Kan ram thanmawhbawk dik tak
Patling-a-pumpa, kawl a ni chhuak chiara thawkchhuak ve ziah, ram leh hnam tan a thawktu in ti ve si, party pisa-a khuang beng a mihlim zai nileng leh ringawt thin ho hi kan ram thanmawhbawk dik tak chu in ni e, ka ti ve tlat! Nangni ho hi alawm thawh loh hlawh lak tum a, contract hna in hmuh apiang a tam thei ang ber hlep tum ziah a, sawrkar hnathawk tur an lak dawn apianga political fitness in neih vang liau liau a midang kawng dal thin tute chu. "Tunlai thalaite chu an chu e kha e" min ti ve khanglang maw? Kei ai hian ram leh hnam tan in hlu bik chuang hauh lo. Vote khat nei theuh theuh :D ! Party ruihchilh in bansan a, kut tling lova sum leh pai lakluh hi zah nachang in hriat a, mithiam leh tling zawkte kawng ken nachang in hriat hunah hma te chu kan la sawn ve mahna...
Speed Demons
Hmanni tlai khan tuirial kawngah tlangval hawklak kawngpuia bike intlansiak hovin kan u, bike a zin chhuak tur an lo su pek a. A khingkhangruh dinglam (clavicle) hmun hnihah tliakin tunah hian damdawi inah a la awm mek. A su tu pa pawh hi khum betin a na ve hle bawk. Bike a intlansiak ching ho hi an hnawk ka ti khawp mai. Kar khat vel bawr liam ta mai khan Durtlang kawngah chak lutuk tak maiin pahnih hi an rawn in um chhova. Kawng kawi lai takah taxi an rawn overtake a, ka car brake ding hman lo ila chuan kan insu chiang viau ang. A na tur zawk ka nilo tih kan inngaihtuah leh hnu hian ka lo su thal tawp lo a ni aw :P
Heng kan tlangval tih tur nei lo (nge ti peih lo??!) ho bike lei saktu nu leh pa zawng zawng te u, in fate bike in lei sak chungchangah hian sawi theih pakhatmah ka neilo niin ka in hre thin, ka siki them pawh ka thawh miau loh avangin! Mahse midang tana hnawksak an nih mai bakah, kan pawi an khawih takah chuan sawi ve tur chu ka neiin ka hria. Hman tangkaina tur awm miah lova in fapate lirthei leisak hi engnge a tulna aw? Nge intlansiak tur hrim hrim a tuai hriam in duh :D ?! Chuti a nih si loh chuan khuahkhirh ve deuh teh u, mi pawi an khawih leh hma hian. Tin, ka tlangval puite u, chawmhlawm in la nih chuan inthlahrun nachang hria ula, in speed han ti hniam ve deuh teh u khai.
Hmeichhiate u, lawm ula; Mipate u, lawmthu sawi rawh u
Kar hmasa khan kan vawkpuiin no a nei leh a, a vawithumna a ni ta. A hmasa tum hnih kha chuan pakua ve ve a nei a, mahse tun tum chu a zak deuh nge mawni, pasarih chiah a sang chhuak. Nau chharnaah hian ka va in bawrti ve a, mahse a puiin min lo ngaina aw zawng lo mai. Kei aiin tualchher nau chhar thiam ka nu a ring tlat zawk kha chu ka la na ve lek lek. :).jpg)
Ti hian ka ngaihtuah ta a. Hmeichhe ho hian vawikhat raiah hian pakua te hi han pai ve thuih mai ula a buaithlak duh awm. Nau vei lai / nau nei lai hi ngaia nei tur khawpa tam ka hmu ve ta. Nula lam chuan in la hrethiam chiah lo maithei, mahse pakhat lek sang chhuak tur pawh hian thih tha a tan lak tak meuh meuh a ngai ania. Harsa tak a pathum san chhuah hnuah pawh, "Tang rawh, tang rawh, a tam berah panga bak an awm tawh lovang", tiin a mawng lam atang hian nau chhartu hi rawn au lauh lauh mai sela chuan a manganthlak duh viau ang. Nau pakhat lek lek (phir te chu awm ve zeuh zeuh mahse) a in pai thin avang hian hmeichhiate u, lawm rawh u! Tin, mipate u, nau pai tur zawka Pathian serh hran in nih loh avang ringawt pawh hian lawmthu sawi mawlh mawlh teh u. :D
Khanghu kung atangin ka tla lo
Ka unaupa RTPA zarah insawifiah a ngai leh ta tlat mai. RTPA hian an nu aia chungnun zawkna pakhat chiah a nei; chu chu a thu zep theihlohna hi a ni. Thil ri deuh feih feih a lo hriat laklawh tawh hi chuan khapbeh zawh rual a ni lo. A zeldinthubawlna thluak chak tak mai hian amah mai bakah a bul vela mi te hi a lo phul pui leh chiam thin. Mahse hei vang ngawt hian thaibawih chu kan ti bik miah lo. Rawngbawlte chu a tet lai atanga nuam a tih tawh ania, insukte pawh hi hun awl hnawhkhahna tha tak a ni tih a hriatna a rei tawh. Inchhung phiah faite lek lek, hriselna in a ngeih rapthlak. :D
