ThlawhbawK

Hman leh tun

2011-03-11T01:14:00.002+05:30

He thlalak hi facebook-ah te chuan in lo hmu tawh maithei. A la hmu ve lo tan helamah kan post mai mai ang e. Thlalak pahnih inkarah hian kum sawm vel chu a tla mahna...

Keichu ka rin ai daihin an danglam nasa lo. An chaw ei a tui loh thin em vang te pawh a ni mahna!

2011

2011-01-19T23:34:00.002+05:30

Kum a thar...leh ta phawt chu ania! A hming a hna chhete han thawh ve takah chuan blog post lam inthlahdah a awl kher mai. Mahse tun kumtharah hi chuan regular ve leh deuh tawh ka tum. Thei ngei turin ka in seh ruh ve nasa ania. Khaw vawt lutuk hi han reh deuh bawk sela.

Thil ho angreng deuh pakhat. Kan dawr luah tu pakhat hian kum chanve aia rei dawr luah man a ba tawh. NLUP a dawn hun hun a pek tlak min tiam ve a. NLUP chu an sem ta ngei, mahse cheng 20,000 lekin an sem si. A rilru a buai ve khawp ang le. Tih loh aia ti ve mai mai an ang.

Naute tak tak!

2010-11-10T22:40:00.003+05:30

(A human fetus at 8 weeks)

A chhul a pai lovin a chi kawngah nau a pai a, a thanlenna tur a Pathian duan anih miau loh avangin a puak keh ta (medical term chuan ruptured ectopic pregnancy an ti a, emergency a zai nghal an ngai thin). Hetiangah hian naute (fetus) hi him pial a hmuh tur a vang khawp mai.

Ka phone camera a lak anih avangin a fiah lutuk lo.

Internship Diaries - Part I

2010-10-03T23:04:00.007+05:30

Internship ka tih lai a ka experience tlem a zawng....

A tan tir lamah khan kan han bo ve haih haih khawp a. Khawsik enna 'thermometer' kha an lo hmuam tir ngai reng reng lo chu niin. Hre ve hek lo, mi chi hrang hrang zakhnuaia an hawlh rawn luai luai kha putar pakhat ka hmuam tir ve tat. A hre chhuak zui lem lova ka lawm khawp mai.

Vawikhat chu pitar kum 86 mi hi casualty-ah an rawn hruai a. An harsatna zualpui kan in zawh fel hnu chuan a khaw hmuh a la fiah that leh that loh kan zawt a. A rawn kalpuitu zinga pakhat chuan, "A, a la fiah tha thawkhat aniang, Zuma hi a khel peih ve riau a," tiin min chhang a. Khel ve satliah mai turah kan ngai ngawt a, mahse a lo ni lo nasa mai. "Ka pi, Zuma chu eng level nge i thlen theih?" ti a kan zawh chuan, "Ka khel chhuak vek thei," tiin min chhang. Tun thleng hian dangdai ka la ti.

Rilru lam harsatna neih avanga na der, an chhungten casualty-a an rawn hruai chuk chuk hi an awm ve nual thin. Hmeichhia an ni tlangpui. Pumna, taksa khawng, thaw hah tih vel te hi an rawn chhuanlam thin. Mahse han enchian deuh a, han kawm chian deuh chuan a nihna tak hi a rawn langchhuak ve leh mai thin bawk. Nula pakhat, emergency tawk a an rawn hruai kha chu a frank ve angreng khawp mai. "I engnge na?" ti a kan zawh chuan, "Ka rilru," tiin min chhang keuh.

Kan pu pakhat hi an haihawt ve mai mai khawp a. Vawikhat chu vai putar, phunchiar zet mai, ni nga lai damdawiin a awm tawh hi a chhuah (discharge) a. "Khum kan indaih bawk silova, nang chu zia lam i pan tawh tho bawk a, chhuak tawh mai rawh aw," tiin a thlah thlap a. Chu vai putar chu a lo phakar ve phian mai a, a chhuak thla chu haw ta mailo chuan OPD lamah a hming a lo zuk ziak lut ve leh a. A chhuahtu kan pu haihawt lutuk chuan a lo theihnghilh hman chek aniang chu. Nakin deuhah chuan nurse zirlai pahnih hian chu vai putar chu an rawn kai lut leh a. Doctor lehkha kan en chuan a chhuahtu kan pu kut ziak tho a lo ni si. Phone a kan zuk zawh chian chuan nuih uar uar pahin, "Ka lo hre leh tawh hleinem, lo admit leh phawt mai rawh u....".

He kan pu vek hi vawikhat leh pawh department dang damlo refer, cabin a awm a va en a. Darkar chanve chuang zet a va awm a. Thingpui hang a in bakah kuhva ei pahin a va ti ti hrep a ni awm e. OPD lama a rawn let leh hnu chuan cabin a nurse duty chuan intercom hmangin a rawn phone leh a. A kal chhan ber a lo va tih theihnghilh chu niin. "In pu kha a lo let leh a ngai ania, damlo treatment a siam reng reng hleinem."

Ka ngaihtuah peih tawh hrih lo, duhtawk phawt mai ang. Nidanga chhunzawmah ti leh phawt mai ang.

B-l-u-e

2010-09-10T21:17:00.005+05:30

Tawngtai damna leh damdawi

2010-08-20T12:00:00.000+05:30

Vawiin chu RTPA te damdawi dawr a ka thut laiin pa pakhat hi a lo kal a.

"Ka pu, chloramphenicol in nei em?"

"Aw, nei e. Strip khat em ni i duh?"

"Ni lo, mum thum chauh ka duh".

"Mum thum a? Chloramphenicol mum thum lek eiin awmzia a nei hleinem. A lo berah kar khat emaw tal i ei a ngai asin".

"Min chawh tu in mum thum chauh ei rawh a ti sia".

"Ka va awih lo. Tunge i doctor rawn chu a hming?"

"Doctor a ni lo, tawngtai dam thei a nia".

Hahthlak...

Kar hmasa khan casualty-a ka duty laiin hetiang deuh bawk hi ka lo tawng tawh bawk.

"Damdawi ei lai i nei em?"

"Ei lai chu ka nei chiah lova, mahse nikhat danah ka in chiu tir thin".

"Engnge i in chiuna damdawi chu a hming?"

"Chu pawh ka hre chuang lo. A tui hnang deuh, dum lampang ania".

"Tu chawh nge?"

"Kan veng a mi, tawngtai dam thei".

Tawngtai dam theihna thilthlawnpek dawng zawng zawng khan hei hi khawngaih takin lo hre teh u. Mahni hna theuh hi rinawm takin i thawk ang u. Doctor ten an damlo te tawngtai dam kher an tum loh ang bawk hian, nangni pawhin a damdawi lam hi chu lo chawh tawh lo hram teh u.

A thu hrimin tawngtai dam thei ni ve si, damdawi hman ngai leh tlat si te chu...a thlarau dawn san loh thlak em mai!

Phorona rapthlak leh Kung Fu Panda

2010-08-08T22:45:00.004+05:30

Nikhua ka hriat rual rual chuan ka taksa pumpui chu a sa hut hut a, chhunglam atanga puak keh mai thei tur a ka inngaih lai chuan, ka pawn lam erawh a ro char vek thung lawi si. Men kan tum a, ka theilo. A eng lutuk, a sa rapthlak bawk si. Kan dap kual vel a, mahse engmah dap fuh tur pawh a awm lo.

Mak ti em em a ka in ngaihtuah lai chuan aw thum lutuk lo hian, "Thil awmzia engmah i hre lo tiraw", hi a rawn ti a. Meng theilo mah ila aw ka hriatna lam chu kan hawi a, "Hrelo, engmah ka hre lo. A sa rapthlak bawk si, engnge ni thil awmzia?" tiin kan zawt a. Aw chuan rapthlak lutuk hian, "Ka Pathian nung hmingin pho rovin i awm mek a ni", a rawn ti leh ta dur dur mai a. Chutah zet zawng, sa hle mahse hlauh avangin ka khur nghal ta char char a. Ka eiruk awm ka hre bawk si lo. Eiruk chu sawiloh, eiru thei dinhmun a ka awm pawh ka la hre bawk si lo.

Mahse engmah ka sawi hma in aw bawk chuan min tawng khalh leh avangin ka rilru ngaihtuahna zawng zawng hre vek thei vantirkoh a ni tih ka hre ta a. "Hman a Assam Medical Council office-a mi i tham kha i la hria ang tiraw?" a rawn ti ta a. Kan inngaihtuah let a, a chiang ta khawp mai.

Khami tum kha kan senior pakhat lehkha tifel turin Assam Medical Council office-ah ka kal a. Registrar hmu tur khan ka hmaah mi an tam em avangin clerk chu cheng za thingpui in na tur ka lo pe pek a. Ka thil tih sual chu te hle mahse bawhchhiatna, phoro phu a lo ni reng mai. "Anih leh ka bawhchhiatna anga te lutuk ho pawh in phoro vek tihna em ni?", kan ti leh a. Aw chuan, "Tumah hmaih kan nei lo. Mizoram pum hi kan phoro a ni ber mai", tiin min chhang leh a.

Chutia mumang rapthlak lutuk ka man mek lai chuan ka nu hian, "Tho rawh, duty i tlai leh mai tur asin", tih pahin ka room bang chu a rawn beng ri dawt dawt a. Zawi muanga thawh pahin ka mumang rapthlak tak chu ka ngaihtuah zui neuh neuh a. "Phoro hun hi lo thleng tak tak pawh ni se a lungngaihthlak vak love, ka hnung dawn e mai. A thu hrimin phoro hmasak tur ho kan la vulh thau mek chauh a ni a si a", tih pahin ka insiam mawlh mawlh a.

.................................................

Phuah zawm dan tur ka hre tawh lo, duh tawk tawh mai ang.

Engmah hi a kal ding tak tak theilo tunlai chu. "Engnge i nunah thil thar awm?" ti ta se, ka chhanna tur chu, "Kan vawkpui in no a nei leh tawh", tih vel bak anih ka ring lo. Chutiang vel chu a ni e.

E taka, lungawi loh deuhna ka nei. Nula pakhatin ka thianpa hnenah, "Khawnge i thianpa kha?" a lo ti a. Ka thianpa in, "Tu ber maw?", ti a an zawh chian chuan, chu nula chuan, "Kha i thianpa KUNG FU PANDA ang deuh kha", zuk ti kher a mawle.

Kawi

2010-06-24T22:47:00.004+05:30

Kawi hi hmuh tur a van tawh em avangin kan post ve mai mai ang e. He kawi hi a kawm a tha vak lova, a rah pawh a tha vak lo. Mahse a hrui hi chu a hrawl tha ve viau. Kan zosap missionary te zinga mi, Pu Daka tupa pawh hmanni deuh a Mizoram a rawn tlawh tumin a pa in kawi hi a rawn chah a, Aizawl leh a chheh velah hian hmuh mai tur a vang tawh viau a ni awm e. He kawi hi an rawn hre fuh hlauh a, a hawn thlak nual kha.

Pikchar kawleksawn - III

2010-06-17T20:00:00.005+05:30

Tui ek dalah thlalak tlem a zawng. Ka post khat rem rem lutuk a blogger hman dan te ka lo theihnghilh then tawh vel mawle

He dawr a an thil zawrh hi a tlawm hlawm mai mai ania aw! Below MRP ani tawp mai!

Thlahrang chi hrang hrang an zuar dawn emaw ka tih laiin, kuhva khawr leh chana ro tih vel bak an lo nei bik chuang lova

Rit deuh deuh a load lak fo chuan...

Petrol pawh a hek duh khawp mai

Kohhran lian berin hetiang zawnga zirtirna an chhuah mai chuan a chi loh viau ang!

'Rei lo te' tih hi a mihring a zirin a danglam nasa mai si a, a buaithlak duh awm e.

Silchar pelh tawh hnu a kawng sir thingpui dawr. A subscribe leh subscribe loh zawh nachang ka lo hre lem lova...

No comments!! Eh....!!!

Ka tunlai khawvel

2009-09-11T22:19:00.002+05:30

Tun tum chu ka thatchhiat vang a ni bik miah lo ania. Mahni tawk a ka buai ve thin em avangin online na hun ka neih khat bakah, hun awl ka neih ve deuh tum pawhin mut hahdam ka thlang zawk thin a. Blog update tur phei chuan rilru ka seng tha peih ngang thin lova; mahse hei, ka thil tawn leh hmuh te hi an ropui em a, ka rawn ti hram a ni e.

Beisei loh lutukin misual.com milar kanidari nen Mizoram House-ah kan inhmu hlauh mai. A hmu ve duh tan hei a thlalak pawh ka rawn dah tel e. Ama tawkah chuan a hmel hi a inhmeh ve angreng viau.

Tin, milar dang Pi Blek-i (blackmagicwoman) nen phone-ah kan inbe thin. 'Inbe thin' tih lemah kan khaw lama mi thil mamawh a nei a, kan va leisak zuai zuai kha. A lar zia ti lang chiang em em tu chu a thil ka leisak hi a hnuai a mi ang khuan ka thawn tawp a, an inah an va deliver sak thlap a ni awm e. Zawnglai a ni tawh silova a phone number hi ka thaichhe then ta mai. Han be ve ula chu ka ti viau, a aw a 'suas' ropui sia...

Kar hmasa lam khan Gauhati University-ah football tournament a awm a, inpuahchah lawkna awm miah lovin kan va tel ve leh ngawt a, a sim thlak leh pek hle. A home team GU ho nen ka intum a, hun tawp dawnah penalty kan hmu, ka pet lut nanga 2-1 in kan chak ta chuang lo. He inkhel hi ka tan chuan farewell match a lo ni reng a, a tawp kharna a ropui hran lo khawp mai. Kan zinga in fit ber leh tlan peih ber pawh a kap a in nawh avangin a khel tluan peih ta lo.

Dimapur zin report

2009-07-31T01:13:00.010+05:30

Ka cousin te chhungkua, Asha Bhawan, Dimapur Branch enkawl a awm mek te tlawhin Dimapur lam ka han zin ve e ka tia. Ni 29, nilaini zing dar 6:30-a chhuak Jan Shatabdi Express nan hman tumin dar 5-ah alarm clock kan set ve na a, a ngai te bawkin mumang nen ka lo hmet hlum leh daih pek chu niin. Dar 6 rik dawnah ka harh hlawl a, hmanhmawh bak lengin rel station lam panin ka thawkchhuak nghal a. Chu ka thawh tlai man chu chawp leh chilha tel nghalin, ka u in a fapa zirlaibu tur min chah, ka lei sa diam chu kan theihnghilh zui bawk a.

Chawhma dar 11 pelh hretah Dimapur kan thleng a. Kum thum kal ta a Diphu kan zin tum, chhuk nachang kan hriat tak loh nen a chhiar chuan, Dimapur leilung ka vawihnih rahna a ni ve ta.

Rel station-ah hian ka hawi kual vual vual a, vai ka hmu hnem na ngang mai. Mizoram sorkar dinglaiin Sairang thleng a rel luh tir a tum chungchanga a duh lo pawl ho rilru put hmang tur pawh ka hrethiam ve ruai ruai. Mahse kan ngaihtuah chian deuh hnu chuan, chimral kan nih leh nih loh chu keimahni, a leilung neitute kutah a innghat thuk hle in ka hria. Rel a rawn lut ngat anih chuan min chimral tu turte chu vai lehkhathiam pui pui, sumdawng hausa leh officer lian tak tak te an ni hauh lo. Aw mak tak tak a "Chaaaiiii...garam chaaaiiii" leh "Pani botol, pani botol" ti a au lauh lauh chunga eizawng tute leh an thlahte hi min chimral theitu turte chu an lo ni daih mai. Hetiang hna hi kan thawk zak a, kan thawk duh lo anih chuan vaiho tan kawng kan hawng mai mai dawn tihna a ni. Rel station leh a behbawm a hna awm thei ang tur zawng zawng keimahni ngeiin kan lo hma khalh vek chuan hlauh tur a awmin ka hre lo, kei ve te hi chuan.

Chawhmeh leiin bazar kan lut kawi zawk a. Kil tin maiah hian chawhmeh hi an lo phu suau suau a, a then lah an lo sawt deuh tawk tawk bawk a.

Lunch te kan ei zawh chuan muangchangin farm lamah Inkhawm turin kan thawkchhuak a. Asha Bhawan-a an mi enkawlte hi Pathian thu hmanga an hruai bakah, mahni a intodelh dan tur kawng an zirtir nasa em em a, hna pawh an thawk nasa khawp mai. An farm hi khaw pawn deuh hlek a awm, Vidima Village-an tih hmuna awm a ni. An enkawl uluk bawk a, a thianghlim hle.

Ran chi hrang hrang - vawk, kel, sazupui, varak leh parva an neih bakah sangha dil lian lutuk lo an siam tel bawk.

Thlai leh thei lam pawh an intodelh viau. Ka hmuh theih chinah chuan - balhla, lakhuihthei, thingfanghma, vaimim, bawkbawn leh bawrhsaibe.

Tlai dar 6-ah inkhawmna hun kan nei. A boruak zangkhai zawngin hun an hmang a, zaiho leh tawngtai rual an uar hle. Sermon tawi fel tak mi pahnih hnen atangin kan ngaithla a. Hindi-a thu an sawi chuan English-in an let nghal zel a, English-a an sawi pawhin Hindi in an let ve nghal zel bawk. Inkhawm hun chhung hi minute sawmli vel bawr ni ta in ka hria.

Inkhawm banah chawhlui kan kil ho nghal a. Farm lamah hian mipa ho chauh an awm avangin rawngbawl lamah an ropui lutuk bik lo. Chaw an khawrh teuh a, arsa tlang li theuh, lian leng lawng, tui nei a kan leh chi kan hmeh. Mahse kei chu ka duhthusam a ni tlat thung. Chawhmeh a tam lutuk hi chuan ka chaw ei a ti buai vek zel. Chu ai chuan chawhmeh pahnih khat lek hi khalh fal ila nuam ka ti zawk. Chaw ei hma hian tawngtai turin min sawm thut a, kan chham pual ve nghek kha. A tla tha ve viau chuan ka hria.

Army Wives' Welfare Association lam atangin tanpuina tam tham tak an dawng a, hei hian hmeichhe ho awmna tur in an sak belh mek. (Dimapur center-ah hian hmeichhia an la awm meuh lova, a awm chhun te pawh ka u te hnenah hian an khawsa ve naw naw hrih a ni).

He naupang hi a hming chu Vishal a ni a, a pa hi drug addict, HIV positive a ni. A tirah an chhungin Asha Bhawan-ah hian an lo lut a, mahse a pa hian a tlan bo san tak daih avangin a nu nen an khawsa ve mek. Vanneihthlak tak maiin Vishal-a leh a nu hi an positive ve lo. Vishal-a thil awh ber chu guitar lem a ni a, an tawngtai rual apiangin an dil sak ve ziah thin. In hriatchhuah chang changin in tawngtainaah in lo hre ve thin dawn nia.

