Sunday, August 8, 2010

Phorona rapthlak leh Kung Fu Panda

Nikhua ka hriat rual rual chuan ka taksa pumpui chu a sa hut hut a, chhunglam atanga puak keh mai thei tur a ka inngaih lai chuan, ka pawn lam erawh a ro char vek thung lawi si. Men kan tum a, ka theilo. A eng lutuk, a sa rapthlak bawk si. Kan dap kual vel a, mahse engmah dap fuh tur pawh a awm lo.

Mak ti em em a ka in ngaihtuah lai chuan aw thum lutuk lo hian, "Thil awmzia engmah i hre lo tiraw", hi a rawn ti a. Meng theilo mah ila aw ka hriatna lam chu kan hawi a, "Hrelo, engmah ka hre lo. A sa rapthlak bawk si, engnge ni thil awmzia?" tiin kan zawt a. Aw chuan rapthlak lutuk hian, "Ka Pathian nung hmingin pho rovin i awm mek a ni", a rawn ti leh ta dur dur mai a. Chutah zet zawng, sa hle mahse hlauh avangin ka khur nghal ta char char a. Ka eiruk awm ka hre bawk si lo. Eiruk chu sawiloh, eiru thei dinhmun a ka awm pawh ka la hre bawk si lo.


Mahse engmah ka sawi hma in aw bawk chuan min tawng khalh leh avangin ka rilru ngaihtuahna zawng zawng hre vek thei vantirkoh a ni tih ka hre ta a. "Hman a Assam Medical Council office-a mi i tham kha i la hria ang tiraw?" a rawn ti ta a. Kan inngaihtuah let a, a chiang ta khawp mai.


Khami tum kha kan senior pakhat lehkha tifel turin Assam Medical Council office-ah ka kal a. Registrar hmu tur khan ka hmaah mi an tam em avangin clerk chu cheng za thingpui in na tur ka lo pe pek a. Ka thil tih sual chu te hle mahse bawhchhiatna, phoro phu a lo ni reng mai. "Anih leh ka bawhchhiatna anga te lutuk ho pawh in phoro vek tihna em ni?", kan ti leh a. Aw chuan, "Tumah hmaih kan nei lo. Mizoram pum hi kan phoro a ni ber mai", tiin min chhang leh a.


Chutia mumang rapthlak lutuk ka man mek lai chuan ka nu hian, "Tho rawh, duty i tlai leh mai tur asin", tih pahin ka room bang chu a rawn beng ri dawt dawt a. Zawi muanga thawh pahin ka mumang rapthlak tak chu ka ngaihtuah zui neuh neuh a. "Phoro hun hi lo thleng tak tak pawh ni se a lungngaihthlak vak love, ka hnung dawn e mai. A thu hrimin phoro hmasak tur ho kan la vulh thau mek chauh a ni a si a", tih pahin ka insiam mawlh mawlh a.


.................................................


Phuah zawm dan tur ka hre tawh lo, duh tawk tawh mai ang.


Engmah hi a kal ding tak tak theilo tunlai chu. "Engnge i nunah thil thar awm?" ti ta se, ka chhanna tur chu, "Kan vawkpui in no a nei leh tawh", tih vel bak anih ka ring lo. Chutiang vel chu a ni e.


E taka, lungawi loh deuhna ka nei. Nula pakhatin ka thianpa hnenah, "Khawnge i thianpa kha?" a lo ti a. Ka thianpa in, "Tu ber maw?", ti a an zawh chian chuan, chu nula chuan, "Kha i thianpa KUNG FU PANDA ang deuh kha", zuk ti kher a mawle.

sengihnampakgigi

21 comments:

Varte said...

phoro hunah chuan i hma chiah-ah ka va awm hmel e.. hmanah Airport-ah custom ho Rs.200/- ka lo pe khanglang, ei tur ka keng hnem lutuk min man an tum a, pawisa min pe mai rawh an ti khanglang vei a nih kha...

Vawkpui in la vulh reng a ni maw???

luliana said...

@varte : Lolzz...kei aiin i phur a rit zawk dawn anih chu...taka, ka thlarau hnuh khan hmuhmul a nei tlatin ka hria :P

kanidar said...

I mumangah chuan phoro tur zingah ka tel ve em? He khawvelah hi chuan kan in phoro dawn lem lo a ang ta khawp mai :)

I blog te in update leh tak danah hian, Kung-Fu-Panda i te nen in in thre thru deuh lai a ni hial lo maw? :) Dr.Chhana kha min lo biak dawn nia, a ngaihzawng kalsanin min phone tluk tluk mai :)

Anonymous said...

Haha! " Phorona" tih khi ka chhiar fuh thei lawk lo ma le. In pho ro tak tak hi aharsat hmel viauin ka hria; chuvang chuan ka hlau duh lo mai :-P Ngaihnawm e.