Awle, khami ni a thil thleng dik tak chu hetiang hi a ni e. Huana chingit kung ka zawng chu lamkhuang tawih rap palhin ka tawlhthlu hlauh mai. Ka tlukna lamah nimbu kung ka delh a, kawr ka lo ha silova, a na duh khawp mai. Kan kawmthlangte pawnah awm lo phei sela chuan ka te chhuak chiam ang. :).jpg)
Tuesday, September 9, 2008
Chawhchawrawi
Posted by luliana at 1:58 AM
Subscribe to:
Post Comments (Atom)
Posts
16 comments:
Kan Ram...:Tunlai thalai hi kan thatchhe teh vak lo,nia.Thawh tur hi kan ramah a vang sia,hmun dang a kal mai dawn hian ti ngai lo tan chuan huphurh awm ve deuh nia,kan hmel,duhdan z2 hi dang ropui si
Speed Demons:Mipa ni ta i la,ka khalh chak vak ngam ka ring chuang lo,thli chak hi ka ngaithei lo
Hmeichhia...mipa....:I lo ngaihtuah nasa ang reng:)
Khanghu: Han tre chhuak la,pui om chhuai2:D
bike khalh chak ltk ho hi chu awwww...sim a ngai a ni. Hmanni lawk pawhin kan thianpa nupui nau ka pawh chhawn lovin a thi, an tlan chak ltk kha a thlawk chhuak a, bang a su a. A pawi tak tak a ni, such a senseless death.
kan ram "thanmawkbawk" khi chu hleh(p) deih a chakawm ngawt mai.
Hmanah keipawh ka tlanchak ve thin, mahse, ka inhmuchhuak a ka sim tawh. Bike chuan elctric ban a ngam lo e mai..Ka bang tawh.
In vawkte chu an duhawm hlawm reuh e? Btw, vawkno hi pakhat engzat nge la ni? Hmanniah vawk vulh hlawkdan tihah trainingah ka kal ve a,(thingtlang lam ho zirtir chhawnwleh turin) tunlai chu vawkvulh ka phur thar khawp mai:-)
E, thu thiam tak nge nge, i rawn phuah chhuak tha leh hle mai, kan pu Luliana chu.
Kan ram thanmawhbawk i rawn tih khi a dik lutuk. A ninawm ka ti ania, an lo zaikhawm leh luih luih mai thin hi chu a. Tihtur dang an hre vak lo anih ber hi.
Speed demons.. chawmhlawm speed an ti bawk. Hei hi chu sim mai a harsa ang ka ring. Thalai tha za zek zawk tan chuan tlan chak chu a nuam ltk, TV velah MotoGP an en ve thin ngei bawk si. Intlansiak an chak ta tlat a, pawisa lah an dahkham nasa thei bawk. A khat tawkin police hovin an rut leh trawk ringawt a, nu leh pa thiltithei tak tak nei hlir an lo ni leh sia. an chhuak leh thuai zel. A hrimhrimin khawlaia lo intlansiak chu a zialo lam deuh ani, durtlang chho khi an hrat lehzual. Thiante ina len dawn te hian, an lo in race leh thut zel a, min su teuh thei ther ther khawp mai. A in race zinga tel ve te hi kan ang mah mah zawk thin. Min man ve ang tih ka hlau, ka thiante ho phei chu. :D
Nau neih hi chu kei pawh mipa a ka lo piang vannei ka intihna ber pakhat a ni. :-) Ka lawm em em.
Lal Nu-i nen hen cousin emaw in ni lo maw? In inang riau mai. Nge durtlang ho hi in inang ve hrim hrim. lol
@toy soldier : I tidik khawp mai..nia, ka lo in ngaihtuah leh chet chet thin :)
@daydreambeliever : poi ve aw :( ..Pu Lallianmawia, traffic SP interview na min ti hre chhuak uar uar mai
@seki : 2500 in an hralh tlangpui, mahse 3000 a hralh te pawh an awm tawh an ti..keini pawh hi training min lo pe ve la.. :D
@joseph : Nangni nena a tehkhin te chuan keini te chu thu leh hla lamah chuan ak zat hnih lek alawm kan nih.. :D
Intlansiak ho ka ngaimawhna ber chu chhun pachangah, mipui awm laiin khawchhung kawngah an ti mai thin hi ania..durtlang kawngah te chuan keini pawh kan nula rim haw zanreiah kan in um ve zeuh zeuh tho alawm :)
Nu-i chu ka nau..in in classmate thin tiro khah?
A ngaihnawm lehpek ve hotupa.. ka nui tiah tiah mai. Master RTPA rawn report atang daih tawh khan a bon chho tan hrim hrim tawha, Chingit chu a takah a kungin ka la hmu ve hauh lo nia mawle..
Nau neih sawi takah chuan ka patlin lohna lam tak pawh a ni mai thei e, nu ber nau neih dawn lai vel hi chuan hmun hla deuh takah awm ila, ka lo ti rilru mai mai thin a..:) naute sen lutuk lah hian mi rap deuh lehnghal a, engpawhnise, heng hi chu mahnia la thlen ve loh vang te pawh a ni mahna..