Hausak dan awlsam

2009-06-22T04:32:00.008+05:30

Chiahpuam collector-ah tang la, i khawn ngah ta maw tihah tlan bo daih rawh. Mahse khawngaihin Bairabi pelh thlak dan hriat tum ang che, man i awl lutuk palh ang. Mipui lam i bum theih i ring tawh lo maw? Lungngai suh, Mizo mipui hi bum fin theih loh kan nih hi. Kar khat bank kha Kar khat leh a chanve bank tiin a hming thlak la, an rawn dah leh hum hum mai ang.
Politics khel ve hmiah rawh. MLA-ah i tling anih hlauh chuan thahnemngai takin eiru la, term khat lek chhung pawhin i tu leh fate thleng chawm theihna tur chu i sik chhuak thei zan ang. Politics that leh zual bikna chu - lehkhathiam leh mifing nih kher a ngai lo!
Sumdawng la, Guwahati Paltan bazar leh Shillong Police bazar bakah, Bagha bazar leh Dholai vela i bungraw lak kha "Bangkok a mi" tiin tlangau pui vak vak la, a let sawm chuang chuang a tovin i zuar dawn nia. An rawn lei sup sup mai ang. "Bangkok a mi" tih kha a pawimawh keh kual nasa!
Celebrity kidnap la, thamna tam tham tak i dil dawn nia. Celebrity kidnap hi a harsa miah lovang. Sabji bazar, second hand lane, Rangvamual leh hmun dang tam takah lo phek chan tawp mai la, kidnap tur chu an rawn kat nuk mai ang. Mahse fimkhur hle ang che. Celebrity pachhe lutuk i kidnap vaih chuan i tan loss hlang hlak!!
Vaihlo zial aia changkang deuh hlek siamna hmunpui bun rawh. Tikhawp a cancer kan vei hnu pawh a harhchhuah nachang hre lo awmkhawm zingah hian he sumdawnna hi a tlachhe thei tawp lovang.
Vawk farm siam rawh. (Hei chu sawi thui vak pawh a ngai lo)

Q & A

2009-05-22T02:14:00.003+05:30

A few stupid questions and their equally stupid answers.

Q1. Why do I call myself luliana?
Ans : Many many years back, a person who goes by the name of Lianchungnunga, the self proclaimed leader (by virtue of being the only kid in our class who could verbally beat up all the other kids) of The Subri Group (Don't ask me the meaning of Subri. We were a stupid lot back then, and Subri was one of the many stupid words we coined. Actually, I realize it wasn't suppose to have a meaning at all. By the way, we later changed it to Rangers. And no, we were not a fan of The Power Rangers) said, "From this day onwards, you will be called luliana (big head). You will be the anointed one, the one with the big head. Your descendants will roam the face of this earth, and you shall live till the day you die".

I fully believe him. But the problem is, I haven't found the one to bear me all my descendants who will be roaming the face of this earth.

Q2. Is that my skull x-ray on the avatar?
Ans : No, it is not. I do not know whose skull it is. All I can say is that it's that of a child, probably less than ten years old. Just a wild guess.

Q3. What is zafirlukast, and why do I use it for my blog url?
Ans : Back in 2007 when I started this blog, I tried a few words for the blog url, but none of it was available. I was out of options, or rather patience, and so out came my medical dictionary, which by the way is my refuge when it comes to stupid, non-sense and literature-killing words. I started flipping the pages from the back, and zafirlukast was just a random choice, really. I would further like to emphasize here that there is no emotional, spiritual, political, historical, physical, chemical or biological relationship between zafirlukast and the contents of this blog.

And oh, zafirlukast is a leukotriene receptor antagonist, and mainly used in the treatment of asthma.

See, I told you there is no emotional, spiritual, political, historical, physical, chemical or biological relationship between zafirlukast and the contents of this blog.

Q4. Does the contents of this blog reflect my personality?
Ans : Maybe. Or maybe not. I just blog whatever comes to my mind. This blog is essentially a mixture of politics, spiritual posts and dirty jokes. So it's not possible to become a politician, a church leader and a joker all at the same time. That's what I used to think.

But think again. Being a Mizo, that might be possible, I think.

Q5. Do I like blogging?
Ans : Of course. What a stupid question anyway!!

Sarivaithun

2009-05-11T12:25:00.002+05:30

(He article tha tak mai min pe tu hi ka nau duat em em, Sihphir tlangval fel leh hmeltha, tlang lawn hrat hmingthang Tv Peter Malsawmtluanga a ni a. College of Veterinary Science, Khanapara-a BVSc & AH 3rd year (2nd semester) zirlai a ni. Tin, a thupui 'Sarivaithun' leh 'Swine flu' inlaichinna hi hriatchhuah tumin tunah hian ngawrh takin research a bei leh mek niin amah hrechiang tuten an sawi - luliana).

Thianpa Lame-a (saptawng 'lame' nilovin Zo taka 'La-me-a' ti a lam tur. Ani pawh hi Guwahati milar tho a ni a, a hmelthat leh thatloh chu a amah hmutute mitah a innghat thui hle. Chiang taka amah la hmu lo te hian a hmelthat hmel chu an ti ve leh zauh thin - luliana) class bang chu ka room-ah chuan rawn lut hlawlin, ka khumah chuan a let nghal tawp a. Ka room lum tak ti dai tura fan tih vir pah chuan ka thiana hmel chu ka va en zeuh a, a lo dang lap mai a. Vei a nei ani tih kan inzuina a rei tawh em avangin ka hre nghal mai a. Chhass lampang anih loh vek pawhin, thil bawn tawk tak vei a nei a ni tih ka hre nghal mai a. Ka zawh chiah ngam mai loh avangin ama rawn inpuan hun ka lo nghak tawp a. Thawk halh pahin zawi te hian, "Ninawm e...hmanni lawkah bird flu...tunah swine flu", a rawn ti chau nghalh a. "Vawksa ei a va khat leh dawn ve...", tihin a rawn zui nghal a. Tam tak chuan kan hrethiam lo a ni maithei e, mahse he ka thianpa, vawksa tui ti tak mai hian bird flu hri len laia sava tam tak tihrem an nih avanga arsa leh artui vang ta em em ang khan swine flu vang hian vawksa vang ve dawn riauva a hriat avangin a lo tuar lawk em em mai chu a lo ni a. A vawksa tui tih zia leh a heh zia (amahin Kg. khat hi chu tlemin a ei zo lo deuh) ka hriat chian em avangin ka khawngaih rilru khawp mai.

Tunhnai maia Mexico atanga rawn intai darh a, khawvel hmun hrang hrang a sulhnu nei tan mek, hri tihbaiawm tak swine flu hi vawksa ei nasa tak hnam kan nih avangin Mizote hian a chungchang kan hriat ngei a tha in ka hria. Mi za tam fe in nunna an chan tawh a, an la chan belh zel dawn ni pawhin a lang. He swine flu natna tihbaiawm tak hi engnge anih i han en chiang teh ang aw. (Vawk te hi scientific taka koh duat dawn chuan pig aiah swine tiin an ko mai thin).

Natna tlanglawn tak influenza chi hrang hrang zinga mi a ni a. Heng natna hrik (virus) kawrah hian protein chi hnih a awm a. Chung te chu Haemaglutinin (H) leh Neuraminidase (N) te an ni. Heng protein pianhmang te hi a natna hrik chi hrang hrang (strain) a zirin an danglam ve theuh a, scientist ten thliar hranna tangkai takah an hmang ve nghal zeih a ni. (swine flu a.k.a H1N1 ; bird flu kha H5N1 a ni e). He swine flu ang tak natna hian kum 1918 atanga 1919 khan Spain ram a nuai chiam mai a. Kum khat lek chhungin mi maktaduai 50 atanga maktaduai 100 chuangin nunna an chan anih kha. Spanish ho phei chuan he natna hi an la tih em em mai a, La Gripe Espanola emaw La pessadilla tiin a hming an phuah nghe nghe a ni. He Spanish flu leh hmanni lawka kan buaipui chiam mai bird flu nen khan a hnathawh dan pawh a in ang khawp mai.

Flu natna ho hnathawh dan hi a in ang tlangpui deuh vek a. Thawkna (respiratory system) lampang khawih buai chi an ni deuh vek. A natna hrik hian chuap timur (cell) an bei hmasa ber a. Chuap timur te hian beih an nih takah chuan taksa raldo sipai te hmunpui (immune system) lam an han hriat tir vat a, an ni in chuap chhan turin taksa raldo sipai hrang hrang (leucocytes, cytokines etc) an rawn thawn nghek mai a. Heng thisen var (leucocytes) te hi tam tham taka immune system in a rawn thawn avangin chuapah chuan an han inhnawh nghek a, an tam em avang chuan chuap timur te pawh chu anmahni lamtang an ni tih hre hauh lovin an bei ve leh ta ringawt a. Chuap timur te tihchhiat an lo nih takah chuan, tuihnang chi hrang hrang felfai taka taksa hmun hrang hranga awm thin te kha taksa organ chi hrang hrang te chu an chiahpiah ta zuih mai a. Hei hian a veitu mihring tan thawk a ti har em em mai a ni. Chumai bakah a veitu mihringte chu khawsik te, khuh te, lu na te, tihrawl leh ruh inzawmna na te, hrawk na te, hnap tawlh reng te a neih tir a. Thenkhatah phei chuan luak leh kawthalo in a thawk thin bawk. Enkawlna mumal tak pek an nih loh phei chuan an thihpui mai thin. (8th May 2009, GMT 16:00 thleng khan khawvel ram hrang hrang 25 ah swine flu case 2500 finfiah ani tawh).

Heng natna hrik leh an hnathawh te bei tur hian damdawi (anti-viral) chi hnih - Oseltamivir & Zanamivir (Tamiflu) leh Amantadine & Rimantadine a awm a. Tun dinhmunah hi chuan khawvelin a la thlamuanpui khawp mai. Amaherawhchu, Pathian remruat ve reng reng nge he swine flu natna hrik tun hnaia rawn leng chiam te hian Amantadine & Rimantadine damdawi hnathawh hi enga tan mah an ngai tawh lo.

Tun nilaini khan khawvela mihringte hriselna lampang enkawltu pawl inzawmkhawm lian ber World Health Organisation chuan thuchhuah an siam a. An thupuangtu Dick Thompson chuan he natna hian vawksa ei mi te a tihthlabar em avang leh vawksa kaihhnawih sumdawnnna reilote chhunga a tihchhiat chak em avangin, a hming swine flu tih chu official takin Influenza A (H1N1) ti a thlak ni se a ti a. Tin, WHO hian vawksa ei atanga a natna mihringa inkaichhawnna case hi a la hmu lo hrim hrim bawk a ni. WHO meuhin hetianga thuchhuah a siam tak mai nachhan hi Egypt a vawk 300,000 chuang tun nilaini a finfiahna awm miah lo leh mawlmang taka tihrem an nih vang te pawh kha a ni ta ve ang. Egypt hi Muslim ram a ni a, vawksa an ei lo. A rama cheng ve Kristian tlemte te tan Muslim loneitu thenkhat ten eizawnnan vawk an vulh ve thin a ni. Muslim kulmuk thenkhat te chuan an huat em em Christian te tiboral tura an sa thiang lo (vawksa) hmanga Allah hmalaknaah an lo ngai ve hmiah thung. Fimkhur thu hlaah vawk thisawn emaw chin hriatloh a thi sa ei loh chu a him ber tho ve.

Heng thu ka hrilh hnu chuan hlim takin ka thianpa Lame-a nen chua Ganeshguri-an in contri a vawksa lei turin kan phei dun ta a.

To whom it may concern

2009-05-02T04:15:00.002+05:30

These past few days had been wonderful, exciting, and to some extent, too good to be true. Maybe things happened too fast, and I was literally out of control. I lost my principles, the very guiding force which had propelled me to where I stood a few days back. It was probably the best thing which had happened to me all these years. Until one single moment of pure stupidity!!

I didn't think before I act. My mind was clouded and polluted with evil. And although this was the first time I had committed a sin of such magnitude, I now stand at a junction where I could lose everything. Lose a friendship, lose myself, my confidence, trust, self-esteem. But the worse part is that I offend and hurt someone who happens to be the last person on this earth that I would ever want to hurt!

I am not here to make an excuse for my actions, for I clearly know that there is none. I know that it's my fault. All mine! I should never have allowed the evil in me to express itself. Maybe it hit me on a weak point which I never knew existed inside me before. But even then, I should have been prepared for everything, including the unseen. And I hate myself for being such a weakling. I made a scar, a potential obstacle and a dirty reminder for the future. A big ugly scar which could probably hurt a person for a long long time. I am helpless, for I cannot change the past, and I guess I have to be prepared to face whatever the consequence may be.

The ball is not in my hands. Help me, O dear Lord! All I am asking is for a chance to prove myself once again. It may take days, weeks, or even years. I don't care, as long as I get the chance within this life-time. And if I ever do commit such a mistake again, I might as well just vanish never to be seen or heard again. This is a prayer, a promise I make with utmost sincerity from the bottom of my heart.

Half century

2009-04-30T11:44:00.009+05:30

I didn't realise this would be my 50th post, until this morning when I saw the number of post on my dashboard. It took me exactly two years to reach this landmark. Not bad considering the level of my computer literacy and the amount of time I spend online. One small step for others, one giant step for luliana!

A special thanks to all the regular, not-so-regular and would-be-visitors. Thanks guys, for pretending to like all the crap and nonsense post on this blog. Do continue enlightening me with your comments and feedbacks.

Oh! I almost forgot. I gave up smoking three days back, again, for the eleventh time, I think.

I hope I succeed this time.

Update : My dashboard shows 50, but there are only 49 post. That's because I'm still editing one more and saving it as draft for the time being. Will release it as soon an it's done. Sorry for the mix up, but too lazy right now to rectify things. Stupid of me, really.

Breaking update : Sorry to let you down guys. I stumbled. I hate myself!!

Pikchar kawleksawn - II

2009-04-22T13:55:00.000+05:30

Tun tum chu ka thlalak khawlkhawm ho ka rawn chhawpchhuak ve leh tawp mai. Thil ropui lutuk hmuh inbeisei lo ula.

Hei hi kan uipa huaisen em em lo a ni a. Kan han thut bial deuh laih laih hi chuan herhsawp hi a rawn chuh ve that zel.

Kan ti ti ngaihnawm a tih lem loh chuan herhsawpah vek hian mut zai a rel mai thin.

Serious gamers?!! Thlasik khaw vawh laia zan dar 12 thleng thak Zuma khel peih leh, Need for Speed khelh apianga helmet khum ziah thin te hi chu lawmman pek tlak an nih loh vek pawhin, tawngtai sak tal chu an phu ve hrim hrim.

A hnuaia thlalak ami ang hian thla hnih-khat lek chhungin dulkiar tih thep i duh ve em? I duh ve anih chuan sipaiah tang ve tawp mai rawh. Satisfaction guaranteed!!

Zin kawnga patling ek chhuak, a chhuah dan inchen lo tak tak ek tum a an han intlar thap hi chu a hmuhnawm dangdai ve hrim hrim.

Making a Mizo porn

2009-04-08T19:47:00.009+05:30

(A hnuaia thu fahrah leh satliah ve tak hi a ziaktupa ang mai a thutak pailo a ni a, phalna la hmasa lova lo belhchian ve ngawt a rem lo. Thutak khuk a khukpui an lo awm anih vaih chuan, thutak khukin an lo khu satliah ve mai a ni anga, an chungah na takin action lak a ni lovang. He thuziak fahrah leh satliah ve tak hi tha ti tu mi pathum tal an awm anih ngai chuan, a lawm nan vawkpui rai lai vawi hnih leh a chanve kan hawlh ngek tuar tuar ang. Tin, kum tlinglo tan a ri a chhiar chhuah phal a ni lo bawk).

A hmun – Location
Sap ram lama an channa thin swimming pool thianghlim tak sir leh penthouse changkang taka chan ve a rem lo, swimming pool thianghlim tak leh penthouse changkang tak kan rama a awm ve miau loh avangin. Kan neih ve phak tawk leh kan budget in a a tlin tawk, mi fate'n stem cell research leh nuclear power an buaipui luih luih laia, mautam avanga tam lek lek te hi chuan mi inhnuaiah, a in neitute hriat loh laiin thawm dim thei ang berin kan chang ve leh thawr mai dawn a ni.

A changtute – Starring
A changtunu tur hi a theih hram chuan a hminga celebrity, music video (gospel tiamin) pakhat tal lo siam ve tawh emaw, super model contest a first round paltlang zo lo emaw, mizo film-a a changtunu thiannu thiante zinga hausak hmel deuh a lo chang ve tawh tal a ni tur a ni. Hetiang ang mi hi kan hmu zo lo anih chuan, veng tlabirh ve deuh a Shakira hla pakhat tal hria kan zawng mai ang.

A changtupa tur hi chu a remchang apiang a ni mai, a hmel a lan ve dawn chuan loh avangin. “Dulkiar hian mihring min ti sexy zual”, tih hi tun thlenga science thiamna hmanga finfiah a la nih loh avangin dulkiar te chu duhsak bik an ni lovang. Tin, Kohhran lehkha thil tel te pawh a thil tel lo te nen angkhat veka en an ni dawn bawk a ni.

Hlawh chungchang
A changtunu hi top-up cheng sawmruk (Rs. 60) man a lungawi thei tur a beisei a ni. A beitham a ti deuh anih chuan sms pack cheng sawm (Rs. 10) man belh sak theih a ni ang. Chuta a la lungawi lo anih chuan bike in vawikhat Rangvamual leh Phunchawng fanpui a ni anga, a mawng tih er theih chintawk erawh bituk sak a ni ang. Heti chung pawh a a la lungawi theihloh cheu chuan, “Hmelchhe nu” emaw, “Zawngi” tih pahin kan beng thle sawk anga, pension nei lovin kan ban zui nghal ang.

A changtupa ve thung hi chu ama zei vang hrim hrim a celebrity nula theiah kan ngaih sak hmiah anga, a lungawi ve tawk hle tura ngaih a ni. A lo lungawi loh tak leh Mizo mipa zinga “englo” nei lian berah official takin kan puan der sak ang.

Tin, kap var lutuk tan dil buai ve tingtang a ngai lo, a ti Mizo lo thei tlat (ka ti lutuk em?!!).

Cameraman
Hei hi a awlsam zawngin, a changtute mawhphurhna ni mai sela. Mobile phone camera bak chu hman phal a ni lo.

