Politics lam hi khel tawh loh hram ka duh. Mahse kan hotute che vel leh khawsak duh dan hmuh hian lung hi a awi thei thin ngang bawk si lova, vawikhat na na na chu duhthu han sam khum leh poh teh ang. Tin, party support bik ka nei lova, mahse mimal takin duhzawng leh ngainat zawng chu ka nei ve bawk, tih hi kan zep tel hram bawk a nge.
Home Minister Pu R Lalzirliana chuan, hmeichhiate zahawmna tihbawrhbansak ching an awm fo chu a ngaihmawh thu sawiin, tun hnaia zaithiam pakhat sex video hmanga tihmualpho a nih chungchangah, a bul tumtu chu chhui chhuah a hrem a nih dawn thu a sawi.Source : Vanglaini (March 10, 2009)
Pu Zira hian min hre tawh kher lovang, mahse kei chuan ka la hre ve kar. Kum thum kalta khan Guwahati-a Mizo sumo accident a awm tumin damlo buaipuiin damdawi in leh Mizoram House-ah kan inzui kual hrep tawh. Khami tum khan a thawk thain, kei leh ka thiante chuan kan fak khawp mai. Tin, opposition bench a an thut lai pawh khan TV-ah a thusawi leh chevel ka lo hmu fo tawh a, kan politician ho zingah chuan mimal taka ka tan pawl tak a ni nghe nghe.
Mahse he sex video chungchanga a inrawlh hi engnge a tulna aw? Minister meuh inrawlh nan chuan nep ka ti deuh. Ram hnuk a hlat em mai! Nge political gain leh intihlar nan hrim hrim a hmang zawk? A enga pawh chu nise, ho ka la ti ngawih ngawih tho.
A hmasa berin he thil hi chhuichhuah a har ka ring lova, minister in press ho hma a thuchhuah a siam a tul hek lo. Video a langte hian an hmai an tuam lova, an bibo daih bawk hek lo. Tu te nge a nih tih chu mi zawng zawng hriat sa. Anmahni hi thu zawhfiah mai tur a ni dawn lovem ni? A mipa hi a lo bi bo daih anih pawhin, a hmeichhia hi zawt sela, man a har tawp lovang. Tichuan he buaina, Home Minister ho meuh a kan chai rawn luai luai hi a tawp der anga, hna ropui deuh hlek zawk kan thawk tan leh vat thei mahna!
Pu Pachhunga chuan, Pu Hawla sorkar chuan MNF ministry-in Saitual, Khawzawl leh Hnahthial district a lo pek ve te chu chhunzawm dan hre lovin a en liam mai mai dawn nia a lan thu te, Lammual stadium sak tur pawh chhuanlam dawrawm tak tak siamin hlamchhiah a tum thu te, New Capital Complex-a governor chenna tur sak tawh pawh sorkar hmasa thiltih zahna nei miah lovin High Court hmun atan an thlak mek thute a sawi bawk a. Kolodyne Hydel Power Project, Delhi Mizoram House, Tennis Court chhuatphah tha chi, damdawiin nau neihna building thar tur, Refferal Hospital Medical College te chu MNF Ministry in a lo tihfel vek tawh an nih thu a sawi bawk a.Source : Vanglaini tho (March 10, 2009)
Indian democracy a politician an ni a, opposition bench a an thut miau bawk avangin he thusawi hi mak ka ti hran lo. Mahse Mizo kan nihna leh Kristian kan nihna atanga thlir chuan tul ka ti lo hul hual. Vaiho politics khelh dan hi i entawn duak duak lovang u.
A hmasa berin, kum khat em pawh a tlin hma a sawrkar thar sawisel chiam hi a la hma lulai deuh lo maw? Hun te in pe ve bawk ta ila, chuta an hnathawhin duhthu a sam lo leh pek anih chuan kan chuk rawn leh luai luai dawn nia. Ka thil chak zawng tak alawm.