Bike leh motor tlan chak lutuk hi a veiawm khawp tawh mai. Speed breaker han siam chiam chiam lah a ni thei vek si lo, mi tam ber chetsualna hi an tlan chak vang ani tlangpuiin ka hria. A mi suta te tan na bawk, a khalhtu tan na bawk, a hlauhawm ve ve niin ka hria. Khawpui chhungah leh tlang ram, MIzoram ang chiah hi chuan speed limit hi felfai taka bithliah mai chi niin ka hria.
i vawk naute pic khi, ka en thuakin bangah an intung chhawng emaw ka tia!! in hausa lawih dawn ni maw...i nu chu min lo congrat sak rawh! Mahse i pass lawm hunah an la te awm...a dang in talh mai dawn nia. Oh, sorry, a dang 'kan' talh mai dawn nia :-)
( i pass lawm hunah min sawm ve nan rawn in sawi luh ka tum a nih hi, i lo hrethiam lovang e!!)
pi blacki
Puia : Hotupa, i ti lawmawm thin e..ka hriat dan chuan bike intlansiak ching ho hi chu a khat tawkin an rut tawk a, mahse an chhuah leh mai thin a ni awm e..hei aia effective zawk hi a ngai a ni..
Pi Blacki : e, ka pass ve meuh chuan tun a mi te pawh hian thlah an nei leh duah tawh ang :) sawm khrim khrim ang che :)
Chingit kung te in nei bik elaw, ka van awt che u ve :-) hmanni (April vel) khan a chi Zoram atanga min rawn thawn ka kui ve a, a chungah hnim ro kan hal a, kan ti tiak zo chuang lo. A tui ka ti tlats a, kui tiah ka la tum fan :-)
Vawkpuiin note a neih zan chuan kan chhungin kan tlaivar, keini pawh.... '96 vel kha a ni ta awm e.
LOL@bmw - Keipawh ka lo ti ve chiah a. A ang em anih khi en mai khian, bangah te an vawkte chu an khai vel ani maw ka lo ti mai asin! hehehe
bike tlan chak ho tih vel chu, Aizawl ah awm ila chuan ka haw dawn ltk a ka awm lo hi thil vanneih thlak tak ani, mi haw em em lohin kan awm phah a :PP Mahse ni e, an nu leh pa te ber hi ni, I sawi angin sawi theih vak chu lo nei lo mah ila, fapa tlangval thatchhe engmah ti peih lo hi engatinge a tir berah bike hi an lei sak duh zawk re re..te ka ti ve mai mai.
Nia tiraw hotupa. Naupang an tai palh pawh hi a tam ta khawp mai. Kan kawt vela chak taka an rawn tlan pawh hian kan kawtpa hian a au khum lawng lawng thin. A bik takin Chanmari kawng velah phei khi chuan a chi loh khawp mai. Hetiang ho hi chu an Licence lak sak leh pawisa tam tawk chawi tirin jail ah thla 3 tal tang tir thin ni se, a ziaawm chuai ka ring a. Mahse, kan Zoram buaithlakna em em chu, tute emaw hmelhriat leh chhungkhat hnai tak te an lo nih chuan engmah action lak ngam mang lohvin a zuzi leh ang a, chu chu midangin an lo thik a, thil hi a dik lo kual nuaih thin a ni.
Engpawhnise, mihring kan la tam lo va, heng hmun chep deuh laiah hi chuan Camera hi sawrkarin vuah fur tawh se ka ti ngawt mai. Germany emaw Western lam te hi an uar hle a, an Bike emaw Car emaw number atangin an chhui chhuak thuai a, an man thuai thin. Camera hi khawi emaw lai chung sang deuh hlekah vuah fur ila a that ka ring.
ka nui nasa lehpek...i blog hi kan pa ka chhiar sak ve ziah...kan nui dun triah triah zel...
Mizo tawng i ziak sual duh miah lo mai hi ka ngaisang che
@kanidar : thingthupui te pawh kan nei asin.. :) chuan kan vawkpui hi a fel khawp mai, vawi khat mah tlaivar ngaiin a la nei lo, a hahdam thlak angreng khawp mai
@hotunu : hehe..in sawi takah chuan a lo ang tak anih khi mawle :)
@Puia : hotupa, nia, kan inchhung kual nasa thin lutuk hi a buaithlak deuh chang a tam ka ring..i suggestion ho khi a tha khawp mai..chuan police ho hian an man nu leh pa te hi khun khan takin han titi pui ta sela a hlawk bawk maithei..te ka tia
@Pi VC : fak derna mah nise a lawmawm tho tho e.. :) ka ziak sual ve fo ania..
Congrats....
in vawkpui nau neih leh don hun ah a rin loh ai ah che i pass certificate va hmuhtir wroh auh
*hihihi*
@Pi VC : thanx..hehe..min la rin loh cheu chuan ka barh hawng hawng ang :D
Post a Comment