Chu KungFu-Panda-i te an lo awm ani maw ? :-)

Anonymous said...

Kan aia kross a phoro tawh hi han ring bur mai ila, phoro a pumpelh theih. Phoro na tur reasons i ngah awm sia, piangthar khalh vek rawh!! :-)

Xmas ah dinner ka sawm dawn che u kha...kan ti thei dawn ta ngei e. Flight ticket leh leave ka nei thlaps tawh a nia!

Anonymous said...

A chunga comment hi i pi black-i ka ni e!( Haihawt tawh bawk sia....)

Hriatpuia Pa said...

Han update tlauh tlauh teh. Tun lai chu nuihna tur update a tlem tlat...s

virgochhas said...

hahahha...mang i va nei syal ve a...i harh chiah khan meikhum rim i nam deuh chak chak lo maw :D

kungfu panda lai tak hi ka duh ltk...hahahha...i ang tam tam em ni? i an chuan i cube reuh ngawt ang...tunlaiah nula in tlangval cube deuh deuh hi an duh an tih kha...future a bright khawp mai :)

luliana said...

@kani : I tel ve lo aniang, ka hmu tlat lo che :P Chhana chu a va ti mak ve, a ngaihzawng vang liau liau a hlawh tam lam kal san kha a niin ka hre sia :P

@seki : i lo haw hunah kung fu panda mi lo hawn rawh aw :D

@Pi Blek-i : yesh...ka chak tawh teh mai ania :)

@Zaia : ngaihtuahna hi a kal ding lo thei lutuk a :)

@Pi VC : chuti chu in pa pawh a cube viau tihna a ni maw :P

Unknown said...

E khai, lulian, i hma feah ka awm dawn! Hmanah kei pawh Mumbai Airport-ah ka baggage rit over lutuk kha.."Chuti zat chu min pe mai rawh" an ti a, ka pe ve ringawt! I mumang hian min tiharh zawk mai...Kungfu Panda!!!ha ha ha..nula chuan Cute a ti lutuk che a nih chu! :)

Admin said...

Lulian e khai! Thenkhatte hi chu ro ni mai lo in kan char zo tawh ngei ang le. Tin; Assam MC hi ka lo hriat ve dan in an kawrap a dawr an har a ti tlat!

luliana said...

@keimah : cheng za ai chuan i chawi tam ngei turah ka ngai, i mawng phe te chu ka rawn hmu hman mahna :P

@khumchikthei : haha...leih huh dan ngaihtuah char char a ngai anih chu...AMC chu i ti dik ang, khami ni pawh khan clerk khan thingpui in na tur a dil zel a, midang chuan cheng 10 vel lek lek kha an pe a, ka intlar rei peih lovin cheng 100 lawih ka pe ta lawm le :D

Anonymous said...

Hman zan ka mumangah chuan "I hard disk pho ro a ngai" a lo tia, "nga ti nge?" ka lo tia, thum dut dut in "Head bang video kha i delete loh chuan i hard disk ka phoro ang" a lo tia, ka harh zawk a, ka zawng nghal vat a, mahse ka delete ta lem hlei lo a :)) :))

- wonderboy

luliana said...

@wonder : i awm hriat hi ka aw hriat ai chuan a hlauhawm zok ka ring, a thum dut dut tlat :P

ThaiBoy said...

Va rapthlak tak ve mawle :) Wonderboy nen hian phoro tur ai chuan pho hnawn in mamawh tawh molawm ka chak tawh teh mai ania :)

luliana said...

@Thaiboy : thianpa, wonder-a hi tur deuh tut tut rawh, a tih bam leh hmain :P

Anonymous said...

@thaiboy, nia bam thei a la nia @luliana hi chu bam thiang/thei tawh lo kha nia, huks chu an hnaih zawk daih a nia :)) :))

-wonderboy

Jerusha said...

Phoro vel chu ka lo rap hman teh reng nen, hahahahhah Kungfu Panda ang deuh tih khan tawngtai nghal ka lo tumna pawh a rawn ti dal leh ta vek mai :)

francis said...

haha...khawvel ni miau a..cu tah poh hamara desh ah hi cuan!!

luliana said...

@wonder : a lo nih tak chu :P

@jerusha : dal kher lo se la a va tha awm ve, ka thiam loh ani :)

@francis : buaithlak ber chu hamara desh ah hian Kristian ram kan la in ti ve chhen bawk sia :(

rinfela said...

keini poh kha kan pe ve in ka hria pondy univ ah khan,ka chiang tawh lo..mumang lamah min rawn remind ve te nih loh chuan..ti deuh nuaih chu ka ni... nih loh chuan buaipui rei a ngai rap..phoro ngaihna ka han inpuang ve tak tak dawn emaw ni le...mr panda,hahha

Post a Comment