Wednesday, April 8, 2009

Making a Mizo porn

(A hnuaia thu fahrah leh satliah ve tak hi a ziaktupa ang mai a thutak pailo a ni a, phalna la hmasa lova lo belhchian ve ngawt a rem lo. Thutak khuk a khukpui an lo awm anih vaih chuan, thutak khukin an lo khu satliah ve mai a ni anga, an chungah na takin action lak a ni lovang. He thuziak fahrah leh satliah ve tak hi tha ti tu mi pathum tal an awm anih ngai chuan, a lawm nan vawkpui rai lai vawi hnih leh a chanve kan hawlh ngek tuar tuar ang. Tin, kum tlinglo tan a ri a chhiar chhuah phal a ni lo bawk).

A hmun – Location
Sap ram lama an channa thin swimming pool thianghlim tak sir leh penthouse changkang taka chan ve a rem lo, swimming pool thianghlim tak leh penthouse changkang tak kan rama a awm ve miau loh avangin. Kan neih ve phak tawk leh kan budget in a a tlin tawk, mi fate'n stem cell research leh nuclear power an buaipui luih luih laia, mautam avanga tam lek lek te hi chuan mi inhnuaiah, a in neitute hriat loh laiin thawm dim thei ang berin kan chang ve leh thawr mai dawn a ni.

A changtute – Starring
A changtunu tur hi a theih hram chuan a hminga celebrity, music video (gospel tiamin) pakhat tal lo siam ve tawh emaw, super model contest a first round paltlang zo lo emaw, mizo film-a a changtunu thiannu thiante zinga hausak hmel deuh a lo chang ve tawh tal a ni tur a ni. Hetiang ang mi hi kan hmu zo lo anih chuan, veng tlabirh ve deuh a Shakira hla pakhat tal hria kan zawng mai ang.

A changtupa tur hi chu a remchang apiang a ni mai, a hmel a lan ve dawn chuan loh avangin. “Dulkiar hian mihring min ti sexy zual”, tih hi tun thlenga science thiamna hmanga finfiah a la nih loh avangin dulkiar te chu duhsak bik an ni lovang. Tin, Kohhran lehkha thil tel te pawh a thil tel lo te nen angkhat veka en an ni dawn bawk a ni.

Hlawh chungchang
A changtunu hi top-up cheng sawmruk (Rs. 60) man a lungawi thei tur a beisei a ni. A beitham a ti deuh anih chuan sms pack cheng sawm (Rs. 10) man belh sak theih a ni ang. Chuta a la lungawi lo anih chuan bike in vawikhat Rangvamual leh Phunchawng fanpui a ni anga, a mawng tih er theih chintawk erawh bituk sak a ni ang. Heti chung pawh a a la lungawi theihloh cheu chuan, “Hmelchhe nu” emaw, “Zawngi” tih pahin kan beng thle sawk anga, pension nei lovin kan ban zui nghal ang.

A changtupa ve thung hi chu ama zei vang hrim hrim a celebrity nula theiah kan ngaih sak hmiah anga, a lungawi ve tawk hle tura ngaih a ni. A lo lungawi loh tak leh Mizo mipa zinga “englo” nei lian berah official takin kan puan der sak ang.

Tin, kap var lutuk tan dil buai ve tingtang a ngai lo, a ti Mizo lo thei tlat (ka ti lutuk em?!!).

Cameraman
Hei hi a awlsam zawngin, a changtute mawhphurhna ni mai sela. Mobile phone camera bak chu hman phal a ni lo.

Thehdarh dan tur
An chan zawh veleh a remchan dan ang angin kan release nghal mawlh mawlh anga, blue-tooth leh pen-drive-ah innghah bur a ni ang. Copyright dan bawhchhia a rilru chhe tak pu chunga sem darh an lo awm anih chuan, an chungah lawmthu kan sawi mawlh mawlh ang. Kohhran upa leh thalai hruaitu hlawhtling taka pechhawng theitute phei chu a bik taka lawmthu sawina lehkha thawn ngei ngei kan tum bawk dawn a ni.

