Zoram Pawn Presbytery (ZPP) lam hawi post kan tum zet a, mahse thlalak tih tlak ka lo neih loh avangin a lehpek atan khek hrih mai teh ang. Camera changkang tak tak kara Nokia 6681, 1.3 MP camera, kum hnih chuang a upa tawh, a keypad pawh ka hmeh bel tlun tawh leh a original rawng khawk nual tawh a, a original lo rawng kai neu nuau a lo click ve chhen kha ka ngam thlawt lo a ni. Post tlak thlalak ka khawn khawm hun atan dahtha tawh mai ang. Nula thlalak te kha a tel ve ngei loh chuan Sekibuhchhuak, Sandman leh hotupa Zorunpuia te ho ngaihdan a ni lo palh thei tlat :)
Tun tum chu lehkhabu chhiar lamah kan pakai ve daih teh ang. Lehkhabu chhiar hi ka peih ve viau. Blog lama chhiar tur suggestion hrang hrang ka hmuh thin te hi ka hlawkpui thin khawp mai. Lehkhabu hi a kawm nalh em vang emaw, chanchinbu lama an fak ngaihnawm em vang emaw a han phek chhiar tawp ai chuan, a lo chhiar tawhte suggestion lak hi a fuh zawk chawk. Chuvangin kum tir atanga ka chhiar tawhte zinga chhiar tlak ni a ka hriat ho ka rawn thehchhuak ve a, a hlawkpui tawk te pawh in lo awm ve mahna :)
Zofate zinkawngah (Zalenna mei a mit tur a ni lo) - R Zamawia
Mizoram Academy of Letters (MAL) in kum 2007-a Book of the Year
Chutihrualin, awn lam bik a neih (biased) chang a awm zauh zauh. Chhiartuten ngaihdan kan siam thiam mai a tha awm e. He lehkhabuah hi chuan 'Mizo hnam pa' ti a kan chhal Pu Laldenga a HERO lo chiang khawp mai :)
Pasalthate ni hnuhnung - C Lalnunchanga
He lehkhabu ka chhiar zawha ka ngaihtuah zui chu - script writer tha takin sap tawngin han let se, budget tam tawk takin Hollywood director lar takin film-ah siam ta se, Apocalypto hmuhnawm tluk zet khan a hmuhnawm ve ngei ang. Ram inchuh vanga khaw pahnih pasalthate hriamhrei nena mal leh mala an han inhmachhawn vel te kha ka suangtuahna mitthlaah hian a la cham reng mai. Tin, an lal Puilura rilru paukhauh zia leh ropui ziate kha! Pui tak a ni ringawt!! Chhiar ve ngei teh u. 2006 MAL Book of the Year kha a ni e.
Ruam rai thuruk - C Lalnunchanga
Tlaivar thaka ka chhiar peih hi chu lehkhabu nep tak an ni ngai lo. Love story, tragedy lam hawi deuh bawk si, chumi kara ramhuai biak lo inzep tel ve bawk si a ni a, a ngaihnawm ngat ngat khawp mai. Sawi duah lo mai teh ang, chhiar ve ula in hre mai ang :)
The three mistakes of my life - Chetan Bhagat
Sap tawng ka do tihna nilovin, nikum lam atang khan Mizo tawng ziak lehkhabu chhiar tam ka tum avangin sap tawng ziak lehkhabu chhiar ka insum deuh a, mahse Chetan Bhagat a ziak hi chu ka hnar phal ngang lo a ni e. One Night at the Call Center phei kha chu exam dawnah tlaivarin ka chhiar a, a zawngchhang chi loh khawp mai :)
Keimah thingtlangpa - Darrokima
Darrokima thuziak ngaisangtu i nih lem loh chuan ka suggest hauh lo che a, mahse he pa thuziak vawikhat chhiar tawh zawngchhang zui lo hi ka la hre lo! Article hmun hrang hranga a ziah tawh khawnkhawmna a ni a, chhiar hnu pawh i nei nual tawh maithei. Keichu ka chhiar hnu pawh ni mahse, han chhiar nawn leh ila, ka la nuihpui tlawrh tlawrh thei tho. Chutihrualin, he lehkhabu ka chhiar atang hian fiamthu chauh lo pawh a ziakthiam tih kan hre ve leh hnuhnawh a. Lengzemah pawh hian a thuziak a awm chuan ka keu nghal chat zel :) He lehkhabu chhiar hi inchhirna tur pakhatmah a awm love ;)
