Sunday, October 3, 2010

Internship Diaries - Part I

Internship ka tih lai a ka experience tlem a zawng....

  • A tan tir lamah khan kan han bo ve haih haih khawp a. Khawsik enna 'thermometer' kha an lo hmuam tir ngai reng reng lo chu niin. Hre ve hek lo, mi chi hrang hrang zakhnuaia an hawlh rawn luai luai kha putar pakhat ka hmuam tir ve tat. A hre chhuak zui lem lova ka lawm khawp mai.
  • Vawikhat chu pitar kum 86 mi hi casualty-ah an rawn hruai a. An harsatna zualpui kan in zawh fel hnu chuan a khaw hmuh a la fiah that leh that loh kan zawt a. A rawn kalpuitu zinga pakhat chuan, "A, a la fiah tha thawkhat aniang, Zuma hi a khel peih ve riau a," tiin min chhang a. Khel ve satliah mai turah kan ngai ngawt a, mahse a lo ni lo nasa mai. "Ka pi, Zuma chu eng level nge i thlen theih?" ti a kan zawh chuan, "Ka khel chhuak vek thei," tiin min chhang. Tun thleng hian dangdai ka la ti.
  • Rilru lam harsatna neih avanga na der, an chhungten casualty-a an rawn hruai chuk chuk hi an awm ve nual thin. Hmeichhia an ni tlangpui. Pumna, taksa khawng, thaw hah tih vel te hi an rawn chhuanlam thin. Mahse han enchian deuh a, han kawm chian deuh chuan a nihna tak hi a rawn langchhuak ve leh mai thin bawk. Nula pakhat, emergency tawk a an rawn hruai kha chu a frank ve angreng khawp mai. "I engnge na?" ti a kan zawh chuan, "Ka rilru," tiin min chhang keuh.
  • Kan pu pakhat hi an haihawt ve mai mai khawp a. Vawikhat chu vai putar, phunchiar zet mai, ni nga lai damdawiin a awm tawh hi a chhuah (discharge) a. "Khum kan indaih bawk silova, nang chu zia lam i pan tawh tho bawk a, chhuak tawh mai rawh aw," tiin a thlah thlap a. Chu vai putar chu a lo phakar ve phian mai a, a chhuak thla chu haw ta mailo chuan OPD lamah a hming a lo zuk ziak lut ve leh a. A chhuahtu kan pu haihawt lutuk chuan a lo theihnghilh hman chek aniang chu. Nakin deuhah chuan nurse zirlai pahnih hian chu vai putar chu an rawn kai lut leh a. Doctor lehkha kan en chuan a chhuahtu kan pu kut ziak tho a lo ni si. Phone a kan zuk zawh chian chuan nuih uar uar pahin, "Ka lo hre leh tawh hleinem, lo admit leh phawt mai rawh u....".
  • He kan pu vek hi vawikhat leh pawh department dang damlo refer, cabin a awm a va en a. Darkar chanve chuang zet a va awm a. Thingpui hang a in bakah kuhva ei pahin a va ti ti hrep a ni awm e. OPD lama a rawn let leh hnu chuan cabin a nurse duty chuan intercom hmangin a rawn phone leh a. A kal chhan ber a lo va tih theihnghilh chu niin. "In pu kha a lo let leh a ngai ania, damlo treatment a siam reng reng hleinem."

Ka ngaihtuah peih tawh hrih lo, duhtawk phawt mai ang. Nidanga chhunzawmah ti leh phawt mai ang.

15 comments:

Anonymous said...

A hmasa ber khi...lolz
Mahse, awm ve tho mai. thil te chu hriatsa awm hlei nem ti ro..??

~kilung

laaayyydeee said...

hahaha

Anonymous said...

Ngaihnawm hle mai..

Mizohican said...

Pu chu i nei tha khawp mai, lolz... i ni ve hrim hrim ang nangpawh nakin zelah chuan :)

VaiVa said...