Thehdarh dan tur
An chan zawh veleh a remchan dan ang angin kan release nghal mawlh mawlh anga, blue-tooth leh pen-drive-ah innghah bur a ni ang. Copyright dan bawhchhia a rilru chhe tak pu chunga sem darh an lo awm anih chuan, an chungah lawmthu kan sawi mawlh mawlh ang. Kohhran upa leh thalai hruaitu hlawhtling taka pechhawng theitute phei chu a bik taka lawmthu sawina lehkha thawn ngei ngei kan tum bawk dawn a ni.

Tlangkawmna
An chang zo anga, a darh leh hrep anga, an zak leh ngei bawk ang. Chutih hunah chuan ram pawn lama bi bo duh te chu anmahni senso liau liau a ni anga, thingtlang pilril leh ramhnuai lama bibo duh te erawh tanpui dan tur ngaihtuah a ni ang. A bikin a changtunu hi khawtlang tangrualin vengchhung atanga an hnawtchhuak anih chuan, MHIP leh Human Rights ho hnenah kan zualko sak bawk dawn a ni.

Thlalak hlui

2009-03-19T17:37:00.001+05:30

Ka pa computer-ah he thlalak hlui hi ka chhar nawlh mai. Ka pu Rema (Lalrema Ngente, ka patea pa) tih loh hi chu mimal taka han hriat em em pawh ka nei chuang lo. Hmang tangkai duh emaw, lo kawl tha ve duh hrim hrim te in awm takin, tih thil thuah ka rawn post ve mai mai a ni e. Ka lawm e!

Eng kan ti nge?

2009-03-11T01:08:00.003+05:30

Politics lam hi khel tawh loh hram ka duh. Mahse kan hotute che vel leh khawsak duh dan hmuh hian lung hi a awi thei thin ngang bawk si lova, vawikhat na na na chu duhthu han sam khum leh poh teh ang. Tin, party support bik ka nei lova, mahse mimal takin duhzawng leh ngainat zawng chu ka nei ve bawk, tih hi kan zep tel hram bawk a nge.

Home Minister Pu R Lalzirliana chuan, hmeichhiate zahawmna tihbawrhbansak ching an awm fo chu a ngaihmawh thu sawiin, tun hnaia zaithiam pakhat sex video hmanga tihmualpho a nih chungchangah, a bul tumtu chu chhui chhuah a hrem a nih dawn thu a sawi.

Source : Vanglaini (March 10, 2009)

Pu Zira hian min hre tawh kher lovang, mahse kei chuan ka la hre ve kar. Kum thum kalta khan Guwahati-a Mizo sumo accident a awm tumin damlo buaipuiin damdawi in leh Mizoram House-ah kan inzui kual hrep tawh. Khami tum khan a thawk thain, kei leh ka thiante chuan kan fak khawp mai. Tin, opposition bench a an thut lai pawh khan TV-ah a thusawi leh chevel ka lo hmu fo tawh a, kan politician ho zingah chuan mimal taka ka tan pawl tak a ni nghe nghe.

Mahse he sex video chungchanga a inrawlh hi engnge a tulna aw? Minister meuh inrawlh nan chuan nep ka ti deuh. Ram hnuk a hlat em mai! Nge political gain leh intihlar nan hrim hrim a hmang zawk? A enga pawh chu nise, ho ka la ti ngawih ngawih tho.

A hmasa berin he thil hi chhuichhuah a har ka ring lova, minister in press ho hma a thuchhuah a siam a tul hek lo. Video a langte hian an hmai an tuam lova, an bibo daih bawk hek lo. Tu te nge a nih tih chu mi zawng zawng hriat sa. Anmahni hi thu zawhfiah mai tur a ni dawn lovem ni? A mipa hi a lo bi bo daih anih pawhin, a hmeichhia hi zawt sela, man a har tawp lovang. Tichuan he buaina, Home Minister ho meuh a kan chai rawn luai luai hi a tawp der anga, hna ropui deuh hlek zawk kan thawk tan leh vat thei mahna!

Pu Pachhunga chuan, Pu Hawla sorkar chuan MNF ministry-in Saitual, Khawzawl leh Hnahthial district a lo pek ve te chu chhunzawm dan hre lovin a en liam mai mai dawn nia a lan thu te, Lammual stadium sak tur pawh chhuanlam dawrawm tak tak siamin hlamchhiah a tum thu te, New Capital Complex-a governor chenna tur sak tawh pawh sorkar hmasa thiltih zahna nei miah lovin High Court hmun atan an thlak mek thute a sawi bawk a. Kolodyne Hydel Power Project, Delhi Mizoram House, Tennis Court chhuatphah tha chi, damdawiin nau neihna building thar tur, Refferal Hospital Medical College te chu MNF Ministry in a lo tihfel vek tawh an nih thu a sawi bawk a.

Source : Vanglaini tho (March 10, 2009)

Indian democracy a politician an ni a, opposition bench a an thut miau bawk avangin he thusawi hi mak ka ti hran lo. Mahse Mizo kan nihna leh Kristian kan nihna atanga thlir chuan tul ka ti lo hul hual. Vaiho politics khelh dan hi i entawn duak duak lovang u.

A hmasa berin, kum khat em pawh a tlin hma a sawrkar thar sawisel chiam hi a la hma lulai deuh lo maw? Hun te in pe ve bawk ta ila, chuta an hnathawhin duhthu a sam lo leh pek anih chuan kan chuk rawn leh luai luai dawn nia. Ka thil chak zawng tak alawm.

'Medical College' tih khi engnge a awmzia ni ta le? MNF ministry hun lai khan Refferal Hospital mai nilovin Medical College tur thlengin an lo tifel diam tawh tihna maw? Tak tak anih vaih chuan ka thil hre lo lutuk hi ka zak chem chem. Avang chu ka hriat ve chinah chuan, Refferal Hospital khum 300 awmna tura ruahman kha MNF Ministry chuan khum 30 (?) awmna turin, famkim lo takin an peihfel thei hram, tih kha a ni si a. Mak thin ngei mai.

Tin, Delhi Mizoram House thar, tennis court chhuat phah tha chi tih te khi sawi chhen a tul lem lo. Lengpui Airport hi Congress ho kutchhuak a ni tih kan hriat ang bawkin Durtlang kawng pawh MNF ho siam a ni tih kan hria alawm. Zoram mipuite hi in hna thawh that leh that loh hre hrang lo tur khawp a mawl chhah chu kan ni bik lo ania auh.

Pu te u, in thu khel hi a nawi thin mah mah deuh lo maw??!!

Shillong zin report

2009-03-03T23:04:00.007+05:30

Tunlai chu thluak a chau rih ani maithei, thu ziah deuh duahna thlarau ka tlachham tlat. Thlalak hi in dah leh tuar phawt mai teh ang. A lehpek atang chuan thu ho tak tak, tangkailo leh hmasawnna awm miah lo kan thutak khukpui leh ngheng theih tawh ka beisei.

RTPA a.k.a. 'Tluang-bawma' leh a fapa 'Chur-chuh-puia'....

An nu chuan, "Mipa pawh ni mah la engkim thiam vek tur. Rawngbawl thiam leh inchhung phiah fai ringawt hi a tawk lo. Nau ek tihfai chenin i thiam vek tur a ni", tih pah chuan a vin deuh hlawk hlawk a. RTPA chuan engmah sawi ngam hek lo, thiam ngei tumin uluk takin a lo thlir doh doh a.

A thlahtute a chhun a, a hmel en aiin a tap uar ve thei zek.

RTPA pawh a dul a lian sawt khawp mai. May thla tawp lam khi chuan a neih ve tawh mai kan beisei.

Sarzuk. Chilthli tla duah duahin ka thlir reng a. "Lo rawh u" an tih hma kha chu ka lo ngam chiah si lo. "Lo rawh u" an han ti chiah mai chu a kung ka bawhthlu lo chauh.

'Mai lam zir chiang mi' ka nih loh avangin a ban leh ban loh ka hre hauh lo. Risk ngaihna pawh ka hre lo.

Hei hi chu he post nen hian inlaichinna a nei miah lo, bonus vel mai mai anih hi. Tunlai hian ka hmeh ngun hle. Chaw vawikhat eiah 'strip' khat leh a chanve vel ka ei thin tlangpui.

Thutak : Ka unaupa duhtak RTPA, Pathianin mihring a siamchhan pawimawh ber te zing a mi pakhat i hlen chhuak ta der mai. Ka lawmpui tak zet che. In nupa in Pathian awmpuina in dawn a, Kristian Chhungkaw nghet tak in din chhoh theih nan duhsakna sang ber ka hlan a che u!

Kumthar pawst

2009-02-28T02:17:00.004+05:30

Mahni tawka han buai ve nak nak chuan post pawh a khat pharh mai alawm le! Ka buaina lam lah hian computer leh internet a lo hlat nasa mai bawk si nen. Chuta karah ka phone ka tibova, ka laptop tuiin ka la leih zui. Mahse vanneihthlak takin kar hnih vel bawr ka pho ro hnuah a pangngai ang thlap chuan a hman theih ve leh mai bawk a. Engmah hi a fuh thei meuh lo ani e tunlai chu.

A pawi ber mai chu thlalak post tur satliah lo tak tak phone a ka dahthat ho han bo ta duak mai kha a ni awm e. Damchhung a hmuh leh zen zen tawh loh tur thlalak khati zozai a han riral ringawt mai kha chu ka ui ve thlawt a ni. 'Thauna damdawi' chahthlakpui thlalak te kha engtin tak nei leh ang i maw? Nula senior khawlum tuar lai thlalak mawlh te kha! Zanlai dar 12 hnu lama patling rual zahpah nei hlek lova khawvel an han chen tak tak thlalak te pawh kha an rura dawn tehreng nen! A pawi a ni!!

Englekhawle, kumthar post hmasa ber atan kan thaikawi ve vel mai mai anih hi. In zavaiin kumthar chibai vek u. I'll Be Back!!

Kumin Krismas

2008-12-30T16:07:00.014+05:30

Nikum lam Krismas leh kumthar ka hmang ho lutuk khan hun rei tak chhung rilru nuam lovin min siam a. Vanneihthlak takin December thla chhuak Kristian Thalai-ah khan 'Krismas 2008 : Mi dang tan', Rev K Lungmuana ziak ka chhiar fuh hlauh mai. Chumi behchhan chuan, "Kumin chu a tha thei ang berin ka hmang ve tawh ang", tiin ka rilru kan siam ve ngawt a, mahse engtiang chiah a hmalak tur nge tih lam ka bo chiang hle thung.

Mahse tawngtaina chhang thintu Pathian a hun takah a rawn che leh ta chat mai le!

December ni 8 zan khan kum danga kan lo tih thin angin, thalai hovin carol kan nei leh a. Zankhuain Guwahati-a Mizo chhungkaw awmte tlawhkualin, a remchan dan ang zelin thawhlawm kan khawn a, member pawh mi 60 vel bawr zet an thawkchhuak thei. Heta kan pawisa hmuhte hi Guwahati-a kan Mizo pui, sum leh pai lama harsa zual deuh te tanpui nan a tih a ni. Kum danga ka lo tel ve deuh ziah avang leh ka buai ve deuh avangin tun kum chu ka tel hman ta lo.

Tichuan ni 24, Pathianni inkhawm banah kan thalai hruaitute nen, mi pariat thawkchhuakin tanpuina hi kan sem kual a. Veng kilkhawr tak tak a awm an nih hlawm avangin a hautak hle a, a thente phei chu thui tak tak ke a kal ngai te a ni a, a hahthlakin hun a duh rei khawp mai. Kan kalna zawng zawng hi chipchiarin ka ziak vek lovang a, mahse ka rilru khawih zual pahnih kan tarlang ve ang e.

A pakhatna chu - Assam police constable pensioner te chhung an ni a. Harsa a sawi tur phei zawng an nilo, mahse hna ropui tak thawh an nei. Chu chu an awmna venga hnamdang ringtu leh ringtharte zinga an mahni sum leh pai seng a an rawngbawlna hi a ni. Kan va tlawh tlai pawh hian an inah hnamdang mi sawm vel bawr an lo awm a, an Krismas hman dan tur te an lo rel ve a. Inkawm khawmna hun tha tak neih pahin, a in neitupa chuan kan thalai rawngbawlna te a tlangpui an hrilh ve bawk a. Nakum lama neih tan tur Assamese service-a lo tel phei vek an tum thute an sawi chuan min tihlim tlang khawp mai. Tichuan tawngtaina hun te kan hman zawhah, Krismas chibaite inbukin kan kalsan leh ta a. Anni ang chhungkua hi engzat tak awm ang maw?

A pahnihna chu - Kan Biak In a inkhawm taima ber pawl pitar kan tlawh chungchang hi a ni. Engtik atanga Assam rama awm nge a nih a, tute nge a chhungte tih pawh ka hre chuang lo. Vai pasal a nei thin a, a thihsan tawh ni awmin an sawi. A in ka han hmu chiah chu hnuk a ulh thei mai dawn alawm. A chung rangva, a bang dap, sawi deuh bi bei, thlipui na vak lo pawh han tleh sela, tlu mai thei tur hi a ni a. Inchhung lam chu choka angreng deuh hi a lo in ping dang ve a, lehlamah chuan khum pahnih, thuthleng leh dawhkan pakhat ve ve a awm a, a khat chu a ni deuh der mai. Ka rilru ti na em em tu chu, khawpuia awm ve siin kawlphetha (electric connection) an nei lo!! Khawnvar ung ve tawh tak pakhat hi dawhkanah chuan a lo in chhi ve tang tang a. "Thalai ho hi inlengah te pawh sawm che u ka chak thin lutuk a, mahse ka in hi a chhe lutuk a...", an tih te chuan sawi tur a vang duh ngei mai. Ka thiante sawi dan chuan fapa pahnih, fel vak lo a nei a ni awm e.

(Hei hi chu duhtawk phawt ang. A sei lutuk palh ang e).

Ni 27 khan Pathianin fehchhuahna hun tha min siam sak leh hlauh bawk. Assam Mission Field-a thawktute hmalakna bawhzuiin, Bhairabkunda-ah Free Medical Camp kan han nei a, mi za chuang hret en in, damdawi tam tham tak kan sem nghal bawk. Field Secretary Pu Rinmawia (Rev K Lalrinmawia) hovin kan thawkchhuak a, medical team lam hi kan hotu deuh ber chu U Mami (Dr Esther-i, MD, Sr. Resident, Dept. of O&G, NEIGRIHMS, Shillong) a ni. Kan zavaiin mi sawm leh pathum kan kal.

(Bhairabkunda hi chipchiar zawk a hre duh tan - hetah, hetah leh hetah hian a en theih e).

Kan thawkchhuak hma fia fia bawk a, thingpui no thum leh puri pasarih ei hnuah pawh a khat tawkin mumang kan la inneih chhawk deuh zak zak reng tho.

Kan camp va neihna hi ramthar mission in a din leh a enkawl 'St. Paul's School' a ni a. A compound chhung an enkawl uluk bawk a, a fai tha hle.

A remchang lai apianga thlalak zel hi kan thil ngaihpawimawh ber te zinga mi a la ni ta cheu anih hi!!

Hna thawk tha thei tur chuan ei leh in lam tih hmasak phawt a ngai. An phuihnam leh englo te te han tui zia mai chu(h)!!

Border area tih takah hnam chitin chitang inchawhpawlh an ni a, Hindi leh Assamase tak ngial pawh a biak theih mang loh an awm nual. A buaithlak duh khawp mai. Tin, Zoram lam thingtlang aiin vairam thingtlang hi an changkang lo ve leh chhawng deuhin ka hria. Mahni kum zat sawi dik chat chat thei kha mi tlem te chauh an ni.

Kan zavaiin. A hmet tupa hian kan driver a lo cut daih anih hi.

Tlai dar 4 vel bawrah kan zo thei hram. Tichuan sight seeing hun reilote kan nei a, Arunachal leh Bhutan kan han zin zuai. A khaw bul lawkah hian Dhansiri lui a awm a, he lui a lei dinglam (a hnuai chiah a mi) hi Arunachal Pradesh, a veilam (a hnuai leh) hi Bhutan.

Indo-Bhutan border check gate. Bhutan sipai duty ho hi thla an lakpui theih miah loh, a rukte a lak sak tum pawhin an lo bi bo hman zel.

Bhutan-a luh dawn chuan he mat, damdawi a chiahah hian pheikhawk hnuai tah fai zel a ngai.

Bhutanese thlalakpui tur kan hmuh chhun chu khawlai a zurui chiah.

Assam Synod Mission Field hi kumin a hawn chauh kha niin, tun tuma ka thawhchhuahna hi a vawikhatna a ni a. Hetiang ang hun pawimawha tel thei tura hriselna leh hun tha Pathianin min siam sak hi vannei ka inti hle.

E, taka, kan Krismas ruai thlalak hi intihtheihna pawh nichuang lovin kan dah tel mai mai ang e.

Krismas - Vairamah

2008-12-20T16:03:00.001+05:30

Zoram lamah chhungte leh thenrualthate Krismas hmang tura an inbuatsaih luih luih laiin, kei ve chu vairamah, Krismas hi tu piancham nge a nih tih pawh hre mumal lo vaiho karah ka la inpal khu ve laih laih a. A happening lo thei tiah tiah khawp mai. Khua a vawt ve ta deuh e, tih mai loh chu engmah danglamna ka la hre lo. Nge danglam ka tum nasa lutuk zawk? Ka hrethiam teh nuai love.

Tun kum hi vairama ka awm kum sarihna chiah a ni ve ta. Chu kum sarih chhung chuan vawihnih chiah Krismas hmang turin ka la haw; vawinga ngawt vairamah Krismas ka hmang ve tawh tihna anih chu. Nuam em em a sawi tur chu ni lem lo mahse ka hmang tha thei phian. Mak ve deuh chu wine shop tlep deuh tuarna lamah hian in chakna ka nei khat khawp, mahse total prohibition awmna lamah khian a to a tovin ruih ka tum phet zel.

Exam-in min hmuah deuh fur avangin kan hostel-a Kristian awm te pawh kum dang angin thawm kan nei thei tlat lo. Kan junior thenkhat phei chuan ni 24 leh 26 ah te exam an nei hem dawn mawle! Ringlo mite rorelna hnuaia awm kan nih hrih miau avangin phun nawi lova tawrh tlawk tlawk a ngai anih hi maw. Kum danga kan tih thin angin inchhungah arsi leh Krismas tree kan han siam ve leh a. Chubakah chuan, kar hmasa khan hostel pumpui vawksa tuihnai tak dinner-ah kan buatsaih sak tawh bawk.

A sawi deuh hlek a tar hi a mawi zawk, kan tih vang pawh ni chuang lova sawi ve satliah a ni.

