Zoram Pawn Presbytery (ZPP) khawmpui vawi 12-na chu October ni 9-12, 2008 khan Guwahati Mizo Presbyterian Kohhran Biak Inah neih a ni a. Thupui 'In kawngte chu chhut ngun rawh u' (Hagaia 1:5) tih chu Upa K Vanlalawna (Bishnupur) leh Upa Lalhuma (Kohima) te hnen atangin ngaihthlak a ni. Tin, pathianni zanah Rev Dr Vanlalnghaka hnen atangin thuchah ngaihthlak a ni bawk. Rorel palai hi an vaiin mi 80 vel bawr an ni. ZPP-ah hian Pastor Bial pathum - Shillong, Guwahati leh Kohima te kan awm mek.
Mahni tawka ka buai ve em avangin kimchang taka report tur pawh ka hre lem lo. Chuvangin thlalak hi i han dah tlar leh thut phawt mai teh ang. Hei pawh hi ka khawn khawm chawp ania, tu te emaw duhthu chu a sam kher lovang ;) .
Inkhawm ban apianga thingpui thlum leh hang in tur lo buatsaihtute hi an fakawm khawp mai. Tar khawmpui ti takah phunchiar fe fe an kat nuk a, naupang khawmpui nena khaikhin chi chu nilo mahse a chhangchhiat thlak ve viau tho. A 'sen hang' leh a 'paw thlum' an siam thin a, pitar pakhat chuan, "A 'sen thlum' leh a 'paw hang' siam tur che u alawm", zu han ti hram a mawle :D .
Motor khalh tu tur indaih hek lo, nalh tak tak a rawn inchei chhuakte pawh kan han inpawt chawp nawk nawk a. Chuta karah a ke a la tlan puak zui! Balh hlau tak leh fimkhur takin motor ke chu thlak a ngai ta si a nih hi :( .
Kan Biak In hi a len lem loh avangin, inchung hall-ah 'big screen' buatsaih a ni a, Inkhawm lai hi live a tihchhuah thin a ni. Projector thawtu Pu Hriata Chhangte leh a camera rawn thawhchhuah pui a, a tul ang ang buaipuitu Pu Thanga Jongte te an fakawm hle.
Ruai theh hun an nih meuh chuan pastorte pawh an in hmuam up reng thei tawh bik lo. Pu Rinmawia pawh a 'intake' a that hmel khawp mai :) .
Ka duty-na reception counter pawh kan buai ve nak nak thei hle. Fatu leh usher hovin tlanchhiat nan an rawn hman thin avangin anni ho hian mikhual aiin min chim buai zawk thin :D .
Receptionist te hi kan thawh nasat thin em avangin, hun awl kan neih hlauh chuan remchang la in hahchawlhna hun atan kan hmang thin :D .
Guwahati Branch Kristian Thalai Pawl member thlalak nuam ti zual bik te :P .
Fatute baka rim hi an awm kher lovang. Mipui ei tur a zawnin ni 4 ngawt an han siam ania(h)! Ni khat lek fatu pawh a hahthlak tehreng nen. Tin, mipuiin 'an rawngbawlna' kan ei tlang ber :D .
Kan Biak In. Pandal te pawh kan zar ve ngei ania aw :) .
Guwahati zaipawl. Zaina hun vawi hnih kan nei thei a, Halleluia Chorus kan lak nawn nen phei kha chuan vawi thum tihna :P .
Friday, October 24, 2008
Z.P.P khawmpui
Posted by luliana at 2:22 AM
Subscribe to:
Post Comments (Atom)
Posts
22 comments:
Report kimchang tak a ni e, ngaihnawmin a hmuhnawm khawp mai.
A 'sen hang' leh a 'paw thlum' an siam thin a, pitar pakhat chuan, "A 'sen thlum' leh a 'paw hang' siam tur che u alawm", zu han ti hram a mawle.. ka nui chhuak vak alawm le... :0
bus driver thlalak te kha dah ve tho la mawle :-)
Rev Vanlalnghaka thusawi chu ka ngaithla ve chak khawp mai. Ka ei thei ropui. A upa ve tawh viau ang a...a la zin kual thei em?
i pi bleki
Ekhai, kapa hna avanga Guwahati a kan awm ve (kei tak chu zeuh2) lai i va ti ngaihawm ve. Christmas phei chu kan hmang ve fo, a lunglen thlak thei hle. Khang laia kan kawm ve thin, Boinu (L) d/o Pu Singsona te he khawvel an han chhuahsan ta reng mai hi chu mak ve tak a ni. Pu RK Thanga fapa Joe (L) pawh chu ti bok. KHawmpui nuam taka in hmang chu ka lawmpui che u. Ram pawna khawmpui nikhuaa a buai pawl nih hi chu hahthlak duh teh mai a nia. Mizoram ah chuan 'prestigious' phai ah chuan inpek tak tak loh chuan buai rap na tham. In hla remna ah ngei khan kan rem ve toh :)
avahan ngaihawm ve oooo
hmelhriatloh poh anlo tam ta hle mai aaa
freddy avan lang velo veee
@Varte : chuti maw? A aia kimchang a report theih pawh a chakawm khawp mai..a thupui fun zawng deuh te pawhin :)
@Wonderboy : Ka lan thatna ka hmu zo lova :P
@Pi Bleki : Ka la hmu fit angreng khawp mai..
