Sunday, February 26, 2012

Hna leh a kaihhnawih - I

Khai a! Blog ka update khat lutuk a pu Zoramthanga lal a lo hun leh tep tawh alawm le!

Mahni tawk te te in kan han buai ve nak nak a. Chumi karah chuan thil ho te te, hlimawm leh nuihzathlak bawk si lo awm ve te hian nun hi a lo ti nuam a ni.

Vawikhat chu pitar, kum 90 chuang tawh hi casualty-ah an rawn hruai a. "Ka pi, Durtlang-ah hian tun hma in i awm tawh ngai em?" ti a kan zawh chuan, "Aw, awm tawh e. Pi Puii te hunlai khan ka TB a, rei fe ka awm alawm," zu han ti daih a. "Chumi hnu chuan vawikhat mah i rawn kal leh lo a maw?" "Kal love, chumi hnu a damdawiin ka vawikhat awm leh na tur anih hi." A hrisel al al khawp mai.

Naute thla 11 mi inguinal hernia (til a ril tla) kan zai dawn a. "Inzai hma darkar 6 chhung engmah ei tur lo pe lovang che," ti a a nu kan hrilh lawm lawm hnu pawhin hnute a lo hnek tir hram. "Eitur in ti ringawt a, a in lam in sawi tel si lova...." Ni e, kan thiam loh liau liau, kan lo sawi chipchiar tawk lo a ni. A nu ber chu a nuihza ber berah a la tang zui lehnghal. Chaw ei loh tur, tih ringawt chuan kuhva ei theih emaw ti tawk lah bo hek lo! E taka, til a ril tla hi hmeichhia in an neih chuan, ....bianga ril tla an ti (eh...ka phuahchawp)

Kum upa lam hi dawhtheih an ngai thin khawp mai. Putar pakhat pawh a damloh tan dan kan zawt a. "A bul te atangin kan sawi anga. Buai hma lawk kum 196......" A sawi zawh meuh chuan a tir lam ka lo theihnghilh then leh der tawh. Buaithlak thin khawp mai.

Thingtlang nu pakhatin a fapa zu duh ve tak hi a rawn hruai a. "Ka pu, ka fapa hi a pumpui a anser nasa lutuk a...." Engnge, mi ulcer hresual ve te!

Natna chungchang a mihring rilru put hmang hrim hrim pawh hi a lo in ang lo khawp mai. Pa pakhat chaw kawng pan biopsy result a lo chhuak a. Kan u pakhat, thu leh hla nei tam lem lo tak chuan, "I cancer," an ti thawr ringawt a. A damlo lah chuan a thenawmpa melh pahin, "Kha, ka tih reng kha..."

Kal a lung awm, enkawl loh avanga kal chhe tawh chronic renal failure nei damlo pakhat pawh hi a khat tawkin a rawn lang ve reng a. Renal transplant (kal thlak) turin kan refer a, mahse chhungkaw lam harsatna avangin an kal thei bawk si lo. A natna awmzia chiangkuang tak a kan hrilhfiah hnu pawhin vei lutuk awm pawhin a lang ngai lem lo. A hrethiam pha lo nge chhandamna lamah a chiang lutuk zawk pawh ka hre bik lo. Hmanni deuh khan a tai a nat avangin a rawn kal leh a. Kan han enchian chuan a phing bulah lung lian vak lo hi a lo tang a. "Chhut keh a ngai, anih loh chuan na a siam reng dawn," tiin kan han hrilhfiah a. "Admit ka ngai dawn tihna em ni? Awm rei hman ka ni lo ania. VC inthlan hma a ka chhuah leh loh chuan kan vengah kan party an buai ani mai." A nunna derthawng tawh takin a rilru a ti hniam lem lo hi keini a enkawl tute tan chuan a lawmawm letling zawk!

A dang pawh a la tam. Nidangah....

9 comments:

ku2 said...

sawi zel laaa... kan venga in rawn awm hunah a free in min zai thin dawn nia. Bianga ril tla kan neive te anih chuan...

TS Khupchong said...

Hahaha.. Ka hlimpui mang e aw.. Lo chhunzawm leh vat rawh. A hit vek a, a tawp ber khi a hit berin ka hria. :)

Varte said...

Pitarte hrisel khi ka tan reuh tawps... nang chu i lang khat na-a i lan chhunah hian bei HIT thei khawp mai hahaha

luliana said...

@ku2 : in pa in thuk deuh deuh bih a phal chuang lovang :P

@TS : kan la ti leh dawn nia ramchangah :)

@Varte : nang pawh i lang khat riau in ka hria tunlai chu...

Joseph L said...

Kei pawh hi ka khua a sik dawn aniang, ka vawih ka vawih mai. Kukui khian Bianga ril tla a tia, "...." khi a hmu tello aniang a! hihi

Zaia said...

Buai chung chunga in update hian chhiar a nuam zual a nih hi :)

luliana said...

@Joseph : kukui i hi chu fiamthu te pawh hi kan hrilhfiah na lamah a nuihzathlak lo vek zel :P

@Zaia : ka lawm e...i blog poh ka la chhiar ve deuh ziah ania, comment dah lam hi ka taima ta vak lo mai pawh a :)

Anonymous said...

A motivating discussion is worth comment. I do believe that you should publish more about this subject
matter, it may not be a taboo subject but generally people
don't talk about such topics. To the next! Many thanks!!

my homepage; peoples quotes
My page :: life quotes

Anonymous said...

This electric chair had likely lies inside your office chairs.
I victimised to put everything in disunite trail to the death chair baring the bolts
among other things.

Post a Comment