Tunlai chu Assam hmun hrang hrangah ar pul hri (bird flu) a len avangin arsa leh artui lei tur a vang khawp mai. Hei hian nasa takin harsatna min thlen mek. Nitin a vawksa han ei ngawt chu rilru a nuam chiah si lo. Bawngsa lah a leina a hla bawk si. Kelsa tui ka ti bawk si lo. Sangha han ei ve lah hi ka dawhheihna hian a daih meuh thin bawk si lo, buaithlak tak a ni. Mahse vanneihthlak takin kan hostel bul lawkah hian sangha tin lei tur a lo awm ve a. Zoram lama hnatlang chawhmeh siam dan style-in, dal kanah kan han thlak pawp a. Chu chu chaw khawrh vum thar, a lai taka hai khuarah kan han chhung lut a, enghelh nei hlek lovin kan han hai chim hem hem thin mai chu(h), a ei hnem theih al al thin khawp mai!

Ei leh in sawi takah chuan, hmanni deuh khan Paltan Bazar-a Shillong Hotel-ah chaw kan va ei a. An menu chu kan thlir vang vang a, "Dohsniang...Umm, ka hria. Khasi tawngin vawksa tihna. Baksha??!! Ka bo khawp mai. Eng tawng nge ni ang aw...", ti a ka lo ngaihtuah neuh neuh lai chuan a dawr nghaktu pakhat chuan, "Ka pu, kya khaiga? Baksha?", a rawn ti lauh lauh mai chu, nuih a za duh angreng khawp mai. 'Baksha'='Vawksa' an tihna lek chu lo niin. Mak thin mange!

Tihdanglamna nasa tak ka dawng thut te anih lem loh chuan, Krismas zawh hma chu ka post tawh loh hmel. Chuvangin ka blog rawn tlawh thin tute zawng zawng in zavaiin Krismas chibai vek ule.

Random thoughts

2008-12-04T20:14:00.014+05:30

With exams scheduled to be held in the first week of February, I have no other option but to start digging into my books again. It’s tough, ‘coz I usually need a couple of days to find the right rhythm, and as a result, my concentration level for the time being is freakingly low. I honestly hope and pray that this situation improves soon .

As I have mentioned earlier in my previous post, updating a blog regularly turns out to be tougher than I expected. It’s likely to get even tougher as I have switched my brain onto the ‘memorizing mode’, and have temporarily disabled the ‘thinking mode’. So even if I do make a post, it will most probably be some random thoughts scattered here and there. And yes, I am writing in English after a very long time. You see, there was a necessity, which is a secret I cannot reveal.

It is true that Mizoram has undergone tremendous development since the independence of India. From a tiny, backward and poor district of Assam, to a union territory in 1972, and in 1986 Mizoram became one of the states in the Republic of India. However, the sad fact of the matter is, Mizoram became a dependent state. Needs and wants increased, but production did not. What appears to be a great development in terms of education and material possessions in reality is what we might call a beggar’s development on the generosity of the Indian Central Government. Can Christianity steer the failure of Mizoram to a more productive and self-sufficient society? Let us hope it will.

(Extracted from “The Mizos : A people transformed by the Gospel – by Rev. Dr. F. Hrangkhuma”, an article from the book “Ground works for tribal theology in the Mizo context”).

A couple of months back, I was chatting on google talk with my old buddy from Kathmandu. He gave me a link and asked me to check it out. It turned out to be a sort of an entertainment website; with lots of pictures of what I assume were Nepali models. He said, “Dude, if you want those chicks, they are easily available for a few hundred bucks”. I thought he was joking. “Come on, what’s the logic in selling your flesh for just a few measly hundred bucks while earning much more from your profession?” Then his reply was like, “Bro, except a few top ones, models out here aren’t well paid like in India. But at the same time, they need money to maintain their standards. This is the easiest way, I guess”.

Fast forward to Tuesday night, the 2nd of December.

A friend of mine, an ardent ‘leaked pictures and video collector’gave me two new pictures of, well, you know, two well known ‘local super-models’. I have seen quite a few such videos and pictures, but these two really stand out. They were totally different. The quality, lighting and surroundings, to me were a bit too classy (don't ask me how I came to this conclusion). My first thought was, “These aren’t real”. So we got down to business, trying to prove that they were indeed doctored. But after many hours of careful examination and consultation with a few more friends, we failed to come up with any conclusive evidence, though I’m still not hundred percent convinced as yet.

And then the speculations started. One guy came up with this theory. “They must have posed for a professional photographer, who in turn paid them money”. Initially, we thought that was absurd. Why would someone do that? Just to see them naked? Just to circulate their nude photos? Or worse, maybe a Mizo adult magazine is in the pipe line? But those were a bit too far fetched, we all thought. And then all of a sudden, the conversation I had with my friend a few months back flashed back in my mind. Maybe these girls were doing exactly that in order to earn a few quick extra bucks. Just maybe…

To summarize Rev. Dr. F. Hrangkhuma’s words, there is a gross mismatch between the pace of our materialistic development and our state economy. Our worldly needs have swelled up several folds, sprinting fast ahead of a stagnant economy. Ironically, nobody gives a damn, and our priorities are all screwed up. This is reflected very clearly in all spheres of life. I have seen many things which are awfully out of place, take for example, fourth grade government servants with N-series mobile phones, daily wage earners with motorcycles, unemployed (or rather ‘unemployable’) youths being pampered with the latest and trendiest designer clothes by their parents, and housewives of modest earning husbands not hesitating at all to buy things on credit. The list goes on and on. Material possession, even at the cost of one’s dignity, it seems, is our greatest desire.

And what’s the use of having so many "celebrities" when their profession itself isn’t supporting them? Are our ‘idols’ and ‘icons’ getting any benefit by being idols and icons? If not, then it’s just a burden for them and for the society as a whole, which is counter-productive. And what about our so-called ‘super models’? Are they getting any paid assignments where they earn enough so as to support themselves at least? Are we elevating our "celebrities" up to that level where they become a constant headache for their families? As I have mentioned earlier, the pressure on them to maintain their materialistic standards might even force them into the flesh trade.

And what about the rest of us? There are many things I would like to elaborate here, but so little time. So let me just add these lines - materialistic and worldly desire is the same factor which propels us forwards in sowing the seeds of corruption.

Nevertheless, I am not the sort of person who whines about past mistakes. For I believe that those mistakes were what made me who I am today - a better person. And I have the same hope for my land and its people. I hope that one day we will be able to strike a balance, make full use of our high literacy rate practically for bringing prosperity and reducing corruption to an insignificant level. And I do hope that someday, each one of us will get our priorities right. I am an optimist, and I fully share Rev F Hrangkhuma’s optimism.

A hmingin

2008-11-18T03:50:00.008+05:30

Tunlai chu thatchhiatna namem lovin min tlak buak a, blog pawh a lo chul rup mai alawm. Thla khata vawithum tal post kha ka intiam ve ania(h), a har telh telh dawn a ang khawp mai. Engtin hian nge maw in tih thin bik aw? Awlsam te hian in post ang zung zung a :D . Kei ve chu pakhat lek post tur pawhin nilenga hna thulh thak khawpa ngaihtuah a tul chang a tam mai. Pawng zuam ang ngawt chu a lo ni lo tawp anih hi.

Nimin zing atang khan hritlang leh khawsik in min tlakbuak ve khanglang a. Vawiin pawh nilengin ka mu, zan lamah ka harh ta kur thung. Thiante ho hostel-ah kawr ha mang lova an la awm laiin keichu kawrlum, lukhum leh heater nen ka che ta rap mai. Chuan hei, mut theih loh manah tiin post tur tha deuh ngaihtuah chhuah ka tum a, pathum lai bul ka tan na in, hun leh tha tam tak ka sen hnuah pawh a engamah ka puitlin thei ta hlei lova. Post miah lova han mutsan leh ngawt ka ui deuh bawk si nen, Biak In a thiante ho muthlu thlalak ka collect hi a hmingin kan post ve thuai mai ang e :D . An phalna ka la miah lova (a awm tih pawh an hre kher lovang :D ), min khing ta anih leh ka tuar tlawk tlawk tawh mai ang :P .

Fakna

2008-10-31T18:30:00.002+05:30

Nimin lamah bomb a puah avangin hmun thenkhatah curfew puan a ni a, naktuk hian VHP hovin bandh huaihawt an tum bawk :( . Mahni room a tawm tlawk tlawk a ngai dawn anih hmel, kan tawm hmin em lovang chu maw :D .

Khawnge, tihtur a awm lo em mai, a tangkai lo leh hmasawn lo zawng bawkin thluak in vawrh vir leh dawn chhin teh ang. Tunlai khawvela electronic leh printed media a advertisment (fakna) pawimawh zia kan hre theuh awm e. Tlem a zawng kan ngaihtuah chhuak ve a, fiamthu vek ania, huat awih miah loh :) .

Hnahlan Grape Wine
Total Prohibition dan bawhchhe miah lova ruih i duh chuan, Hnahlan Grape Wine hi i tan liau liau a siam a ni e. Pumna damdawi erawh i ngaihtuah chawp a ngai ang.

SRS
Excise & Narcotics Department hnathawh peih loh thawk tur leh, an sulhnu chhui turin engtiklai pawh a koh theih kan ni. Tin, a thlawnin mi kan vaw hrep thei bawk e.

Party Worker
Nilenga party office a thu hman tur, hnathawk lova eizawng duh party worker tur mamawh a ni a, a rang lamin 'Zoram National Conference' party office-ah dilna thehluh theih a ni. Kohhran lekha thil telin awmzia a nei leu.

Kohhran Upa
Politician/officer sawrkar sum eiruk ching mi i nih chuan Kohhran Upa nih mai loh chu i tan lan mawi ngaihna a awm tawh lo. I sum eiruk hmangin Kohhranah pawnlang takin i la lang mawi thei e. Thlarau chhandamna erawh kan tiam theilo thung.

Anthurium
Mizoram anthurium par tluka mawi leh tha hi a awm lo, officer hausa nupui hovin hneh taka PHE tui supply hmanga an enkawl miau thin avangin.

Sawhthing
Sawhthing quality tha, tui bawk si, a hralhna kan hmu mai thin lo hi i tan vanneihna a ni e. A tawih hma ngeiin rawn lei ve teh khai. A man a tlawm rapthlak!

MHIP
In lama fate kilkawi tha peihlo te tana tlanchhiatna chance remchang. Amaherawhchu, i fate felna leh sualnaah mawh kan phur lovang.

MZP
Zirna/thiamna leh hnathawh a chhuan tur neilo te tana politics khelhna platform awmchhun. Mahse tunlai thangthar ho ngaihsan nih inbeisei suh.

:D :D :D

Z.P.P khawmpui

2008-10-24T02:22:00.004+05:30

Zoram Pawn Presbytery (ZPP) khawmpui vawi 12-na chu October ni 9-12, 2008 khan Guwahati Mizo Presbyterian Kohhran Biak Inah neih a ni a. Thupui 'In kawngte chu chhut ngun rawh u' (Hagaia 1:5) tih chu Upa K Vanlalawna (Bishnupur) leh Upa Lalhuma (Kohima) te hnen atangin ngaihthlak a ni. Tin, pathianni zanah Rev Dr Vanlalnghaka hnen atangin thuchah ngaihthlak a ni bawk. Rorel palai hi an vaiin mi 80 vel bawr an ni. ZPP-ah hian Pastor Bial pathum - Shillong, Guwahati leh Kohima te kan awm mek.

Mahni tawka ka buai ve em avangin kimchang taka report tur pawh ka hre lem lo. Chuvangin thlalak hi i han dah tlar leh thut phawt mai teh ang. Hei pawh hi ka khawn khawm chawp ania, tu te emaw duhthu chu a sam kher lovang ;) .

Inkhawm ban apianga thingpui thlum leh hang in tur lo buatsaihtute hi an fakawm khawp mai. Tar khawmpui ti takah phunchiar fe fe an kat nuk a, naupang khawmpui nena khaikhin chi chu nilo mahse a chhangchhiat thlak ve viau tho. A 'sen hang' leh a 'paw thlum' an siam thin a, pitar pakhat chuan, "A 'sen thlum' leh a 'paw hang' siam tur che u alawm", zu han ti hram a mawle :D .

Motor khalh tu tur indaih hek lo, nalh tak tak a rawn inchei chhuakte pawh kan han inpawt chawp nawk nawk a. Chuta karah a ke a la tlan puak zui! Balh hlau tak leh fimkhur takin motor ke chu thlak a ngai ta si a nih hi :( .

Kan Biak In hi a len lem loh avangin, inchung hall-ah 'big screen' buatsaih a ni a, Inkhawm lai hi live a tihchhuah thin a ni. Projector thawtu Pu Hriata Chhangte leh a camera rawn thawhchhuah pui a, a tul ang ang buaipuitu Pu Thanga Jongte te an fakawm hle.

Ruai theh hun an nih meuh chuan pastorte pawh an in hmuam up reng thei tawh bik lo. Pu Rinmawia pawh a 'intake' a that hmel khawp mai :) .

Ka duty-na reception counter pawh kan buai ve nak nak thei hle. Fatu leh usher hovin tlanchhiat nan an rawn hman thin avangin anni ho hian mikhual aiin min chim buai zawk thin :D .

Receptionist te hi kan thawh nasat thin em avangin, hun awl kan neih hlauh chuan remchang la in hahchawlhna hun atan kan hmang thin :D .

Guwahati Branch Kristian Thalai Pawl member thlalak nuam ti zual bik te :P .

Fatute baka rim hi an awm kher lovang. Mipui ei tur a zawnin ni 4 ngawt an han siam ania(h)! Ni khat lek fatu pawh a hahthlak tehreng nen. Tin, mipuiin 'an rawngbawlna' kan ei tlang ber :D .

Kan Biak In. Pandal te pawh kan zar ve ngei ania aw :) .

Guwahati zaipawl. Zaina hun vawi hnih kan nei thei a, Halleluia Chorus kan lak nawn nen phei kha chuan vawi thum tihna :P .

Tunlai chu

2008-10-14T23:00:00.008+05:30

Zoram Pawn Presbytery (ZPP) lam hawi post kan tum zet a, mahse thlalak tih tlak ka lo neih loh avangin a lehpek atan khek hrih mai teh ang. Camera changkang tak tak kara Nokia 6681, 1.3 MP camera, kum hnih chuang a upa tawh, a keypad pawh ka hmeh bel tlun tawh leh a original rawng khawk nual tawh a, a original lo rawng kai neu nuau a lo click ve chhen kha ka ngam thlawt lo a ni. Post tlak thlalak ka khawn khawm hun atan dahtha tawh mai ang. Nula thlalak te kha a tel ve ngei loh chuan Sekibuhchhuak, Sandman leh hotupa Zorunpuia te ho ngaihdan a ni lo palh thei tlat :)

Tun tum chu lehkhabu chhiar lamah kan pakai ve daih teh ang. Lehkhabu chhiar hi ka peih ve viau. Blog lama chhiar tur suggestion hrang hrang ka hmuh thin te hi ka hlawkpui thin khawp mai. Lehkhabu hi a kawm nalh em vang emaw, chanchinbu lama an fak ngaihnawm em vang emaw a han phek chhiar tawp ai chuan, a lo chhiar tawhte suggestion lak hi a fuh zawk chawk. Chuvangin kum tir atanga ka chhiar tawhte zinga chhiar tlak ni a ka hriat ho ka rawn thehchhuak ve a, a hlawkpui tawk te pawh in lo awm ve mahna :)

Zofate zinkawngah (Zalenna mei a mit tur a ni lo) - R Zamawia
Mizoram Academy of Letters (MAL) in kum 2007-a Book of the Year a an thlan hi nikum November thla atang khan ka chhiar tan a, mahse a inkarah exam a tlakzeh avang leh, phek 1000 chuang zet a chhah anih avangin March thla khan ka chhiar zo thei hram chauh. 'Mizo ka ni' inti chin tan chuan chhiar ngei chi niin ka hria. MNF din tirha Defence Secretary nihna chelhtu Pu R Zamawia hian lehkhabu dang rawn chungin a tir lamah kan history atangin a rawn chhui tan a, MNF movement lo chhuah dan te leh MNF chhungkua a buaina hrang hrang te pawh zep nei lem lovin a rawn ziak teuh mai.

Chutihrualin, awn lam bik a neih (biased) chang a awm zauh zauh. Chhiartuten ngaihdan kan siam thiam mai a tha awm e. He lehkhabuah hi chuan 'Mizo hnam pa' ti a kan chhal Pu Laldenga a HERO lo chiang khawp mai :)

Pasalthate ni hnuhnung - C Lalnunchanga
He lehkhabu ka chhiar zawha ka ngaihtuah zui chu - script writer tha takin sap tawngin han let se, budget tam tawk takin Hollywood director lar takin film-ah siam ta se, Apocalypto hmuhnawm tluk zet khan a hmuhnawm ve ngei ang. Ram inchuh vanga khaw pahnih pasalthate hriamhrei nena mal leh mala an han inhmachhawn vel te kha ka suangtuahna mitthlaah hian a la cham reng mai. Tin, an lal Puilura rilru paukhauh zia leh ropui ziate kha! Pui tak a ni ringawt!! Chhiar ve ngei teh u. 2006 MAL Book of the Year kha a ni e.

Ruam rai thuruk - C Lalnunchanga
Tlaivar thaka ka chhiar peih hi chu lehkhabu nep tak an ni ngai lo. Love story, tragedy lam hawi deuh bawk si, chumi kara ramhuai biak lo inzep tel ve bawk si a ni a, a ngaihnawm ngat ngat khawp mai. Sawi duah lo mai teh ang, chhiar ve ula in hre mai ang :)

The three mistakes of my life - Chetan Bhagat
Sap tawng ka do tihna nilovin, nikum lam atang khan Mizo tawng ziak lehkhabu chhiar tam ka tum avangin sap tawng ziak lehkhabu chhiar ka insum deuh a, mahse Chetan Bhagat a ziak hi chu ka hnar phal ngang lo a ni e. One Night at the Call Center phei kha chu exam dawnah tlaivarin ka chhiar a, a zawngchhang chi loh khawp mai :)

Keimah thingtlangpa - Darrokima
Darrokima thuziak ngaisangtu i nih lem loh chuan ka suggest hauh lo che a, mahse he pa thuziak vawikhat chhiar tawh zawngchhang zui lo hi ka la hre lo! Article hmun hrang hranga a ziah tawh khawnkhawmna a ni a, chhiar hnu pawh i nei nual tawh maithei. Keichu ka chhiar hnu pawh ni mahse, han chhiar nawn leh ila, ka la nuihpui tlawrh tlawrh thei tho. Chutihrualin, he lehkhabu ka chhiar atang hian fiamthu chauh lo pawh a ziakthiam tih kan hre ve leh hnuhnawh a. Lengzemah pawh hian a thuziak a awm chuan ka keu nghal chat zel :) He lehkhabu chhiar hi inchhirna tur pakhatmah a awm love ;)

Tin, tunah hian Dr. C Nunthara lehlin, Jerusalem Countdown ka chhiar mek a, a ngaihnawm chho khawp mai. Chuan Zoram Vartian (Lalhruaitluanga Ralte) leh Ground works for tribal theology in the Mizo context (mi hrang hrang ziah lakkhawm, Rev Rosiamliana Tochhawng, Rev K Lalrinmawia leh Rev LH Rawsea te edit) pawh ka chhiar hun nghakin ka lehkhabu dahna kilah an awm ve ran mai :)

Pikchar kawleksawn

2008-09-28T12:44:00.005+05:30

Mi zawng zawng aia ka hawkdak bik vang pawh a ni maithei, thil maksak leh dangdai deuh hian ka mit hi a la hma khawp mai. Rem leh rem lo pawh sawi set set lo hian thla kan la ve leh thawr mai thin a. Hei, tun tumah pawh tlem a zawng ka rawn chhawpchhuak e.