@DayDreamBeliever : Tun kum krismas chu hman ka tum (a last a nih ka beisei :) ) Nia, Boinu boral chu a pawi khawp mai, a nu leh pa an khawngaihthlak :(
Chu hla te pawh min lo rem khalh a ni maw?!! hehe..I ti dik khawp mai, zoram pawn lamah hi chuan a buai theih rem rem khawp mai..mahse hah poh leh a hnuah hian a nuam ting maiin ka hria :)
@ramstein : In chhuak a hmel lamah te pawh hian hma kan sawn ta khawp asin :P tak tak a, hranghlui ho kha in lo ngaihawm ber mai, chhang rual lek lek zingah hi chuan a nuam tak tak thei meuh tawh lo anih hi..
Presbytery khawmpui pawh hman lohna a reive ta hle mai tak a!
Hetianga a buai pawl a tang thei chu mi pangngai chunglam ani tlangpui :)
Haleluiah chorus han lak nawn vel pap pap chu nawm phian dawn chu:)
Ampli' leh Mixer vel bawr lam thlalak a va lang ve lo ve, wonderboy-a'n a phal lo a ni maw :-) Shillong KTP zaipawl te pawh... :-)
zoram pawn presbyterian khawmpui te lo awm tawh a...!! ava ropui ve.
Nawm hmel ve..Veng pa chi i fak awm beek hle mai..Kei ka thatchhe ltk a.
Halleiah chorus hi zaipawl pangngai in ka la rem ve miah lo male.
Z.P.P ka voikhat hriatna, ka in lak synod nen..haha
@seki : nichuang love, a tulna in mi a nawrchhuah chang pawh a tam mai..thlalak ho khi i khamkhawp em? :P
@Anonymous : Sound ho duty vel lai pawh dah a chakawm viau, mahse an muthlu lai bak hmuh tur a awm meuh lo.. :D Shillong zaipawl chu an tukhum lam lanna chiah ka nei a..
@Awzzman : Nia, hei a vawi 12 na lai a ni ve tawh
@Toy soldier : hehe..i lo hre reng tawh dawn nia..keipoh ka awm tirhin ZPP an ti chhen a, ka bo thei raps :)
Ekhai, report ngaihnawm tak a ni. Guwahati Mizote in felin Mizo nih in tinuam thin hlein ka hria. Zirlaite pawh bengvar tak tak vek mai in ni hlawmin ka hria.
Zoram Pawn Presbyterian inkhawmpui chu ka lo hre ngai vak lo va, hei a vawi 12na lai mai a lo ni tawh lehnghal a.. zialo thei hle mai a. Pu Vanlalnghaka thusawi hi ka la ngaithla ve chiah lo va, han ngaihthlak ve pawh ka chak hle mai.
Zofest 2006 laia nula chhe lo tak tak ho kha an la awm hlawm ang em aw? a ti avena'n ..:)
Vawiin ni pawimawh tak hi nuam tak in i hmang dawn nia. God Bless you.
Fr Kanidar.
Thanga Jongte camera chu ka hriat kha ani ngei2 and
Mr.Pervert
@Puia : hotupa, kan fel vang pawh nichuang lovin a tulnain mi a nawrchhuah chang hi a tam zawk awm e..Mahse zoram pawn lama keini tluka damlo buaipui nasa hi a awm chu ka ring chiah lo :)
ekhai, U Avena chuan kan khaw nula hmuh taih deuh a lo nei elo a? Chuti anih chuan amah ngeiin min rawn be teh se :) Unau te chu inpuih dan te pawh kan zawng aniang chu..hehe
@Kanidar : Nimin ania, thanx anyway :)
@Mr.Pervert : I leisak ngei kha a ni e..ka nau.. :)
Inkhawmpui te hi a nuamin a tangkai hle a, buaipuitute hi chu an rim thin ngawt mai. Taima taka hnatlang reng mai ho hi award pek tlak an ni.
"Tar khawmpui ti takah"....'tih takah' tih tur, type sual palh a ni mauh :P
i xiak dik thei fuk fuk lutuk a, ka lo ngaihsan wruk tehlul che nen, i inthlahdah sawt wriau mai :D
han trang leh trang trang teh...bei la bei xel wroh *hihihi*
Rev. Vanlalnghaka thusoi kha ka ngaithla ve chak
@Pi mesjay : Dik chiah, a si per a lo buai te pawh hah kan lo in ti ve ania, a mu pui ho phei chu...
@Pi VC : i ti lawmawm thin e, chik taka ka thil post fahrah tak tak min chhiar sak thin avangin..Tan kan la a, ka post tharah khi chuan mistake pakhatmah a awm loh ka beisei :)
Ηеllο, Ι enϳoy гeaԁіng all of your post.
I wantеd to ωrіte а little сomment tο suρрoгt you.
Нeгe is mу web blog ... www.bucket--truck.com
Also visit my blog post - bucket trucks for sale
Ηi, i feеl that і noticеd you visіted mу site ѕο i got heгe to return the ωаnt?
.I аm tryіng to finԁ things to impгove my site!
I suppoѕе its ok to mаkе uѕе
of a few of your ideas!!
Αlѕo visit my website; tens machines for sale
Нi, ϳuѕt wanted to say, I lοѵed this blοg pοѕt.
Ιt wаs funny. Keeρ on posting!
Hегe is my ρage irving cab
Hі, I wаnt to subsсribе
for this blоg to tаke lаtеst updateѕ, thuѕ where can i ԁο it рlease
help out.
Αlѕо ѵiѕit my ωeb blog - How To Make Money Flipping Cars For Profit
Post a Comment