Tin, tunah hian Dr. C Nunthara lehlin, Jerusalem Countdown ka chhiar mek a, a ngaihnawm chho khawp mai. Chuan Zoram Vartian (Lalhruaitluanga Ralte) leh Ground works for tribal theology in the Mizo context (mi hrang hrang ziah lakkhawm, Rev Rosiamliana Tochhawng, Rev K Lalrinmawia leh Rev LH Rawsea te edit) pawh ka chhiar hun nghakin ka lehkhabu dahna kilah an awm ve ran mai :)
Tuesday, October 14, 2008
Tunlai chu
Posted by luliana at 11:00 PM
Subscribe to:
Post Comments (Atom)
Posts
17 comments:
Tunlai chu lekhabu chhiar lam post 'rau' a tleh amoni :) in zarah kanlo bengvar ve zel e. Mizo history lam hi keipawh theih chu nise chhiar ka chak khawp mai. Mahse zep nakah, ka lekhabu chhiar hi a tuilo rei ve deuh ta a, hetah tui zawng lei mai tur a van mai bakah internet vang ani bawk.Ka chhiar lai, "Battlefield of the mind" - Joyce Meyer i ziah pawh hi ka chai rei ta hle mai :)
Ni e, nula thlalakah pawh 'spak' deuh deuh lo chu Sandmante chuan ngatanmah an ti awm silova :)
Zofate zin kawngah tih leh Pasathate nihnuhnung tih khi ka chhiar chak khawp mai. Adang pawh khi pute berin angihnawm in tih chuan chhiar chakawm khawp mai. I u Kumtluangi te lo hanwg tur chah tur a ni chu. A man lam te hi, a to em?
@jinx : hehe.."Mahse zep nakah,.." engtihna nge..hehe..Just kidding :D
"Battlefield of the mind" - Joyce Meyer - He lehkhabu hi i van chhiar rei ta em em veeee :)
Can Man Live without God by Ravi Zacharias ka chhiar meka tha khawp mai.
Keipek Nokia phone cam hi ka hum kual ve sek thrin:)
Lehkhabu ho chu a mizo trong ho la chhiar lo nh hi,Darrokima ziak khi ka chhiar chak khups mai..
Blog add changed to toysoldierfirstblog.blogspot
@Jinx : hri leng in min man chu a nih tak ber mai hi :) Tlang hrithalo leng lo kai ngawt ai chuan a tha zawk mahna :P
@seki : 'Pasalthate...' Rs 100 vel aniang. 'Zofate......' a kawm khawng chu Rs 700 chuang a nia, a khawnglo chu Rs 400 vel bawr.
'Spak' deuh deuh ka neih veleh ka rawn post nghal chat ang :D
@toy soldier : gotcha..kan siamtha nghal ange
I blog tlawh a manhla thei, hun rei tak silent visitor ka lo ni tawh a, pawi i tih lem loh chuan ka blog-ah ka lo add ve ang che chu...?
Lehkhabu chhiar chu a tha, a manhla mai bakah min ti bengvar zel. Ka ngaihdanah chuan eng bu mai pawh hi a chhiartu rilru a zirin zir tur a awm vekin ka hria.
Chuan.. thlalak leh zel pawh tih tlak i duh zel chuan a buaithlak duh awm e, ka ti mai mai :)
@Varte : Ehh..Nang hi i ni maw ka silent visitor, ka veh ruk them them thin kha?!! Mami Varte emaw i nih ka ti dawn alawm le :P
Add tlaka i ngaih chuan lo add mawlh teh, a lawmawm ngawt ang..keipon hei ka add ve nghal che ania auh )
Mami Varte ka lo ni lo hlauh sia, i va hnual leh si awm emmm...
lehkha chhiar ka thlah deuh ta niin ka hria. kei pawh hi chhiar ve leh ngei chu ka ngai tawh a ni. Khing ho khi lo chhin chhiah ve khiau teh ang.
kan lehkhabu duh zawng a in ang hle mai;'Pasalthate ni hnuhnung' tih phei hi chu ka chhiar chhuak ngun ta khawp mai.