He bawm, a sen a chinai tah khah luai hi engnge a nih kan hre thei mai em? Lehkhathawn thlakna bawm te pawh a ang deuh roh. Lengpui airport-a 'kang thelhna-cum-bawlhhlawh bawm' anih hi :D . Kangmei chhuak thut ta se a hmantlak a ngem le? A hnung chiahah khian bawlhhlawh bawm lian tha tak chu a awm ve tho na in, he bawm hi hman a nuam zawk pawh a ni mahna :) .

He bus hnunga inziak hi i chhiar thei em? Ferrari hian bus an lo siam thin reng a ni maw? A speed chak lamah erawh chuan a Ferrari na pakhatmah a lang lo :D .

'In kangah bungrua leh pawisa kang ral zawng zawng hlut zawng chu Rs. 2' :D . Nawrh kha an han hrat hmel hlawm asin, 'Bawnghnute Nuar Association' an din vel :D .

'Dilli Haat' zulzuia NEZCC in Guwahati a an siam 'Shilpgram' hi i tlawh ve tawh em? A changtlung ve sawt viau a nia. Mahse hei, vai hovin Mizoram food stall bangah milem an lo ziak risk pek a, a fuh chiah lo deuh. An sakei hi a khi deuh sung a, duh aiin a 'den' lo tlat :D . Tin, an pasaltha sa pel pawh khu fianrial hun hman a thiam hmel khawp mai, ngaihtuahawm tak a ni :D .

'Function Hall' chu ka hmu fo. 'Functional Hall' tak hi chu ka vawikhat hmuhna :) .

Spelling mistakes. Heng ho hi chu misual lamah pawh ka post tawh kha.

Kan ui, an hming hre hrang tawk vel a fing an nih hi :) .

A neitute min chhun a, an han mut tak tak hi chuan hmuh tlak an awm bik lo :D .

Ngaihtuah zui atan

2008-09-23T21:06:00.006+05:30

Sawhthing hralh harsat chhan
Guwahati-a kum li chuang ka awm ve tawh chhung hian sawhthing hi kg khat cheng sawmli (40) aia a tlawm ka la hre lo. Cheng sawmruk (60) a kai chang pawh a tam mai. Hetia Mizoram thenawm state Assam-a a man a sang em em chung hian ‘sawhthing hralhna a awm lo’ tih a ni reng bawk si hi mak ka ti thin khawp mai. :( Hemi chungchang hi Agriculture Department-a thawk ka patea ka ti ti pui a. Sawhthing hralh hi a harsat chhan tam tak awm mahse, a bulpui ber chu, ‘Mizote kan rinawm tawk loh vang a ni’, a ti tlat mai. Rinawmna leh sawhthing market hian engnge inzawmnna an neih le? :)

Ka patea sawi dan chuan, “Sawhthing lei tur hi an awm lo pawh a ni hran lo, company lian tak tak pawh an rawn kal fo. Mahse heng company ho hi chuan mumal tak a thil tih an duh thin a. An sawhthing lei tur reng reng hi a that dan (quality) a zirin ‘grading’ an siam thin. Entirnan, grade sang chu a quality tha hlang, a man pawh to ber tura ngaih a ni. A sawngkawn deuh ho chu grade a hniam anga, a man pawh a tlawm ang. Hetah tak hian kan rinawm lohna a lo lang a, a tha zingah a chhia kan lo pawh ruk duh zel thin avangin min dawrtute kan hnar a, min dawr chhunzawm zel an chak thlawt lo a ni”, a ti. Dik tak maw? Keichu thil ni thei niin ka hre deuh roh! :)

Medal nge pawisa?
Hman deuh khan kan sports minister zahawm tak hian, “Mizote hi football-ah kan than a kin tawh”, a ti tlat in ka hria. Hei hi engvanga sawi nge anih aw? :( Mithenkhat chuan pianphung ngaihtuahin fooball ai chuan combat leh individual sports (boxing, judo, wrestling etc) lam hi bei ngawrh ta ila, kan thlen san zawk an ring. Hei vanga sawi pawh hi a ni maithei. FIFA ranking-ah India a lo sang em em bawk lo nen, a dikna chen pawh a awm ve tho mai.

Heti zawng hian in ngaihtuah daih chin teh ang. Kan infiammite hian national leh international level thleng pawhin medal dawng del dul mahsela chhungkaw chawmna tur pawisa in a zui chuan si loh chuan engnge an tan hlawkna? News a ka hmuh hmeichhe pakhat (Orissa a mi ni ta in ka hria) lawngkar (rowing) a Asia champion nihna te pawh lo hauh thin tawh chu sum leh pai harsat vangin police constable laknaah a intlar ve tawp ringawt. :( Hei vang tak hian infiamna thekhat hi chu sawrkar in a infiammite a chhawmdawl zel loh chuan hmasawn zel a harsatna lai a awm.

Chutihlaiin kan professional footballer te hi sawrkar puihna tel mang lova tun dinhmun thleng thei hi an ni fur tlat. Subroto Cup etc vela an zinna bak kha sawrkar pawisa an tih hek zui ka ring lem lo. India aiawha vawi duailo lo feh chhuak tawh boxer Jenny ai chuan, India senior team a vawikhatmah la khel phak lo S Malsawmtluanga bank account hi a hrisel ka ring zawk mah (ka ring diklo thei tho bawk :) ). Chuvangin ‘medal’ hi ‘pawisa’ in a zui loh chuan hlutna a nei vak em ni?

Ngaihsam
Thutak run zawng hriselna in a lo ngeih lo palh ang, a tawp nan fiamthu :) . Ka ni te inhnuai luahtu vainu khan a rukin bialpa a lo nei ve a. An pa zin hlanin a bialpa chu a lo kal thin a ni awm e. Vawikhat chu ka ni in a lo hmu fuh a, a hau ta. “Pasal nei lai anih hi, lo kal lo kal tawh lo la a tha ang”, a tia. Vaipa chuan, “Ka pi, aman duh chuan pawi lo”, a ti sam ve at. Ngaihsam viau lo maw? :D

Chawhchawrawi

2008-09-09T01:58:00.000+05:30

Kan ram thanmawhbawk dik tak
Patling-a-pumpa, kawl a ni chhuak chiara thawkchhuak ve ziah, ram leh hnam tan a thawktu in ti ve si, party pisa-a khuang beng a mihlim zai nileng leh ringawt thin ho hi kan ram thanmawhbawk dik tak chu in ni e, ka ti ve tlat! Nangni ho hi alawm thawh loh hlawh lak tum a, contract hna in hmuh apiang a tam thei ang ber hlep tum ziah a, sawrkar hnathawk tur an lak dawn apianga political fitness in neih vang liau liau a midang kawng dal thin tute chu. "Tunlai thalaite chu an chu e kha e" min ti ve khanglang maw? Kei ai hian ram leh hnam tan in hlu bik chuang hauh lo. Vote khat nei theuh theuh :D ! Party ruihchilh in bansan a, kut tling lova sum leh pai lakluh hi zah nachang in hriat a, mithiam leh tling zawkte kawng ken nachang in hriat hunah hma te chu kan la sawn ve mahna...

Speed Demons
Hmanni tlai khan tuirial kawngah tlangval hawklak kawngpuia bike intlansiak hovin kan u, bike a zin chhuak tur an lo su pek a. A khingkhangruh dinglam (clavicle) hmun hnihah tliakin tunah hian damdawi inah a la awm mek. A su tu pa pawh hi khum betin a na ve hle bawk. Bike a intlansiak ching ho hi an hnawk ka ti khawp mai. Kar khat vel bawr liam ta mai khan Durtlang kawngah chak lutuk tak maiin pahnih hi an rawn in um chhova. Kawng kawi lai takah taxi an rawn overtake a, ka car brake ding hman lo ila chuan kan insu chiang viau ang. A na tur zawk ka nilo tih kan inngaihtuah leh hnu hian ka lo su thal tawp lo a ni aw :P

Heng kan tlangval tih tur nei lo (nge ti peih lo??!) ho bike lei saktu nu leh pa zawng zawng te u, in fate bike in lei sak chungchangah hian sawi theih pakhatmah ka neilo niin ka in hre thin, ka siki them pawh ka thawh miau loh avangin! Mahse midang tana hnawksak an nih mai bakah, kan pawi an khawih takah chuan sawi ve tur chu ka neiin ka hria. Hman tangkaina tur awm miah lova in fapate lirthei leisak hi engnge a tulna aw? Nge intlansiak tur hrim hrim a tuai hriam in duh :D ?! Chuti a nih si loh chuan khuahkhirh ve deuh teh u, mi pawi an khawih leh hma hian. Tin, ka tlangval puite u, chawmhlawm in la nih chuan inthlahrun nachang hria ula, in speed han ti hniam ve deuh teh u khai.

Hmeichhiate u, lawm ula; Mipate u, lawmthu sawi rawh u
Kar hmasa khan kan vawkpuiin no a nei leh a, a vawithumna a ni ta. A hmasa tum hnih kha chuan pakua ve ve a nei a, mahse tun tum chu a zak deuh nge mawni, pasarih chiah a sang chhuak. Nau chharnaah hian ka va in bawrti ve a, mahse a puiin min lo ngaina aw zawng lo mai. Kei aiin tualchher nau chhar thiam ka nu a ring tlat zawk kha chu ka la na ve lek lek. :)

Ti hian ka ngaihtuah ta a. Hmeichhe ho hian vawikhat raiah hian pakua te hi han pai ve thuih mai ula a buaithlak duh awm. Nau vei lai / nau nei lai hi ngaia nei tur khawpa tam ka hmu ve ta. Nula lam chuan in la hrethiam chiah lo maithei, mahse pakhat lek sang chhuak tur pawh hian thih tha a tan lak tak meuh meuh a ngai ania. Harsa tak a pathum san chhuah hnuah pawh, "Tang rawh, tang rawh, a tam berah panga bak an awm tawh lovang", tiin a mawng lam atang hian nau chhartu hi rawn au lauh lauh mai sela chuan a manganthlak duh viau ang. Nau pakhat lek lek (phir te chu awm ve zeuh zeuh mahse) a in pai thin avang hian hmeichhiate u, lawm rawh u! Tin, mipate u, nau pai tur zawka Pathian serh hran in nih loh avang ringawt pawh hian lawmthu sawi mawlh mawlh teh u. :D

Khanghu kung atangin ka tla lo
Ka unaupa RTPA zarah insawifiah a ngai leh ta tlat mai. RTPA hian an nu aia chungnun zawkna pakhat chiah a nei; chu chu a thu zep theihlohna hi a ni. Thil ri deuh feih feih a lo hriat laklawh tawh hi chuan khapbeh zawh rual a ni lo. A zeldinthubawlna thluak chak tak mai hian amah mai bakah a bul vela mi te hi a lo phul pui leh chiam thin. Mahse hei vang ngawt hian thaibawih chu kan ti bik miah lo. Rawngbawlte chu a tet lai atanga nuam a tih tawh ania, insukte pawh hi hun awl hnawhkhahna tha tak a ni tih a hriatna a rei tawh. Inchhung phiah faite lek lek, hriselna in a ngeih rapthlak. :D

Awle, khami ni a thil thleng dik tak chu hetiang hi a ni e. Huana chingit kung ka zawng chu lamkhuang tawih rap palhin ka tawlhthlu hlauh mai. Ka tlukna lamah nimbu kung ka delh a, kawr ka lo ha silova, a na duh khawp mai. Kan kawmthlangte pawnah awm lo phei sela chuan ka te chhuak chiam ang. :)

Thil ho kawleksawn - Part 2

2008-08-16T01:33:00.019+05:30

Thil ho kawleksawn kha in chhunzawm leh teh ang.

Vawikhat chu ka thianpa nen damlo kan buaipui a. A tlangpuiin Mizoram atanga lo kal te hi vai tawng (Hindi) an thiam thin loh avangin anni pawh chu chutiang tho turah chuan kan ngai ve ngawt a. Damdawiin a kan hruainaah chuan ka thianpa nen chuan Hindi broken deuh deuh, kan thiam chun chun thing ve fe fe chu vaiho biak nan inti thiam fahran hian kan hmang ve chen a. "Thiam min ti ve ngawt ang", ka ti rilru deuh rauh rauh reng a. Mahse a hnuah a damlo rawn kalpuitu, a nupui chu Hindi teacher a ni tih kan han hre hnuhnawh leh mai chu, zahthlak duh chem chem khawp mai. :(

Nikum Synod khawmpui lai khan ka pa phone ringtone-ah Vanlalpianga hla "Chhaste nen" tih kha ka nauten an lo dah sak pek a. Pa haihawt tih takah a switch off theihnghilh hlauh mai a, rorel inkhawm lai chuan a rawn ri ta. Chuta karah a phone ahna ipte a la dap fuh lawk thei lo zui, rei fe a zai hman a ni awm e. Synod khawmpuina a Vanlalpianga zai vawikhatna a nih mai hmel. :D

Durtlang kawng an siamthat hma khan tlai khat chu kawng kawi laiah truck nen lai angreng tak hian kan in tawk a. Ka hma a taxi driver chuan truck driver, vaipa hnenah chuan vai tawng thing lutuk hian "Chalo, chalo" a han ti ve chhen a. Truck driver vaipa chu a insum thei ta ngang lo ni ngei tur a ni, lusei tawng pai hlek lo hian, "Ngawi rawh, a la kal theih loh anih hi", an rawn ti chiah mai chu insum a har duh teh asin. :D

Kan veng a chhungkaw pakhat pawh chhung inkhawmnaah an fapa kum nga mi chu hla thlang turin an ti a. A ni chuan 'Rose par rimtui' kha a thlang tlat mai. A pa chuan, "A awm lo em mai", an ti dek dek chu a pu (naupang pa pa) chuan, "In fate thil in zirtir ngai lo lutuk a, awm leh awm lo pawh an hre tawh lo anih hi. 'Rose par rimtui' chu kan sa ang", a ti mauh mai a. Tichuan 'Rose par rimtui' chu chhung inkhawmnaah an sa ta a ni awm e. :)

Ka ni pasal pawh hi an haihawt ve laileng khawp a. Vawikhat a inkhawm hruai pawh, "Tunah chuan zaipawl", an ti chu an zai tawh tih a hrechhuak leh hnuhnawh bawk si a. "Tunah chuan zaipawl.......zai tur a kan sawm tawh avangin kan sawm nawn tawh lo mai ang a......." :D

Khawlum tawrh dan

2008-08-09T01:02:00.011+05:30

Independence Day a hnai tih vang ngawt a khua an lum ta em em mai hi chu hriatthiam har ka ti ngawih ngawih. Hman deuh khan Khaw lum hi tih ka post tawh bawk a, tun tum chu khawlum tawrh dan method hrang hrang, hlawhtling taka ka lo hman thin tawh te tlem a zawng kan theh a nge.

Awm mai mai tur
Khawlum ni hi chuan awm mai mai ila a hahdam. Duhthusamah phei chuan fan / AC hnuaiah mu nileng zak ila a lum dan a nep duh khawp mai :D. Kan hnathawh pangngai leh tih tur pawimawh kan neih te tih loh hi chu ni dang a tihah khek ila a fin thlak. A bikin bazar kal, thiante in a len tih vel te phei chu kan thi dawn te a nih lem loh chuan ka dah pawimawh lo khawp mai. Tin, inah kan awm anih pawhin che sek lovin kil khatah thu ngawi hle hle ila a lum dan hi a ziaawm ve deuh chuan ka hria. Loh theih lova chhuah a ngai anih chuan tui in lawk teuh bawk tur.

Bengchhen lo tur
Khawlum leh bengchheng hi thil inhmehah ka ngai thei thlawt lo, vanram leh meidil ang vel a ni (ka tehkhin ber kher chu a fuh chiah em aw? :D) Nilo, ui leh kel thlun pawlh ang vel a ni (a la dik ta chuang lo :D) Khawlum ni hi chuan thin a chhe tel duh viau. Chuta kara bengchheng an awm leh ngat phei chuan thil hi a dik tak tak thei tawh thin lo. Rilru fim hman a har, ngaihtuahna hi a tawi deuh tup hian a hriat a. Chumi chawk khawlo zawnga rawn che an awm phei hi chuan zaidamna hian a daih tak tak tawh thin lo a ni e.

Sa ei tlem rawh
He thil hi chu scientific basis nei a ni e. 'Sa' han tih hian a bikin vawksa hi a tha lo lehzual. Sa ei hian kan taksa metabolic rate a ti sang a, chu chuan lum (heat) a siam hnem bik. I awih lo anih chuan khawlum zual ni in vawksa han ei chhin mah teh. I ei zawh atanga rei lo teah a lum zual bikin i hre ngei ang. Bakah thau (fats) lam ai chuan thlai leh thei ei hnem hi a tha hrim hrim. Khawlum ni phei chuan thlan a chhuak hnem a, kan taksa in tui a hloh (water loss) kha hnawhkhah (replace) leh ngei ngei tur a ni.

Beer vawt
Khaw lum (hic) lai chuan (hic hic) beer vawt (a mizo tawng chuan 'Chil Beer') tluka tha (hic) hi a awm dawn emaw ni le? (hic hic) Ka irhfiak nasa em mai (hic) duhtawk phawt (hic) mai teh ang (hic). :D

Vawksa siam dan : kan hostel ish-tyle

2008-08-04T00:18:00.008+05:30

Tun tum chu vawksa siam dan - kan hostel ish-tyle kan sep rawtui dawn chhin teh ang. He thil hi khawi cooking class mah a an la zirtir ngai loh, recipe leh cook book tih vel pawh a la ziah lan loh (hria pawh ni se an telh duh kher lovang..lol), kan hostel bikah phei chuan 'inthlahchhawn thil' ni hial a kan ngaih leh kan roh em em a ni a. Hetia kan ziak ta mai hi thiante hovin pawi an ti em lovang chu maw!