'Medical College' tih khi engnge a awmzia ni ta le? MNF ministry hun lai khan Refferal Hospital mai nilovin Medical College tur thlengin an lo tifel diam tawh tihna maw? Tak tak anih vaih chuan ka thil hre lo lutuk hi ka zak chem chem. Avang chu ka hriat ve chinah chuan, Refferal Hospital khum 300 awmna tura ruahman kha MNF Ministry chuan khum 30 (?) awmna turin, famkim lo takin an peihfel thei hram, tih kha a ni si a. Mak thin ngei mai.
Tin, Delhi Mizoram House thar, tennis court chhuat phah tha chi tih te khi sawi chhen a tul lem lo. Lengpui Airport hi Congress ho kutchhuak a ni tih kan hriat ang bawkin Durtlang kawng pawh MNF ho siam a ni tih kan hria alawm. Zoram mipuite hi in hna thawh that leh that loh hre hrang lo tur khawp a mawl chhah chu kan ni bik lo ania auh.
Pu te u, in thu khel hi a nawi thin mah mah deuh lo maw??!!
Posts
12 comments:
Point pakhatna hi i ngaihdan chiah ka ngaihdan a ni. political agenda a ang ka ti..awarness lam hi buaipui zawk ila, kan zia zawk ka ring..!
Politics lam hi ka tuipui lem lo, mahse ngaihven deuh reng thung a, i thu ziah erawh politic emaw tic lo emaw ka tuipui viau zel thung.
A tlangkawmna hi a tha e... Pu te u, in thu khel hi a nawi thin mah mah deuh lo maw??!!
A tlang khel tur hi kan ramah hian a awm ve lul lo nge mawni dawn le..???
Tiang vel ai chuan Chin issue ah hian in rawlh zawk se oooooooooooo
:-(
@Hruaia : A dik ang. Awareness hi eng kawngah pawh hian kan tlachham viau zel mai
@Varte : I va han ti lawmawm awr awr tak em! A tlang chu khel tur a tam mai, an peih lo nge, an ngam lo nge, an calibre in a phak lo zawk? Ngaihtuah peihte tan..
@illusionaire : ni ngawt mai..a nachang an hre duh tlat lo mai hei..
Assam nena kan ramri fel thei reng2 lo mai te pawh hi mawle.
Kan MHIP ho te pawh hian hmeichhe thlavang an hauh rual hian hetinga mawi lo taka che, an member te hi chu zilh ve thin sela tha viau ang, a pawng apuia intran ngawt zel hi a tha ber lo, he video ah pawh hian duh ve2 a thla la an ni tih a lang reng a lawm. Hmeiche zirloh hi thil tam tak a awm ve tho tihte hi chu an hre ve tho ang chu maw...
hmmm nia, Home Minister inrawlh nan chuan a ho ka ti khawp mai, duh leh Police hotu lam a chhui turin ti mai se,a mah in a press lam mi ko khawm kher lo hian.
Nge News siam hrim hrim kan chak pawh ka hre love.
Hotupa, i thu tarlan leh kan minister thusawi chungchanga i ngaihdan hi ka tawmpui vek mai che. Hei hi ka rilrua lo lang a ni fo a. Mahse website ema han comment ve vak erawh nuam ka ti chiah lo va, sex video chungchangah ngat phei chu vawikhatmah ka la comment lo.
Pu Zira chungchangah ngat phei chuan, a sawi loh tur leh a sawi atana mawi lo hi a sawi ta zauh zauh niin ka hria. Pafing tak diplomat taka che chi chu a ni lo tih a chiang pang a. Hetiang chi hi publicity lamah an chak viau laiin an sulhnu erawh a phuailuai duh khawpin ka ring.
A thusawi zinga ka helh pakhat Sex Video chungchanga a ngaihdan leh a inrawlh dan hi a ni a. Hetiang Private thil lutuk hi FIR a lut a nih loh chuan chhui ngawt a thiang lo va, FIR a lut a nih pawhin a chhui tur Police ten an chhui mai ang. MInister sawi chiam chiam atan chuan a awm lo lulai hret.