A rawn thawk leh dawn tan e :D Ngaihnawm phian zel i han ziah hi chuan. Pitar i sawi khi Sandman a thlahtu te zinga mi a ni hrim hrim, computer a thiam e mai :P

Anonymous said...

chemte a an vih pakhat pawh OPD-ah an rawn hruai a, nachhawkna mum khat a lo pe a a haw tir leh....a post tu pa hian....hahahaha j/k

- 1dr8oi

Unknown said...

Kan thian pakhat pawh ICU-ah an duty tir ve a (Intern tho). Dasmlo pakhat darkar tin Temperature, Pulse leh Respiration (TPR) lak tur a awm a. Ani pek chuan TPR chu Total Per Rectal examination emaw tiin darkar tin PR examination a lo ti! :) A boss-in atuk zinga Ward a rawn fan chuan kan thianpa record chu a han en a, zing dar 4 velah chuan "Glove Finished" tih a lo ziak kuau mai chu a nuih a za deuh si, thinrim bawk si!! :) Damlo hnenah chuan, I tha em?" a han ti dek dek a, damlo chuan, "E khai, ka pu, nizana mi kha chu duty tir tawh lo hram rawh aw" a ti ringawt!! Ha ha haaa!!!

Anonymous said...

I blog tlawh hi chu amanhla bik thin. Ka nui khisung zel mai. ZUMA khel pitar mawlh mai khi!

virgochhas said...

kum 86 chu a pian kum an chiang lo anih ka ring...ehhh...tlat mai a...mizo pitar kum 86 miin a mit pawh thra fe mahse zuma khel parh parh thei anih ka ring lo...sap te chu an tar fing a, mizo chu kan tar aa tlangpui...khang hunlai khan birthday an chhinchhiah em em lo tlangpui bawk...a pian kum an risk diklo anih ka ring thau thau :D

thermometer chu bei sek-si lo ve khawp mai...pvt ah phei hi chuan pvt room a awm te hian an lei tir nghal mai zel asin...an room chharge ah an charge nghal tlangpui...in hman trawm atan chuan tenawm ve hranpa hrim hrim...hihiihihi

luliana said...

@kilung : hriat lohna hian min ti a reng asin :P

@ramtea : lawmawm e :)

@illusionaire : ka ngaihtuahawm viau ang, tunah pawh hian a lang tan tawh ania aw :D

@Vaiva : regu ka rawn tum hram hram ang...Sandman a pi chu a ni lovang, hmelchhe lutuk a ni lo tlat :P

@wonder : in khua a in daktawr awmloh laia i tih dan a ni zawk lo maw :D

luliana said...

@keimah : TPR = Total Per Rectal examination..haha..awm ang ve bawk em anih hi...ICT pawh hi kan in risk siak vak tawh :D

@seki : a lawawm e, nang ber i nui khi sung a :P

@Pi VC : sorkar damdawi inah hi chuan 'ekawnawmikal' thei ang ber a chet a ngai thin sia, sawi duh tak tak ila chuan thil tui tang lutuk lo hi a awm nual...ehh..j/k :P

I tar hunah khi pitar khi i chhun ka ring, hnial i hrat phian bawk ang :P

gardendiary said...

diary ngaihnawm tak chu a ni e....

Anonymous said...

In pu haihawt takin a discharge vaipa chu van PK thiam ve! lol I chet chhiatna a bawn ber rawn sawi lang ve la...a zahthlak loh, kan nuih miah lovang che :-P 'prick the boil' tih kha 'boil the prick' ti a hresual tlat te an awm lo maw?!!

-i pi bmw

luliana said...

@xoris : lawm tuk e :D

@ka pi : hehe...part 2 a la awm thei turah ngai phawt ang :)

matua said...

pitar khi ka vahan lawm kher em... adang han ngaihtuah leh zel teh kha nang nge nge....

Post a Comment