A hmasa berin a ei tur zat a zirin vawksa hi lei tur a ni. Hetah hi chuan kan Assamese thianpa Bora principle, mi pakhat pum chhungah vawksa pava khat (250 grams) tal a awm tur a ni' tih hi kan hmang deuh ber. Sa chu i sil zawhah pressure cooker tawl ve tawh tak, phit tha hlei thei tawh lovah dah la, tui tlem te nen heater-ah i chhuang ang. Gas stove a herh san leh herh hniam vel hian a nih tur ang a nih tir loh theih avangin heater hi kan duh deuh kher thin.

A thlak pawlh tur hi a sa tam leh tlemin a hril lem lo. A variety thei ang ber cheng sawm (Rs.10) man a ni tawp mai. Purun sen pum 3-4, prun var 2, sawhthing kezungpui tiat vel, hmarcha tlem a zawng leh tomato pum 3 vel a ni tlangpui. Chu chu i chan sawm anga, newspaper hluiah a hnuai a mi ang khuan i rem thlap ang. Hetah hian 'feng-shui' tlem a tel avangin duh duh dan a rem a thiang lo. Newspaper heading khan i vawksa leina dawr lam kha a hawi tur a ni a, sawhthing leh tomato hel hi a inhlat thei ang ber a dah ngei ngei bawk tur.

Tin, newspaper hi a nazawng hman ngawt theih a ni lo. Newspaper-ah chuan vaipa lem a chuang ngei ngei tur a ni a, chumi bul chiahah chuan purun sen chan sawm sa kha i dah ang. Vaipa lem chuang i hmu zo ngang lo anih chuan editorial page kha i hmang dawn nia. Engvang kher nge kan tih chuan, feng-shui vang a ni, tih bak ka sawi thei bik lo.

Sa chu a tui a so kang vek thleng i nghak ang a. A tel a rawn chhuah a, a in er tan veleh tomato tih lo a dang zawng kha a rualin i thlak ang.

Tomato thlak hun tak hi a pawimawh bawn tawp. Khatia tomato tih loh, a dang zawng i thlak veleh khan rang lutuk si lo, muang lutuk bawk si lovin i mit dinglam kha vawi thum i siai tur a ni. Veilam siai kan remti thak lo! Dinglam i siai thiam lo anih chuan vawi thum i khawng-khaw-bai auh auh thung ang. Chumi chu bahlah miah lova i tih zawh veleh tomato chu lungmuang takin i thlak thei tawh ang.

Han chawh leh deuh bawrh bawrh pahin chi tlem i telh ang a, chuan tomato a kawi vek thleng i chhuang leh dawn nia. A mawng a kan duh deuh avangin chawh uluk a ngai. Chu zawng chu a ni mai kan chhuan leh ngaih hlut em em, kan hostel (hostel no. 4) a awm tawh phawt chuan an thiam ngei ngei tur a kan ngaih, "vawksa - kan hostel ish-tyle" a siam dan chu.

Kan hotute ngaihpawimawh

2008-07-25T17:43:00.001+05:30

Kan ram hruaitute thil ngaihpawimawh ni a ka hriat a indawtin kan tarlang dawn chhin a nge.

Election lo awm tur
An vua leh vangte sawrkar hna a thun
Party mi leh sate contract hna hmuhsak
Synod
Anthurium
Chief guest a tanna tur leh eng ilo hawn tur
Helho tih lawm
An hlawh tihpun dan tur
BAFFACOS
An huan a thlam tha tak sak

Thingtlang mipui

Stadium sak

Sawhthing

Thalaite hmakhua

Ai-eng

ILP

Medical & Engineering college

Mautam

Hydel project

Sawrkar hmasa hna thawh sa chhunzawm

Thil ho kawleksawn

2008-07-18T15:40:00.010+05:30

Nizan ka lehkha zir chu ka hlawk lo hle mai. Darkar thum chuang ngawt thil ho tak tak ngaihtuah in ka hun ka khawhral a. Ka zirlaiah nuihzathlak a awm loh teh reng nen, lehkhabu bih ngur ngur chungin ka nui leh tut tut thin. Ka 'concentration' that lohna lamah hian ka 'concentrate' thei ang reng fu bawk si a, tangkaina a nei tam lo khawp mai.

Ka thil ngaihtuah chhuah te chu tlem a zawng kan thai chhuak chhin teh ang.

Kum sawm chuang kal ta khan ka nu nen West Phaileng a kan ram / huan en turin kan kal a. Kawng laklawhah ka ek a chhuak ta tlat mai. Ip reng thei ta lo chu inthiar turin kawng thlang lamah ka liam thla ta. Remchanglai ni a ka hriatah chuan tan hmun kan siam rem a, kan e tan ta. Mahse rei pawh a ral hmain thil engemawni hian na lutuk in ka mawngtamah tak mai chuan a rawn seh ta thut mai, thluak hi a fan cho nghal raih raih hian a hriat a. Kan en chhian nak chuan taivang bu hi ka lo ek khum chu niin, ka inthiarfihlim rang teh asin!

Nikum kum hlui thlah zan khan nula pakhatin an thiante in a hmang ho tura min rawn sawm ve mial avangin ka thianpa nen kan thawk chhuak ve a. Motor park-na tur a rem vak loh avangin gate bulah, motor dang chhuahna tur dal tawk vel chiah hian ka dah a. Zing darkhat rik dawnah chuan min sawmtute chu haw an duh ta. An motor chhuahna tur ka dal avangin ka motor dah sawn kan tum chu chahbi ka hmu zo ta reng reng lo mai. Anni an hmanhmawh tawh bawk si, kei lah in a ngaihna ka hre tawh bawk si lo. Tichuan motor tukverhah chuan ka va dak dek dek a, ka hlauh ang ngeiin chahbi chu a chhungah ka lo kalh hnan a. A chet 'scoring' loh theih tiah tiah khawp mai.

Pa haihawt leh mi hai ching tak ka nih hi ka pha hauh lo, chhun tur ka nei tha em bawk a tin a ni! Ka pa pawh vawi khat chu lungphunnaah a kal ve a. Hunserh an hman zawh chuan chhungkaw nu ber (a lungphun tu nu ti mai ang) chuan a rawn chibai a, ka pa chuan in ti bengvar fahran hian, "I dam maw? I lo kal ve thei a ni maw", an ti hah maiah!

Ka pi (ka pa nu) thih kha ka hre pha chiah lo nang a, thil nuihzathlak tak mai an sawi hriat reng ka la nei. Pu Kawla (Late, Chhama pu) damdawiin a inentir haw lam hian a rawn ral ve a. A kekawr ipte a zen mual mual a, a inentirna payment receipt chu pawisa emaw tiin ka nu kutah a hlan ve zan. In a thlen hnu chuan a han in hrechhuak leh hnuhnawh a, a receipt chu cheng 50 in a rawn thleng leh a ni awm e.

GNRC Hospital-ah damlo riah pui ngai an awm tumin U Joseph-a nen zankhat chu kan va thawkchhuak ve a. A damlo ICU-a a awm daih avangin visitors lounge-ah kan thu tlaivar thak a. Khawvar dawn lampangah ka ek chhuak chuan mi a tur tan ta. Ham bui bui chung chuan ek in lam ka pan phei a, a ruak zawk ni a ka hriatah chuan kan lut ve tawp a. Mahse a ek bel chuan mawng hi a khuap zo tlat lo, te deuh riau hian ka hria a. Ka e kham kawngka kan hawng chiah chu nutling pahnih hian mak tih hmel fe hian min lo en a. Kawngka khar pahin "LADIES" tih inziak kan hmu thut mai chu ka phu chiang mai mai a nia aw!

U Joseph-a hi hnathawk tawh, in luah a awm ve a nia. A in luahna bul lawkah hian kan thiante tho, nula pahnih lehkha zirlai hi an awm ve thin a. Khaw lum zual laiin zan khat chu current a awm lova, an mu thei bawk si lo chu nula pakhat zawk nen chuan an in bul kawngpuiah chuan an vei chhuak mai mai a. Gate a an lut leh tur chu police patrol ho in an rawn hmu fuh ta, engmah pawh sawi hman lovin an gypsy-ah chuan an nam lut nghal nawk nawk a. A tuk zing khawvar rualin an rawn chhuah ve leh ta thova. "Eng case in nge an man che u?" ti a kan zawh chuan, "Mi hur case in", an ti lauh lauh thin.

Guwahati hi a bikin zan lamah police ho an strict zual deuh avangin fimkhur a ngai khawp mai. 2006 World Cup lai khan kan thiante pahnih, mi in a en tura an kal pawh police in an lo man a. Inkhel en tura an thiante in a kal tum an nih thu an han hrilh chuan police ho chuan, "E, chutia inkhel in en duh te chuan thana-ah TV kan nei alawm", tiin thana lamah an hruai phei a. Black & white TV, a hmai kutphat tiat vel a hlai hi lock-up bar phen atangin an en tir ve a ni awm e.

Kan sande sikul zirlai sawihonaah vawikhat chu pa pakhat hian an sawi pawlh chiang mai mai asin. "Isua pian hun lai a beram pute pawh kha an lo fing awm teh e. Arsi an hmu a zui ngawt nachang an hria te kha a mak ngawt mai", an rawn ti ve ngawt pek a. A sawi pawlh/sawi sual tih a la in hre lo zui. Upa pakhat in a rawn tlip mawi sak ringawt.

Thla hmasa atang khan MST chuan Guwahati-ah AC Bus a tlan tan tir ve ta. A chuan man pawh a pangngai ai chuan a sang deuh . Mahse (mahse tih ziah a ngai hi a hahthlak) duhthu a sam lo khawp mai. Bus te chi a nia, keini ang palian deuh chu chuan a hahthlak dawn tlat. 'Ho ber of the year' chu hei hi a ni e - a driver in AC a ON tha duh lo! AC ON chuan bus a tlan chak thei lo a ti. Lolzzzzzzz.....

Kar hmasa khan ka khawlah hrik a lut ve a ka buai phah hrep. Ka tih thin angin weekend-ah pawh ka post hman ta lo. Tin, thla tharah exam ka neih dawn avangin hei bak chu ka post tawh hrih lovang.

You know you're in Mizoram when...(Part 2)

2008-07-05T15:54:00.021+05:30

(Part 1 of this post can be found on The Chhamanator blog)

The Chief Minister is the self proclaimed unofficial spokesman of the state, who likes to comment on anything and everything without pondering upon the consequences.

A great majority of people living in the bigger towns are more concerned about owning a vehicle, rather than a land and a house to call their own.

Taking into consideration the per capita income, people have the latest and trendiest mobile phones.

Bamboo flowering becomes a great source of corruption.

Pastors distribute food to famine victims, while politicians are busy spreading the gospel.

Per capita consumption of tobacco is the highest in the country, and could possibly be the highest in the whole world.

Roads are repaired only during election years.

A quintal bag of rice weighs only 75 kilos.

A few number of below poverty line (BPL) families own a fridge, a television set, and sometimes even a second-hand jeep.

Certain Laws and Acts become insignificant / inapplicable to a certain section of the population (read MLTP Act etc.).

Vairam

2008-06-28T17:00:00.004+05:30

Vairam dung leh vang hi a zau khawp mai. Hei vang tak hian chhim leh hmar, chhak leh thlang a cheng mipuite hi an hmelah te, an vunrawng leh pianhmangah te, an duhzawng te, an nunphung leh khawsak dan te, leh a behbawm thil vel hrim hrim pawh hi a in anglo thin hle.

Amaherawhchu, vairam khawi hmun pawh nisela, thil danglam ngailo leh hmun tin a in ang hi zu han awm ve tlat a mawle!!

Please do not touch the what??!! Hetiang hi chu ziah loh nen a thuhmun reng.

Paan dawr.. I kal pel palh hlauh anih pawhin pen sawm pen la a dang a lo awm leh mai ang.

Sawrkar damdawi in thawl tak hi thil vang pawl tak chu a ni ve ngei ang..

Tui lian (a tam zawkah chuan waterlogging) hi vairam ti famkimtu pakhat.

Chawhmeh hi kan tih dan angin an "chhep" satliah ve mai lo.

Hetiang "motor" hian vairam kawngah chuan thu an nei ber.

A chhungah kan in hnawh hung tawh bik lo ania.

A serh zinga a mei ang..Cho-ak.

Vairamah chuan vaiho hi an lo tam ber mai.

Kan hostel chaw

2008-06-20T20:19:00.013+05:30

Thla khatah chaw man atan cheng zasarih chawi ziah ta la, i chaw dawn chu eitlak ta silo se, i lungawi thei a ngem? I lungawi thei anih chuan, mifel leh dawhthei tawpkhawk i nih vek loh pawhin, mipangngai chiah lo, mahni tan a pawi tur leh pawi lo tur pawh thliar hrang thiamlo i ni ngei ang.

Ni e, cheng zasarih chuan chaw tha lutuk ka beisei hran lo. Thla thum kalta thleng phei kha chuan cheng zaruk chauh kan chawi thin. An han tihsan hnu pawh hian hmasawnna engmah hmuh tur (‘taste’ tur a ni zawk mah mah maithei) a awm thlawt lo. Dailuah a dal ngaiin a la dal a, chaw a hum tam ngaiin a la tam a, arsa leh sangha ‘them’ lah a la len phah bawk hek lo. Mai kan, ban chuang si lo kar a alu thlan duk duk reng pawh hi a hneawm ve ta bawk e.

Kan hostel menu pawh hi a ropui hranpa ve hrim hrim asin. Thil variety lutuk chihnih (2) thlan tur a awm. Chungte chu – a ‘var’ leh a ‘eng’ te an ni. Chaw (buhfai) hi a ‘var’ a, a bak zawng chu a ‘eng’. Arsa a eng a, sangha a eng a, sa ei lo (vegetarian) ho tan a siam bik paneer pawh a eng a, bean leh antam te thleng hian zu han kang eng thiam a mawle.

Thianpa Francis-a (of Vety daktawr) tawngkam takin, kan hostel chaw hi chuan han tawngtai sak pawh hi a phu thlawt lo. A inthlahrun awm tlat. Han tawngtai ve pawh ni ila, ‘Kan taksa tan malsawmnaah lo chan tir ang che’, tih kha a ngai dawn sia, rinna chau deuh hlek keini ang tan chuan a ruk takin a awihawm loh duh thin khawp mai. A lehlamah chuan, thahnemngai tak a ka lo hlan ve ziah thin vang te pawh a ni mahna, ka taksa hian a la chhiatpui em em bik lo. Thil tha lo deuh erawh chu vawksa ka ei tam phah. Kan hostel bul lawkah hian lei theihin a awm reng bawk si a, a tha lo angreng khawp mai. ‘Medical student discount’ te an la pe ta deuh deuh a.

Ka lungawi loh nachhan ber chu hei hi a ni. Kan hostel-ah hian boarder 180 vel kan awm. Cheng zasarih theuh kan vawmkhawm chuan thla khatah cheng nuaikhat singhnih leh sangruk (Rs. 1,26,000) bawr vel a lut ang. Mess secretary lo ni tawh ka senior pakhatin a min hrilh dan chuan, “Cheng singkua (90,000) hi chuan pangngai takin thla khat chhung chu a ‘run’ theih”, a ti. A hun lai kha chuan a ziaawm reng bawk a. Mahse tun a mi hma chhiah khan thla kua (9) a ‘run’ hnu in bike thar a lei hem mai. Chumi hma leh deuh a mi chuan thla li (4) a ‘run’ a, fridge thar a lei ve bawk. Mahse an zak lem lo. Mess secretary nih hi an inchuh viau thin reng bawk a.

Kan ramah hian eirukna (corruption) kan zir tanna hi a level a lo hniam angreng khawp mai, tih te chu riltam teuh chung chuan ka ngaihtuah ta vel mai mai a.

Tam a hnem lo ve chiang ania aw!!

Kan mess hall

My refuge!! Kan hostel bul vawksa zawrhna

Traits required to succeed in politics

2008-06-15T21:44:00.007+05:30

Read the topic very carefully. Its “traits required to succeed in politics”, and not “traits required to be a good politician”. A successful politician is not necessarily a good politician, and a good politician does not necessarily find success in politics. So, do not expect to find any ‘moral’ stuffs in this post. Also, any resemblance of the under-described qualities with a real life politician is unintended and purely coincidental. Duh?!!

Worship thy master
This is the single most important trait of a successful politician. Your party president is your supreme master. Worship him, pamper him with praises, and never question his leadership abilities or get on to his nerves. It has been proven time and again that rebels in politics usually do not make it big, or as a matter of fact, they hardly survive long enough to ever make it big, except for some rare ones. Forget your conscience, just blindly follow him and stick to him like glue as long as he is the boss.

Tell lies with a straight face
A successful politician is one who can constantly lie with a straight face. Lying plays a big part in politics, especially during elections. One has to make empty promises and commitments which will never be fulfilled, and this has to be done with a very convincing face. Nose rubs, scratchy heads and avoiding eye contacts just wouldn’t do. Be very very confident when you tell lies.

Blame others for your mistakes
A politician is not entitled to commit mistakes, not even an honest one. Always remember that your rivals are ever ready to pounce on you and tear you apart like a pack of wild carnivores even at the slightest of mistakes. In case you accidentally commit one, then be ready with detailed excuses, alibis and scapegoats. There is a saying which goes like this - “To err is human, but to blame it on others is the job of a politician”. That sums it all quite nicely. Need I say more?

Distribute public money...directly to the public
Another way to stabilize your career in the political sphere is to distribute public money directly to the public itself. Never mind how and where it’s spent, just make sure that you benefit from it. Money can be put into great use for buying votes, wooing opposition party workers and to garner the support of various students’ organizations.

Criticize your opponents
The main purpose of an opposition bench in the parliament / state assembly is not only to check the wrong doings of the ruling party, but also to criticize and crucify even the good ones. If you happen to be in the ruling party, the opposition becomes the reason for every project gone bad. So, never ever leave the chance to criticize your opponents, whether you are in the ruling party or in the opposition.

Aizawl khawpuiah - Infiamna thar

2008-06-07T23:38:00.003+05:30

Mizote hian infiamna (sports) kan uar viau. Amaherawhchu, infrastructure tha kan neih miau loh avangin hma kan sawn muang thung. Mi fate chuan carpet ang mai a mam a hockey an khelh laiin, keini ve chuan kan la vaw khu tulh tulh a. Kan footballer te pawh an skill tuaihriam lam aiin chirh diak pal chak lamah hma an sawn chak zawk. Chuvangin hmasawn theih lohna lam tih ve phet ai chuan, kan Aizawl khawpui pumpui hi infiamna, hma kan sawn theihna tur ang chi atan hman tangkai dan tur in ngaihtuah chhin teh ang.