Tin, Mizorama Burma mi thawn hawng chungchanga a tawng hi a dik lo hle bawk. Hetiang hian minister meuh a tawngvai ka lo ring lo va. India ram hian DAN a nei a, chu mi tlawhchhan chuan tawng ta zawk se, hetianga a mimal ngaihdan anga, misual chu Sipai kutah kan thawn kir ang, tih ang te hi a diplomat lo em em a. DAN awmsa in thawn hawng tura a tih loh chuan Minister hian a thuin a thawn kir ngawt thiang hek lo. Amah hi DAN chunga leng a nih si loh chuan. CHuvangin eng anga sual leh mi tha lo pawh DAN in a chingfel tur a ni a, a chungthu pawh danin a ngaihtuah tur a ni. Dan lo anga rawn lut an nih pawhin India DAN pui anga an chungthu hi rel tur a ni. DAN lo anga rawn lut, DAN lo ang veka thawn kir.. a tih te kha mak ka ti hle bawk. Minister meuh chuan DAN hi a ngai pawimawh hle tur a ni si a.
Tin, NLUP aia pawimawh hmasawnna hi a tam em em si a, kan beisei angin an che dawn lo riaua hriatna ka nei a. Chumi zingah Medical re-impursment te pawh a tel. MNF sawrkarin he mi a kalpui dana thil fel lo leh sum a pukdan an hre vek a, mahse, chhunzawm an tum tho te pawh hi mak ka ti hle. Mizoramin sum a bat belh zel dawn tihna a ni.
hei ha..kei pang lo ka loi te ahi e...ka U Dar!!!
a Mipa pa kha..a sual ve hrim2 ani..a hmel kha a ti lang vak duh si lova..nula zawk kha a lak sak chhen mai a....khaih khaih..MizoTv te hian nga ti nge kan Nula te hi kan tih mualpho fo..i zahthiam tawh ang uuuuuuuuuuuuu
@triplestar : thil pawimawh tak tak ni a lang an ngaihpawimawh thin lo hian lu a tihai thin chu anih hi... :(
@thinchhia : i va vang ve :) pulis officer pawh ngai lovang...constable dulkiar pawh in an chhuichhuak thei ang chu mawle :D
@Puia : Hotupa, net hi thin rim inhriktlak nan leh vei zawng sawi chhuah nan kan hmang thin a, mahse tunah zawng fimkhur a ngai ta hle mai tiro...rilru fim tak pu chung lo phei chuan ka online ngam ta meuh lo :D A sex video hrim hrim hi chu keipoh khoiah vak mah ka la comment lovin ka hria...
Pu Zira hi, ni e, tang deuh teh se...babutea second ti a mipui lamin hming an phuah sak leh hma hian :D
NLUP pawh a tha thove, mahse chu aia pawimawh zawk, nangpawhin i sawi fo thin POWER hi dah pawimawh hmasa ber se ka ti..Medical reimbursement chungchang pawh hi thil a kal diklo laklawh tawh anih hi. ICICI hunlai atang khan thil dik lo lian tak a awm tawh asin..mahse hetah chuan ka sawichhuak ngam lo :)
@Awzzman : exactly...kan mizo hmeichhia te hi mizo mipa ten kan zah thiam hma loh chu hnamdang chuan a zah ngawt dawn lo..
kei chu NLUP hi a thratna ka hre lo... :(
Pi VC : Keipoh a taka chhawr tangkai ka la hmu bik lo. Mahse MCS officer pakhatin a khaw awmna thina chhungkaw engemaw zatin an chhawr tangkai tak meuh meuh thu min hrilh tawh...dik taka kalpui chu nise a tha khawp ang, a ti...conclusion chu, ka hre chiah bik lo :D
Post a Comment