nun chan ta tho pawh an awm. Ruh hmet thiam pawh an pan thin a, hna min chhawk nasa a tih theih.
RTPA te dawrah hi chuan mi maksak pui2 hi an lenglut reng alawm. Keichu ka kal duh tawhlo, ka hriselna in a tuar phah ziah, thlarau nun paw'n a tuar :D
Hmanni ka hmelhriat tawngtai dam thei hnenah a ke ruhseh tihdam beiseiin a kalve a, a ke chu alo rah hrual sak vaka, a nat belhchhah zek.
Tawngtai dam thei hi tha ve deuh asin, Miin an pan nual tawh hi chuan an lo tawngtai dam ve nual tawh tih na chu a ni phawt angah. Chuvangin chloramphenicol lei tu pawh hian a dampui turah ngai ang. Psychological effect a dawlh tel dawn a, chloramphenicol ei ngai chu a natna a khirh ringlo bawk ila.
Nanga pawh chu damdawi dawrah i thu kual ve tan ani maw, hehe.
@ralte : Haw lo turah ngai hmiah ang :)
@RTPA : Hman a pakhat ka hriat pawhin, 'phengphelep lem a chung' tih zawng a hria :P
@lamli5ualpa : Nia, huat hlur theih lutuk pawh a ni lo, thlir liam chin hi neih a ngai anih hi...
@pu hlua : A lo nih tak chu...in chhangchhe leh zualin ka ring in veng lam chu...
@ku2 : Rap hrual...haha..ka tan lutuk :D
@rsa : Tih tur neih lo luatah ka thu fo mai :D
kan hnial lawk ang che...chloramphenicol chawh ve ngawt kha khawi atanga thiam leh hria nge anih? Eng ang chiah a na nge tih a chawhtu hian a hre chiang em? Chloramphenicol ei loh na tur natna pawh a lo ni thei tlat. Chubakah chloramphenicol ang chi antibiotic reng reng hi a course kim a ei a pawimawh khawp mai. Mumal lo deuh a ei kan chin vangin 'resistance' a awm phah a, tun hma a dam mai thin natna thenkhat antibiotic chak tak tak hman a ngaihna hi a pung tial tial...a course kim lo a ei ai chuan ei loh a him zawk chang a awm nawk ania :)
Psychological effect hmang chuan lo tidam mawlh rawh se, a pawi ka ti lo full thak. Doctor tan pawh a hahdam thlak...mahse damdawi (a bikin allopathic damdawi) chawh tur hi chuan an qualify ngang lo a ni :)
Tihdamna ani emaw, Pathian thu a ni emaw, Engineering, Construction etc a ni emaw, eng kawngah pawh hian Pu Thangkura te Drama sawi ang deuh khan "A TRE A TRE-NING (TRAINING)" te ah hian rinna nghat ngam zel ila a tha ber mai.. Thiamna leh zirna pawh nei manglo hian kum tamtak lo Zir /Training tawh te ai hian hrezawk emaw kan inti ve fo mai a nih hi. a buaithlak hlawm khawp mai.
@b-buata : dik khawp mai :)
Haha rinna an dampui hlawm ang chu maw. Naamana phar a tihdawm dawn khan elisa thupek kha ka ngaituah tleng daih mai. Mahse tunalai a kan damdawi ho hi side effect nei, a bik taka duan anih avang hian a hlauhawm asin mawle.
@vana : nia mawle...Lal Isua'n mitdel a tihdam dawn khan hlum a hmang tih kan hria...a bak zawng chu 'thu' leh 'rinna' kha an dam pui hlawm anih kha :)
Post a Comment