Bike racing

Kawng zim leh kawi em em bawk si kan nei sa. Chuan tlangval chawmhlawm leh tih tur nei lem lo, bike changkang leh nalh tak tak a ‘modi’ tam tak an awm leh. Bike racing tan nan a bak mamawh kan nei tawh lo. Kan tlangval te hi intlansiak chak in an ter et et reng bawk si a, han fuihpawh hranpa pawh an ngai tawh lovang. Chumai bakah dan ang thlapa thil kan tih dawn avangin, police hlauhna nei miah lovin an intlansiak thei tawh dawn a ni. A tihmuhnawm zual turin traffic jam zual lai ngeiin kan han ti zui bawk anga, a va ropui dawn tak em!

Bike racing ('street racing' te pawh a tih theih tho mai) hi category hnihah kan then ang.

Individual – A khalhtu chauh a ni ang a, a hnungah passenger phurh phal a ni lovang.
Double – Hei hi nula phur chungin a ni ang. Amaherawhchu, an nula phurh te mawng er leh er lohvin kawngro a sut takin, an mawng er theih chin tawk kan bituk sak ang.

Tichuan an intlansiak dan tur chu hetiang hian in duang chhin teh ang. Zemabawk helipad hnuai atangin an tlan tan a ang a, an tan hma hian tui bottle khat theuh an in zo tur a ni. Check point number 1 chu Zarkawt ni ta sela. Hetah hian kuhva hring, chinai tel lo an ei ang. Chuan an tlan leh char char ang a, check point number 2 chu Kulikawn a ni leh ang. Kulikawn-ah hian chinai tlem pir kan phalsak ang. Tichuan an rawn tlan kir leh char char ang a, an tlan tan hma a an tui in khan an zun a lo tichhuak vel chiah tawh bawk ang a, check point number 3, Chaltlang chawhmeh bazar bulah an zung ngei ngei tur a ni. Zun chhuak lo chu kan disqualify nghal hmak ang. Finishing line chu Zemabawk helipad hnuai bawk kha a ni dawn a ni.

Hlawh a hranpa a pek pawh an ngai kher lovang. Police ven thawn tur awm bawk silova an bike chak tak tak a han khalh velna hun kan siamsak kha an lawm tawk viau turah ka ngai. Tin, kan tlangval te hi thawchhuah nei lem lo, ‘khawi maw’ pai reng an nih avangin, kuhva hring kan khilai nghal bawk dawn tihna a ni

Second hand shaking competition

Second hand tam tak mamawh anih avangin, second hand khawpui Aizawl bak a hmun remchang a vang viau ang. Mipa lam tel theih pawh ti mah ila, kan Mizo hmeichhia te hi han el phak rual an ni lo tih hre chiang em em tu, mipa lam hi an lo tel ngam ka ring chiah lo. Chuvangin, hmeichhe tan chauh tih nghal law law kha a tha mai in ka hria.

Second hand hmanga kan infiam dan tur chu hetiang hian nise. Second hand kha a buk inzat chiahin hmun sawmhnih velah kan chhep ang a, tah chuan a inzat theuhin, a hma a teddy bear lem awm emaw, kawrkilh pali nei emaw, kekawrte rose par chuang emaw te kha kan chhep ral leh ang. Uluk takin kan chawhpawlh leh vek ang. Chu chu kan contestants te khan an in thin chhuah siak tawh mai dawn a ni.

He infiamna hi a senso a awm anih pawhin, Aizawl nu ho second hand atchilh zia ka ngaihuah hian sponsor hmuh ka huphurh hauh lo. A lawmman tur pawh hi second hand bawk kha kan sem leh nghal mai dawn a ni.

Spot a celebrity

A game a simple viau, mahse a hahthlak deuh maithei. Contestants te digital camera satliah ve tak kan pe theuh ang a, tichuan a hun leh hmun tiam chhung a celebrity te thla lak pui hnem ber kha pakhatna a ni mai dawn a ni. Amaherawhchu, mahni chhung hnai leh thian tha celebrity te chu pawm a ni lovang.

Tin, mipui hriat loh a kan tih a ngai ang. Anih loh chuan kan celebrity te an rawn inlar nasa lutuk anga, a game a awl lutuk phah thei tlat. A lawmman tur hi tha ve deuh hlek pawh a tih theih ka ring. A vang chu kan celebrity te vek hian sponsor an chak zek zek awm sia.

Duhtawk phawt teh ang. Nang leh kei hi kan ho lutuk dawn tlat. Hun remchangah kan la chhunzawm leh dawn nia.

Ka tam bik lovang

2008-06-01T23:12:00.000+05:30

Mihringte hian he khawvel a hun reilote kan neih hi kan phak ang tawk tawk a nuamin hman kan tum theuh a. Kan pian tirh ata kan nu leh pa te kan tanghma haiin, kan hrehawm hlauvin an hmanhlel thin. Mahse naupang mawl kha tleirawl luhlulna in a chhunzawm a, helna ringawt kan rilruah a awm thung si. Chutiang a nu leh pa te nen a kum sawmhnih emaw vel inbakkaih renga kan awm hnu chuan kan han harhchhuak leh hnuhnawh a, mahse khua kan tlai zo tawh thin a ni.

Hemi bakah hian vanduaina leh rawlkhawlhna vang hrim hrim pawh a tum ram thleng zo lo kan awm ve chawk bawk. Chu chu tu chungah pawh thleng thei anih avangin inring reng a kan awm a tul. Thil pakhat tum kan neih rual hian innghahna tur dang kan neih hi a pawimawh. Kei pawh hi ka zirlai a sukuk ta hlauh a, ka tum ang ka ni pha ta lo anih pawhin, tih thil thuah a hnuaia thlalak ami ho ang hian ka eizawn theihna tur ang chi kan dap kual ve chin a. Engpawh ka chungah lo thleng se, val hi ka tam bik lovang!!!

Cycle-rickshaw driver

A aia changkang deuh, auto-rickshaw

Chai dukaan

Paan dukaan

I hria em?

2008-05-29T03:27:00.005+05:30

Kan thalai chanchinbu "Thalai Aw" editor exam a neih avangin ka chhawk a ngai si a, ka article post tum pawh ka la zo thei lo. Chanchinbu a chhuah tur internet a ka zawnna lamah eng eng emaw ka hai chhuak a, ka rawn post ta mai. Ka hriat hnu a awm nual a, mahse thenkhat ka la hriat ngai miah loh leh ka lo chik ngai lem loh pawh a awm ve nual mai.

Baptistu Johana leh Isua te kha an lo inchhung hnai khawp mai. Tunlai tawng tak chuan ‘second cousin’ an ni.

Isua khan pianpui unau mipa pali leh hmeichhe pahnih a nei a. Marka bung 6:3 a a lan dan chuan, a unau mipa te chu Jakoba, Josea, Juda leh Simona te an ni.

Goliatha kha feet kua (9) zet a sang niin an sawi.

“Bible” tih hi Grik thumal “Biblia” tih atang a lak a ni a, “lehkhabu” tihna a ni. Biblia lo chhuahna chu “Byblos” a ni leh a. Hei hi lawng chawlhna hmun, hmanlai Grik hovin lehkhapuan an lakna thin a ni. Lebanon vel bawr a awm khu niin mi thiamte chuan an ring.

Bible hi tawng pathum - Hebrai, Aramaik leh Grik tawng te in, khawmual pathum - Asia, Africa leh Europe-ah te ziah a ni.

Tun a kan hman lai mek Bible hi a hmasa ber chu Council of Hippo in kum 393 AD-a a pawm a ni.

John Wycliffe-a leh John Purvey-a te’n kum 1388 khan Bible hi saptawng (English) in an let.

Bible a thumal sei ber chu “Maher-salal-has-baza” (Isaia 8:1) hi a ni.

“Do not be afraid” (Duhlian tawng chuan ‘hlau suh’ tihna a ni thei ang chu) tih hi vawi 365 Bible-ah hian a lang a. Kum khat a ni awm zat nen a in ang chiah a, nitin vawi khat theuh in a sem rual theih tihna a nih chu.

Bible-ah hian “Kristian” (Christian) tih thumal hi hmun thumah chauh hmuh tur a awm. Chungte chu - Tirhkohte Thiltih 11:26 leh 26:28, leh I Petera 4:16 te an ni.

Khawl (printing press) a lehkhabu chhut hmasak ber chu Bible hi a ni a. Kum 1454 AD a Johannes Gutenberg-a chhut a ni. He Bible hi vawnthat a la ni a, khawvela Bible man to ber a ni nghe nghe.

Estheri lehkhabuah hian “God” (Pathian) tih thumal hi vawikhatmah ziah lan a ni lo.

Bible hi khawvela lehkhabu do nasat ber, lehkhabu hralh tla ber leh lehkhabu ruk ngun ber a ni a. Minute khat chhungin bu 50 zel hralh ang a ni. Tawng 2,018 chuang a lehlin a ni tawh.

Zirtir sawm leh pahnih te kha an thawmhnaw hak lai bak engmah ken belh phalsak an ni ngai lo.

Pharoa te khan kum 3000 chuang teh meuh Aigupta ramah ro an rel.

Bible a telh ve tak loh lehkhabu thenkhat a awm. Chungte chu “Apocrypha” tih an ni.

Lal Solomona khan nupui 700 leh hmei 300 lai a nei.

RTPA weds Dr. Esther. Well, almost...

2008-05-23T23:37:00.013+05:30

Mizo tawngin a title tur kan ngaihtuah a, mahse duh anga mawihnai ka ngaihtuah chhuak thei tlat lo. Sap tawngin kan ziah zawm zel dawn a, ka duh ang ka ziak chhuak leh thei bawk si lo. Mizo tawng bawkin i han ti leh mai teh ang.

Ni 22 (Thursday) ah moneitu tur RTPA chu Guwahati airport-ah ka lo va hmuak a. Chawhma dar 11:50 bawr velah ka nau Adiki, Chennai a awm ve tho nen an lo thleng. Airport atangin kan phei nghal char char a, kan hostel bulah thuneitu lamin sam met tur a order min pek avangin a changtupa sam kan han meh tir leh te te a. A met thiam lo nge, a sam a chhe ve hrim hrim pawh ka hre tawh bik lo, hun a duh rei phian lehnghal. Kan duh aiin kan tlai a, chawhnu dar 3 vel bawrah Shillong lam panin kan chhuak hman ta chauh reng a ni.

Shilllong hi zan dar 7 rik dawnah kan lut a. Kan tlai deuh tawh avangin kan chhungte thlenna lam tlawh hmasa lovin, mo tur te in lamah kal tlang nghal. Thil mak deuh mai chu, ka u-a hi kan han thlen tak tak chuan a lai ve deuh rut!! Chaw tuhnai tak min hlui a, mahse puar khawp pawhin a ei ngam meuh lo. Chaw ei khamah man inhlanna neih a ni a, tih tur kan neih ve tawh lem loh avangin kan thlenna tur lam PCI guest house kan pan ta a ni.

A tuk ni 23 (Friday) a mo thlahna programme hi Shillong Mizo Baptist Kohhran Hall-ah neih a ni a. Zing kar atangin khua a dur khuih reng a, dar 11 vel bawr atang phei chuan a insum zo ta ngang lova, che thei lek lovin mi a siam phah a. Hei vang hian programme pawh a hun ruat lawk chhun dar 12 ah kan tan hman ta lo. A khaw chhiat ngaihtuah chuan mipui kal kan thahnem khawp mai.

Inneihna nilovin mo thlahna chauh a ni, tih kha han sawi nawn leh ta ila. Inneihna tak tak chu Bungkawn Presbyterian Kohhran Biak Inah, tun thla 29 hian neih a ni dawn a ni.

Neuh neuh:
1. A serh zing a a mei ang - CMC Vellore ho thil tih khawmna a khaipa ber leh, huau huau reng renga a serh zinga a mei ang maia an sawi thin chu Dr. Ramdinpuia hi a ni. Pa fiamthu duh em em mai leh mi fiamthu thawh a thahnemngai taka nui thin a ni a. A ka a fiamthu a thawh loh pawhin, a chezia leh a hmelah hian nuih tur a awm ve hrim hrim. Programme kaihruaitu in fiamthu a thawh chang te khan malpui beng meuhin, theihpatawp chhuahin a lo nui ta thin a. Ka bul a thu pitar chuan lo la hre ngai hek lo. Kutzungchal a kawk meuhin, "He pa han lawm fal theih bik em em zia hi", tiin min rawn kheuh a, "mak" a tih hmel khawp mai.

2. Hmangaihna cement - Hei hi kan thuchah ngaihthlak a ni. A common lovin a tha khawp mai. Bang hi cement hian plaster lo ta ila, a lang nalh lo viau ang. Chutiang chiah chuan mihringte pawh hi tumah famkim kan awm lo. Nupa kan lo nih tawh phei chuan 'hmangaihna cement' a kan in plaster nalh tawn thin a tul hle a, dam chhung in 'hmangaihna cement' chawk thin turin innei tur te a chah a ni. RTPA phei chuan 'quick dry cement' kher nise a ti.

3. Kan camera - Zanah kan charge ve ngat ngat a, a tuk zingah kan ken theihnghilh hlauh. Adiki'n a hnuah, "Kan kal dawn khan lukham hnuaiah ka hmu reng a", a ti duh chauh. RTPA thianpa Pip-a tih dan takah, kam tam nih a hlau pawh a ni mahna.

4. Keimah - Khatiang em em a formal khan programme an siam dawn tih ka hre lawk lo. Ka hak lai bakah T-shirt pakhat a spare ka keng, chu zawng chu ka incheina neih chu a ni. Tichuan kawr leh kekawr hak tur chu ka ham khawm thei mai a, mahse ka pheikhawk bun tawk tuma'n an nei lo. Tihngaihna dang awm hek lo, zingah PB-ah a thar ka zuk lei ta ringawt a. Tlem a tlemah ka mualpho lo chauh a, chutih rual chuan ka vannei hle bawk.

A bek kha i la pan lutuk ang e aw...

Comedian search a ni lo ania..RTPA with Dr. RD-a

Future groom and bride

Esther-i u Sarah

Kan mo tur hian ar ke a chip hneh khawp mai...

Future in-laws nen

Esther-i te unau

Esther-i te chhungkua

RTPA-a 'ka pu mama'

Tihian kan nalh em?

Banner hi Sarah-i design anih hi

Lunch..ka va ei hnem teh reng em!!

Sarah-i fapa Jaden-a

Guwahati - random pictures

2008-05-20T13:50:00.005+05:30

Some random pictures I captured with my phone camera during the past couple of days. I'm not into photography or anything like that, nor am I trying to show off my skills. I just took these pictures by chance, and guess what, they came out better than I expected.

Narakasur hilltop - our college hilltop.

All pumped up for exams! A poster pasted by one of my batchmate on his door.

Construction of a new auditorium in full swing. A view from my balcony.

Spooky..huh?!! TV tower on Narakasur hill top taken on a cloudy day.

The setting sun in it's full glory.

"Woner"

Khaw lum hi

2008-05-18T03:13:00.011+05:30

Kan Pa, vana mi hnenah hian malsawmna leh mawmawh tinreng dilin ka tawngtai kur ve duah thin. A pangchang pawl tak pawh ka ni hial ang. Dil loh a lawi hi ka nei tawh mang lova, inthlahrun nachang lah ka hre hek lo. Khaw tha tur pawh hian ka dil ve fo, mahse hetiang em em a khawlum tur hi chuan vawikhat mah ka la dil chin ngai lo thung. Anchhia anih loh vek pawhin malsawmna han tih chu a harsa lam deuh a ni.

Khawlum leh thau
Thau hi mei alh a i rawh chuan a sawr fai vek ang. Rawh chiah lova i ur erawh chuan a mawm a rawn chhuak sur sur ang a, a tlawrh hlup ang. Hei hi sarep principle chu a ni. He principle ngei mai hi khaw lum chhung zawng hian duh leh duh loh pawh thlan theih lek lovin keimahah hian apply in a awm ta thin a, intih-sek-siak a tel tur a mawi khawpin ka tliang hlurh zel. Chu chuan hmai a ti bawl duh zek lehnghal a, inlak mitak hnu a hmai han bawl leh kher kher hi chu a ngeiawm hranpa ve hrim hrim.

Ka pian tirhin naute chum beng buang ka nih thu tuma’n an sawi ka hre lo. Chaw lah vantlang chunglam ei bak a hrisel leh tha ei thei tur khawp a hausa kan ni bawk hek lo. Mahse hei hi chu ka chiang. Ka ei apiang hi ka ngeih em em thei zel. Malsawmna chu a ni chiang. Mahse mihring famkim lohna a lo lang a, a vawksa heh hehah ka la tang zui. Insum theih loh luatah hriselna in a tuar lo chauh thin. Baptistu Johana’n khaukhuap leh kawizu ringawt chaw a a rin ang deuh khan samtawk chum, fanghma leh tuisik ringawt pawh hi ring ila, ka thaupui thei tho vang.

Khawlum = rimchhiatna
Khawlum zual lai chuan thlan hi zun aiin a let engemaw zatin in a tam. Hei hi hriselna atan a tha a, mi pangngai chu an vun a lo engin an ngo phah suah thin. Keiah erawh hi chuan a hna thawh dan a letling leh hlauh thung. Thlan ka ngah poh leh ka vun in thim lam a pan a, hriselna lam aiin rimchhiatna ka lansarh pui zawk tlat thin. Hei hi mi ka an lohna nge, midang aia ka chungnun zawkna pawh ka hre tawh bik lo. Vai ho vun hil bul han hmuh hi chuan an hnar a han sawk sak nghek mai te hi ka duh thin.

Khawlum sexy lo
Khawthlang lamah chuan an khawlum (summer) lai hian beach-ah te leh hmun hrang hrangah an awm ‘sexy’ sup sup thin. Khawlum leh sexy hi mi tam tak chuan kan thlunzawm sa ve hrim hrim. Sexy-na hmanrua hi pawimawh tak tak a awm. A hmarua a zir hian mi an sexy in an sexy lo thei. Hetah pawh hian kei mi piang dangdai ta ngang chu a danglam leh tlat. A chhan kan sawifiah ange.

Khawlum laia ka taimak ve na tak chu inbual hi a ni. A dik tak chuan ka rimchhiat miau si chuan taimak ngawt loh chu tih theih dang ka nei lo. Inbual ngun chuan kekawrte kan su ngun lo thei thin silova, a hek duh pap pap khawp mai. Suk ngun na na na chuan a rawng a da chakin a mawng a pawp thuai thuai a, a pawhfan (elastic) lah a rul duh em em mai lehnghal. Hei vang tak hian han in phelh sexy ngawt chi pawh ka ni lo. A ‘vaw hawt’ tu tur ber a lo chul deuh rup si chuan sexy a hnekin tawphnawk lam ka pawl mah mah zawk dawn tlat. Thil hmunawm tak leh hmuh nuam tak anih ka ring miah lo. Han ngaihtuah ve chin mah teh, ka kekawrte a ‘TARA’ tih inziak aiah khan ‘TARARA’ tih a lo nih loh vek pawhin, ‘A’ hi a lo karful tawh maithei tlat. Chuvangin khawlum lai hi chuan sexy ve loh hi ka mawipui zawk a ni e.