Tlangkawmna
An chang zo anga, a darh leh hrep anga, an zak leh ngei bawk ang. Chutih hunah chuan ram pawn lama bi bo duh te chu anmahni senso liau liau a ni anga, thingtlang pilril leh ramhnuai lama bibo duh te erawh tanpui dan tur ngaihtuah a ni ang. A bikin a changtunu hi khawtlang tangrualin vengchhung atanga an hnawtchhuak anih chuan, MHIP leh Human Rights ho hnenah kan zualko sak bawk dawn a ni.

35 comments:

codeAries said...

:))

Hriatpuia Pa said...

Haha! Ka'n nuih hawk uarh chu!
Kap var lutuk - i ti lutuk deuh hlek chuang love!
Cameraman-a 'mobile phone camera bak lo chu' tiha, bak hnu chiaha 'lo' khi a awm a tulna ka hrelo tih loh chu a tha ka ti ngei mai!

luliana said...

@Pu Zaia : My bad!!kan siamtha nghal a nge...uluk takin min chhiar chhuah sak tih ka hria a ka lawm kher mai :)

Mizohican said...

lolzzzz. ziak thiam khawp mai! :D

Ps. i rulru a awm hi chu ooo... :D

luliana said...

@illusionaire : hman a penis tih len dan ad chungchang i post atang khan ka ngaituahna hi a hmul tlat tawh :P

funny™ said...
This comment has been removed by the author.
funny™ said...

a changtupa ah ilo trang ve tawh reng lo maw.. hahaha

ThaiBoy said...

Ka lo chang ang chu......... chawibelhin

EPISTEMOLOGY said...

hahahaha..good idea...chhiar nuam lutukss..

wonderboy said...

hahaha!!!! hetiang lam ngaihtuahnaah hian i rilru hi a chak bik riau!! :D

Varte said...

lulian leeeehhhhh.... i thil ngaihtuah dan hi ka rilrem zawng tak a ni ziah mai a, a hma khan lo ngaihtuah chhuak tawh awm tak ka nih vei nen... ka nui nasa hle na-a zirlai chu i phum ru teuh tho mai. He article (belhchian phal loh) hi a zau thei ang bera thehdarh ka rawt e... hahaha.

Malsawmi Jacob said...

Ho lutuk mai mai!

luliana said...

@funny : tang tawh e, ka video leak kha i la hmu ve nange :P

@Pu Thaiboy : nang chu tel ve lovang, in nu ka hlau :D

@Epis : thank u :)

luliana said...

@wonder : ngaihtuah bak lo hi chu tih theih dang ka nei vak bok silo anih hi :D

@Varte : thehdarh love le, ka mualpho lutuk dah ange :D

@Pi Mesjay : A tirah a ho ka tih ka tih kha :P

Geminiboyz said...

Ha ha ha... la na lo mah2. I duhthusam ang a changtu tur i hmu zo lovang tih ka hlauh pui zawk che. Tha thuai thuai khawp mai. A dang pawh mawle.

Sekibuhchhuak said...

hahah. I ngaihtuahna avan " inthlahdah " ve !:-) A ziaktupa hi a changtupa atan ka rawn rawt nghal e ! :-)

Anonymous said...

Ka nau, i thil ziah hi McDonald ah ka intlar laiin ka chhiar a, keimah in ka nui khur char²...ka hnung a mi ten mak min ti ngawt ang!!

“Dulkiar hian mihring min ti sexy zual”, tih hi tun thlenga science thiamna hmanga finfiah a la nih loh avangin dulkiar te chu duhsak bik an ni lovang.
-helai tak hi a fuh! :-) a nih chuan nang chu 'chekchi' vak lo ni maw?

-pi bleki

luliana said...

@Geminiboyz : A changtu tur chu an kat nuk ang chu ka lo ti zawk a... :)..Tun aia na a kan tih chuan a 18+ deuh ruih dawn tlat a hriatna ka nei a...