@Varte : Ka phur sawt zawk..ehh :)
@Joseph : lo chhiar ve ngei ngei rawh, i inchhir lovang
@ThaiBoy : a ni maw..a dang suggestion min han pe ve teh khai :)
A engamah khi ka la chhiar hlawm lo tlat mai zahthlak hle mai. Darrokima lehkhabu pakhat hi hmanni deuh khan ka nau in 'by force' in min chhiartir a, thiam ka ti ta viau mai a. A zawngchhang tlak dawnin ka hre hle nain, han zawngchhang pui turin helamah han hmuh mai tur a awm si lo a, ka zawngchhang thei ta lo na a, ka chhiar chak tawp helai a I rawn list te pawh khi, chhungte chah ve ngei ngei tur anih hi.
Hotupa chu tawi fel tak kimchang tak siin i tarlang thiam a, a manhla hle a ni. Pu R.Zamawia lehkhabu hi amah ngeiin min pek a tum a, mahse vanneihthlak takin Pu Hawla'n mi lo dah that sak tawh avangin a tul lo ve ka nei tawh ka ti ta zawk a. A lehkhabu chungchangah Pu Malsawma Kawlni leh Pu R.Zamawia hi hmaichhan ngeiah kawmna hun tha tak mai ka nei thei a. Ka lawm hle a. Keinin a DUM Pawl nia kan lo hriat kha a DUM LO Pawl zawk an lo nih zia thu te kan hre thei a, thil mak tak chu he lehkhabu chungchangah hian MNF lam pawhin engmah sawifelna an chhak chhuak miah lo hi a belhchiandawlna niin ka hria. Hei tak hi a nia, Laldenga dam lai pawh khan a hlauh ber chu R.Zamawia an ti thin a. A mupuia kahna ka nei alawm , a ti thin an ti.
Engpawhnise, Pu Zamawia lehkhabu hi an mahni MNF family lam chu dah tha ila, Mizo Nationalism thinlung thangtharte thinlungah a tuh phah ka beisei a. Tin, ramhnuai boruak phei chu Mizo History pakhat ve maia ngaih a tha bawkin ka ring.
@Jerusha : Zahthlak tur awm vak em ni aw? Awmna hmun in a zir ngang loh chuan tihngaihna vak a awm lo alawm..keipoh ka haw changin ka pa leisa ka trip thla trawk zel :D Chuan Lengzem hi ka ngainat em avangin ka chhungten min rawn thawn hram hram thin..
@Puia : Hotupa, a bengvar thlak thin khawp mai. In sawi takah chuan kan tui hnih law law teh ang :)
Pu Zamawia hi ka ni pasal nen khaw khat chhuak, underground a lut ho a tun thleng a la inkawm an nia, kan la inti chhung khawp mai. Hei vang hian fakna lam han ziah vak kha ka inthlahrung deuh a..Amah hi ka kawm tawh chinah chuan ka mi rin zawng tak mai a ni nghe nghe. Hmanni ka chawlh lai pawh khan a lehkhabu ziah chungchang vel hi zawh chak tak tak ka nei nual a, mahse a hriselna lam a pan ve deuh tawh avangin damdawi in a awm lai a lo nia, hun remchang ka nei thei ta lo..
Mizo Nationalism chungchang hi chu, a ziaktupa duhthusam tak pawh a nih tak kha..
Ka la chhiar loh deuh hlir an ni, One night at a call centre tih loh khi chu. Zoram kal loh chuan an hmuh theih si lovang maw?
Ka blog ah ka lo link ang che chu, a rem em?
@Pi mesjay : Vairam chuan a vang phian maithei :) Zoram lama chah chi aniang..
Link chu rem tehreng mai, keipon ka lo link ang che auh..
ka la chhiar loh vek an ni... :( ... R. Zamawia ziak leh DRK ziak khi ka chhiar chak zual...
tun trum chu hmanhmawh deuh nge maw ni, ziah sual/typing mistake ka hmu ve tlatz...mak ka ti
1. budget tam tawkin takin Hollywood director
2. a zawngchang chi loh khawp mai
3. zawngchang zui lo hi ka la hre lo!
4. nuihpui tlawrh tlawh thei tho
5. a ngaihnawm cho khawp mai.
@Pi VC : e khai, kei aiin i lo chik zawk anih khi mawle..ka chhiar nawn ve ngei asin ka post hma in..ka lawm lutuk e, kan siam tha nghe nghe teh ang :)
Post a Comment