@Seki : Nia tiro, easter laia ngaihtuah atan chuan a chi lem loh khawp mai.. :D

@Pi bleki : hehe...ka ti thep dawn alom, thla hnih hnuah chuan check ngun ka ngai viau ang :P

Jerusha said...

Boss, vawiin ni lum hreawm vah chhuah ngam loh na a nileng a boring tak a kan awm tlawk tlawk kara nasa tak a min tih nuih hawk hawk avangin kei leh ka in luahpui ten lawmthu kan sawi e! :)

RTPA said...

i lo ti tak2 nge aw ka nau.. i rilru thil awm hi a tak a lan tir hi i tum ngal zel sia...

Unknown said...

I va ziak thiam in I va ngaihtuah mak reuh.
Luliana chu I kianga awm a nawm viau dawn hi a.nitin I titi ngaih thlak a chak awm hle mai.

luliana said...

@Jerusha : Boss, a va lawmawm ve...ka thuziak tlahawlh tak tak in lo hlimpui ve a :)

@RTPA : Ka chhun lutuk che a nih hi :P

@bawmrang : i ti lawmawm e, mahse hmaichhanah chuan belhchian tlak ka awm lo...ka hmel tiamin :D

Muantea said...

Mi inhnuai ai chuan khanghu buk hnuai nise..i chettlat zeina hmun ni zawkin ka hria. Hmel a lan loh chuan ka chang duh a nia,a changtunu tur pawh hual ka nei!

VaiVa said...

Cameraman kha profe deuh an duh lo mi? Hual ka nei a nia!!!

Ka tum loh deuh ka chhiar a, ka rilrem zawng taka a tawp chu le.. het saala

Lal Jo-a said...

HAHHAHA, i ngaihtuah zawng hi a va 'ramthim vei' lo deuh thin ve awww. :D

Awzzman said...

hotupa.....dairektawr ah ka lo tang ang nge. ka englo then na zawng tak ani..lolz

luliana said...

@muana : khanghu hnuai chu a ualau lutuk deuh lo maw? chanpui tur i hriat nu hian a lo chanpui duh lovang che tih chu ka hlau angreng :P

@Vaiva : a thlawna a ti thei dawn anih te chuan ni mai zel e...nge nangmah hi i lo ni kur ange? :D

@Joseph : ramthim hian kan zoram hi a rawn luhchilh tawh chu anih hi...ka vei lutuk a hnai a la lo chauh mawle :D

@Awzzman : a thlawnin maw? tehreng mai :)

Puia said...

Heheh, a rilru zek tak mai a hotupa.. Zirtirna inphumru hi haichhuak thiam hlawm imaw..:)

Tlangval dulkiar sawi takah chuan Mizo tlangval te hi dul kiar awm fiak kan tam ta ngawt mai.. ka mam purh hlawm mai a..:)

Unknown said...

hahahah ka nuilo theilo :)))

luliana said...

@Puia : Hotupa, dul kiar awm fiak satliah a ni tawh hleinem, hnute um te hi kan tam ania aw :D

@Chhandama : e khai, insum reng reng suh :)

V-a said...

in va hur hlawm ve, te ka tia, kan inang tlang em ang chu maw, heh, chhu hi kan lawm tlang chu a ni e

Anonymous said...

stupid... put in english!

Anonymous said...

I’m not that much of a internet reader to be honest but your blogs really nice,
keep it up! I'll go ahead and bookmark your site to come back in the future. Many thanks

My site coffee machine

Anonymous said...

When someone writes an post he/she retains the thought of a user in
his/her brain that how a user can know it. Thus that's why this piece of writing is perfect. Thanks!

my blog; resource for this article

Anonymous said...

What i don't understood is in fact how you are no longer actually much more neatly-preferred than you may be now. You are so intelligent. You recognize thus considerably with regards to this subject, made me in my view consider it from numerous numerous angles. Its like women and men are not involved except it is something to accomplish with Woman gaga! Your own stuffs outstanding. All the time handle it up!

My page ... obsanity.org

Post a Comment