Thlarau nun a khawih
Phai khawlum hrehawmzia lanchhuah lehna pakhat chu inkhawm lai hian a ni ngei ang. Awm mai mai pawh a a uap tih tawh nak alaiin, inhmuam uap chawp an la ngai leh bawk si a. Muthlukna thlarau a rawn thawh tawh chinah phei hi chuan thlarau nun hi a tlahniam lo thei thin lo. Sermon sawi tawi apiang hi thu sawi thiam an ni ringawt mai a, ka mutthluk hma a thlarau nun chawm thei thil sawi zo hmasa apiang kha ka hlawkpui. Siamtu pawh hian mi a hriatthiam ve deuh te kan ring thla ve leh ngawt thin a, a lo nih loh hlauh phei chuan ka chan a chhe ngawt ang le.

Kum 2001 atang khan hostel-ah ka la awm char char. Chuta ka thil chin chhuah pakhat chu, light awm loh rual rual a theihpatawp a khek vak hi a ni. Khawlum a tih nawm phah pawh ka hre chuang lo, anihna takah chuan zual zawk awm tak a nia. Mahse han khek chiam mai khan chhung lamah hian nuam tih veng vengna leh thawven hawkna min pe thin. Inkhawm laia light a awm loh thuh hian kha kha a tih theih ta thin silova, mi hi a rawn hnawh up up a, ka puak keh lo chauh thin.

Thatchhiatna bulpui
Mahni tawk a zawi tawh nak alaiin, khawlum in mi an sawisak leh ngat phei hi chuan hmuhtlak hi ka awm thlawt lo. Chuatah a tleng hian ka tleng lo chauh. ‘Thawk lo chuan ei pawh ei suh se’ tih kha zawm tak tak tur phei chu nisela, tam hlum hmasa ber ka nih loh vek pawhin a dawttu tal chu ka ni hrim hrim. Eng anga nasa pawhin ni khi han in sang phek mahsela, mutchhuak lem lo pawh hi ka hnungzangin zawl a deh tawh chuan ka chatthla thei mai zel. Hei hi ka talent dawn tam tak zing a mi, eizawn nan a hman tlak chuang miah lo a ni. Han peipun leh ngaihna pawh a awm tawh chuang lo.

A lo nimaw...!!

2008-05-12T10:00:00.001+05:30

Zunkhum nge chil chhak khum i duh zawk?

A tenawm dun thawkhat bawk a, duh thlan tur zawk pawh hriat a har viau ang. A tam zawk ngaih danah chuan chil ai chuan zun a tenawm zawk maithei. Patling thankin zun ngat phei hi chu a hing tha tiah tiah bawk si nen. Mahse beng sikin i han ngaihtuah chiang teh ang.

Mi hrisel pangngai, zun kawng a natna nei lem lo zun hi a sterile (natna hrik a awm lo) tlangpui. Kan ka chhungah ve thung hi chuan, eng anga hrisel tha pawh ni ila, natna hrik tam tham fe an awm ve deuh reng a. Chil vawikhat kan han chhak chhuahah ringawt pawh hian natna hrik za chuang fe kan chhak chhuak tel thin a ni. Chuvangin, nunna thapa duh zawk thlan a ngai palh hlauh anih chuan, rimchhe deuh mahse, inzumkhumtir a him zawk maithei.

Vawih hi engvangin nge a uih? A alh thei reng em ni?

Vawihah hian boruak (gas) chi hrang hrang a awm a. Vawikhat kan han vawih chhuahah hian boruak awm tlangpuite chu – Nitrogen (59%), Hydrogen (21%), Methane (7%), Carbon dioxide (9%) leh Oxygen (4%) te an ni. Vawih thlawh chak zawng hi second khatah metre 3 (3 m/s) vel bawr a ni a. Mi pangngai hi nikhatah litre chanve vel kan vawih tlangpui bawk. Mipa leh hmeichhiain danglamna kan nei lo. Chief Minister leh Governor pawh an vawih ve thin thova, super model thlan thar ho pawh kha an bang bik chuang lo tihna anih chu.

Vawih hi a uih nachhan chu boruak (gas) chikhat, hydrogen sulphide vang a ni a; mahse he boruak hi za a pakhat pawh a tling lo. Hydrogen leh sulphur inthlunzawm (combine) a ni a, sulphur zawk tak hi a uih em em nachhan chu a ni. Vawih uih leh uih loh chu kan thil ei leh in in a hril thui hle. Bean, cheese, zikhlum leh artui ei hian a uih duh bik.

Chubakah chuan, boruak alh thei – hydrogen leh methane an awm tel bawk avangin a tam thamah chuan alh thei tur a ngaih a ni.

Chaw nge mut kan mamawh nasat zawk?

Gauhati Medical College zirlai mipa ho hi chuan kan mamawh nasa khawp mai a, a pawimawh zawk sawi tur kan hre hauh lo! Allout (thosi hlo), company lam in zan 45 daih tur a an siam thla khat pawh hmang daih lo te kan awm laiin, mai kan leh dal ringawt nen pawh a laipawng thle lawl khawp a hostel chaw ei thei te kan kat nuk mai.

Mithiamte’n an chhut dan chuan, chaw aiin mut kan mamawh zawk fe a ni awm e. Chaw ei lova kar hnih chuang kan dam theih laiin, ni sawm vel bawr kan mut loh chuan kan taksain zo lovin kan thih phah tawp thei an tih pek chu. Kha daih kha asin.

Carrot ei tam hian mit a tivar thei tak tak em?

Vitamin A tlakchham chuan khaw hmuh a tifiah lovin, mit delna a thlen thei. Carrot-ah hian beta-carotene a awm a, chu chu kan taksain vitamin A-ah a lo let (convert) thin a ni. Amaherawhchu, kan nitin mamawh zat hi a tam lutuk lova. Mamawh bak chuangliam a awm anih chuan hman tangkai lohin kan taksain a paih chhuak ve leh mai thin. Litre khat bur a tui litre khat bak a leng lo nen hian a tehkhhin theih awm e. Mahse carrot ei a ngailo, kan tihna a ni chuang miah lo a nia.

I taksaah khan rangkachak leh silver a awm...i awih lo maw?

Mak i ti ngei ang. A mak reng bawk a, kan thiam lo hauh lo che. Keini pawhin kan han chhut a, rangkachak leh silver ei thei khawp a hausa kan ni bik si lova, a ngaihna kan la hre thei bik tlat lo. Mahse keini aia mithiam zawkte’n a awm an ti miau si a, i han awih ve leh phawt mai teh ang u.

An sawi zel danah chuan puitling kg. 70 vel bawr taksaah hian a tam ber chu oxygen a ni a, kg. 43 vel bawr a awm. Silver hi 2 mg. vel bawr a awm laiin, rangkachak hi 0.2 mg vel bawr a awm ve thung. International market a i man zat tur chu lo chhut ve tawh mai rawh le.

Khawvela natna tlanglawn ber enge?

Natna tlanglawn tak tak chu sawi tur kan hre nual ang. Mahse a ber chu sawi fak a har kan ti maithei. Hritlang hian a khat tawkin mi a tibuai ve chawk a, chutih rualin lu na pawh hi buaipui tham fe chu a ni ve hrim hrim. Khawvel pum pui a natna tlanglawn ber chu maw, i rin loh lampang a ni daih dawn a nia. Khai mah aw, i inring em? Khawvel a natna tlanglawn ber chu ‘ha nget’ (tooth decay) hi a ni. Daih mai a.

Tun tum atan chuan duhtawk phawt ang. Kan zirlai a a tul lo lo hi kan lo lawrkhawm leh anga, Pathianin rem a ti te anih chuan nakum lamah kan rawn theh leh hak dawn nia.

(He article hi AMMSU annual magazine 'Chhemdamthli' 22nd edition-ah tih chhuah a ni. A master copy ka hmu chhuak leh a ka rawn post leh ta mai mai a ni e. Ka thawh a ni bawk a copyright ka la nei tho ang chu maw:-))

Khawchhak excursion

2008-05-09T02:29:00.037+05:30

Kum 2006 December thla khan mi vanduaina a zarah vanneihthlak takin (ka tawng lo haw lo sela) khawchhak lam, Burma ramri depah zinna hun tha tak mai ka nei hlauh mai a. Ka pian hnu lam a ka thil la hmuh ngai loh leh ka hmuh leh kher tawh loh tur tam tak ka han hmuh phah a, a nuamin a ropui danglam hle. Motor khalhtu tur an awm loh avangin ka roommate nen Guwahati atangin chawl maih lovin Vaphai kan thleng thak a, taksa chuan a tuar ve deuh. Ni ruk zet kan thang chhung khan zan hnih chiah khumah kan mu thei a. Amaherawhchu, thian rual zin kan ni bawk a, hah leh chauh pawh kan hre hman meuh lo. Kan zin kawng leh hun hman dan te chu dah tha ta rih ila, ka thil hmuh leh hriat tlem ka han ziak lang ve dawn a ni. Mahse historian ka nih loh avangin keima khaw thlirna tlang atangin ka hriat hriat ka ziak ve mawlh mawlh mai dawn a ni.

Tan tlang - Hei hi kan pi leh pu ten ramhuai ho khawpui, an hotupa ber Lalchungnunga hova an chenna niin an ngai a. Tlang lian ve tak, ral khat atang pawh a langsar tak mai a ni. A san zawng hi feet 6356 a ni. Chal lam leh chhip lam a nei a, a tlangpuiin a chal lam atangin an lawn a, a chhip lam atangin an lo chhuk leh thin. Engemaw chen chu motor pawhin a lawn theih nghe nghe. Zing chaw ei khamah kan chhuak tan a, a chal lampang a lawn tanin muangchangin kan kal beuh beuh a, a remchanglai apiangah thla kan la zel bawk. Boruak a thengthaw nuamin khaw hawi a nuam hle.

A lawn hrim hrim pawh hmun hnih khat tih loh chu khirh em em a awm hran lo. Ka chiang chiah ta lo, dar 11 vel bawr niin ka hria a chhip kan thlen kha. A chhip han tihah a zawl deuh durh a, thingkung pawh a la tamin daihlim han hahchawlh maina tur pawh nuam tak tak a awm. Kan kal lai hian Kohhran pawl pakhatin (an hming chu sawi lo mai ila) chunglampang hriattirna kan dawng e, tiin thing engemaw zat an kih bakah lei an lo lai phut durh mai a. Engmah chu ka sawi lem chuang lo na a, ka rilru te te chuan Forest department lamin an hre ve awm tho si a, a venhim lam a hmalakna a awm lo chu mak ka ti angreng hle. Tan tlang hi lawn chhuah nan darkar 6 vel kan hmang ta in ka hria. Hmanhmawh deuh chuan a aia rang pawhin a lawn chhuah theih ngei ang.

Fiara tui - Fiara chanchin hi chu sawi ngai lovah han ngai ta phawt ila. Fiara tui chungchangah hian Vaphai leh Farkawn khua te inkarah inhnialna a awm avangin ziah fimkhur a ngai viau ang. Tuna ka ziah tur hi chu Tan tlang a awm, Vaphai khaw bul a awm zawk kha a ni tih han sawi hmasa ta ila a tha awm e. Han sawifiah ngaihna vak pawh ka hre lo. A hnar hi hmuh theih a ni lova, lungpui lian tak hnuai atangin a rawn luang chhuak a. A kua hi a len zawng chu rasagula bur ruak a tui thal nuam tawk vel a ni. Vawi khat kal manah tiin kan inbual nghe nghe. A vawh chu a vawt ngat ngat khawp mai a, mahse inbual man a awm khawp in ka hria. Aizawl lam a hawn turin bottle ruak kan hmuh ang ang kan thun khat a, mahse ka chhungten min lo ngaihhlut sak lem lo kha chu ka rilru a na ve deuh.

Thasiama seno neihna - Thasiama chanchin hi sawi duh viau pawh ni ila, sawi tur em em ka hre lo. Tlang bawk te reuh te, a chhip zawl, a pang awih tak a ni. Kawng sial lo phei sela chuan ka lawn theilo chiang ngawt ang. A chhip zawl hi a dung feet 20 vel emaw a nih ka ring a. A vang erawh chu zim te a ni a, a lai takah a rek bawk. Vaphai khaw pitar pakhatin an tet lai a a chhip zawl a an inkawibah thin thu min hrilh a. A thu sawi atanga chhut chuan muang changin a chim (erode) ni ngeiin a rin theih. Mahse tunah chuan a chhip hi cement a plaster a ni tawh a, railing pawh siam anih tawh avangin he hmun, hnam anga kan hmun pawimawh tak hian min ralsan lo turah i ngai phawt mai teh ang. Hman deuh khan pawl kalsual pakhatin a hnuaiah hian rohlu tam tham tak a awm e, tiin laih chhiat an tum a. Mahse an khap dai thei hram a ni awm e. Hetiang ang rinna at thlak tak tak, kan history a hmun pawimawh suasam duh tu te lak ata hi kan ven that tlat a pawimawh khawp mai. Thasiama seno neihna atang hian Tan tlang hi a hmuhnawm hle a ni tih kan zep tel lawk ange. Tin, kan thianpa pakhat chu Thasiam seno neihna nilovin 'Thansiama sakawr no neihna' ah a lo kal bik a ni awm e.

Lurh tlang -

Burma

ram chhung a awm a ni ta in ka hria, a hmun a kal thlen ngei pawh a chakawm khawm mai. Lurh tlang hi pipute chuan Chawngtinleri puan banna niin an ngai. A bak chu sawi tur ka nil.

Maurawkela tui - Maurawkela hi tunge a nih chu ka hria a, mahse ka sawi thui thei lem lo. Maurawkela tui hi kawngpui sir mai a awm anih avangin hmuh tlak a awm tawh meuh lo. Tuikhur rauhsan tawh hi a ang ber in ka hria. Kawng an laih dawn hian lo thlir thui deuh nisela chuan hetiang kan Mizo history a hmun hmingthang tak hi a vawnhim dan kawng chu a awm ngei ang le.

Lianchhiari lunglen tlang - Dungtlang khua a awm Lianchhiari lunglen tlang hi Zofate zingah chuan hre lo kan awm tlem viau ang. Chuvang chuan a thawnthu lam kha chu lut lo law law mai ila. Vaphai atanga kan chhuah tlai deuh avangin Dungtlang kan thlen meuh chuan khua a lo thim ti tih tawh a, thlalak pawh duh angin a fiah tawh lo. Thlalak fiah lo ai mah chuan he hmun atang a khua duh angin a thlir theih tawh loh kha ui tak te in ka ui. Hman deuh khan a lung hmawr hi a khi a, chetsual a hlauhawm avangin an chhu thla a, a lang bul deuh hmuih tawh. Thlifim han dawn deuh heuh heuh chu a thawven thlakin rilru sual put duhna thinlung a chhem kiang deuh sawng sawngin ka han hriat tlat pek chu.

A tlangpuithu chuan kan khawchhak zin hi nuam ka ti lutuk ringawt. Kan pipute sulhnu leh Mizo thawnthu a hmun tam tak, a thu ringawt a ka lo hriat thin chu a tak ngeiin ka han hmu a. Hunin min daih loh bakah kan zin chhan ki nen han len vah vak kha a inhmeh chiah loh avangin a lehpek awm theih dan tur ringawt rilruah a awm a. Duhthusamah phei chuan Farkawn thleng rak a kal a, ram riak ngei a thawhchhuah a chakawm khawp mai.

Tan tlang chhip a signboard intar

Thasiama se no neihna, a hnunglam khi tan tlang pang

Tan tlang chhipah

Vaphai khua a ka 'fans' te

Traffic jam!!

2008-03-26T18:34:00.003+05:30

Hetiang hian Aizawlah chuan kan inzui pet pet nileng thak zel. Vawiinah pawh Mission Veng a kal zawk tum darkar 3 ka khawhral ringawt. Tiang reng reng ai chuan ke a kal a hlawk zawk maithei a ni.

Zakkha damdawi thar!

2008-03-25T20:17:00.004+05:30

Engtiang chiah a hman tur nge tih hriatthiam a har hle mai..

Te-vawk

2008-03-20T02:01:00.008+05:30

Ka nu vawkpui note an nih thip thep hi. Chawlh chhung zawngin an in sa ha in ka hmanhlel a, ni a sa bawk sia tha a heh ve khawp mai. A neih hmasak zawk chuan an thi fai vek a. Tun tum chu 9 an dam a 1 chiah a thi..Ka nu in chaw a pek laiin '1500, 3000, 4500' tih pahin ka lo va chhiar kual zat zat, min hau hrep..Hetianga lo chhiar lawk hi pipute hun lai atang tawh khan an lo duh vak lo a ni awm e.

Vawksa hrim hrim hi Mizote hian kan duh hliam hliam khawp mai. A hrisel leh hrisel loh chu thudang lo ni ta se, per capita income atanga chhut a vawksa ei hnem ber kan ni mai ang a, te ka ti mai mai a. Tunlai hian vawksa kg. khat cheng 140 a ni tawh a, a no pawh hi cheng 2500 in an hralh tlangpui. Mahse a pian tha deuh leh lian deuh te chu cheng 3000 chhiar tlat te pawh an awm. Heti tak a vawksa heh, a man leh note to chung bawk si hian, han hlawkpui em em leh han hausakpui lawih hi sawi tur ka hre mang chuang tlat lo. Nge a hlep tur nen lam kan ei zo vek?

Guwahati to Aizawl service

2008-03-17T03:18:00.020+05:30

Zing thawh hai atang bawkin bul kan tan leh chu! Dar 8-a thawh tum kha dar 10 rik dawnah ka harh thei chauh a, a tlai a tlaiin University lamah thianpa bike hawhin ka tlan phei nghal a. Vanneihthlak takin ka tih tur ang ang awlsam te in ka ti zo thei a. Hei hi Gauhati University-ah chuan thil vang a ni. Mahse kal chhung hi a rei hrim hrim avangin chawhnu dar 1-ah hostel ka thleng phei leh hman hram chauh. Ka lo insiam lawk bawk si loh avangin rilru a buai duh hle. Ka hmuh hmasak apiang ka ipteah ka vawm lut a, lunch ka ei thuai thuai a, tichuan Capital Travels bus station lam autorickshaw in ka pan phei ve leh ta rawih mai a ni.

Ka thlen phei veleh ka thiannu thil min thawn tum ka phone nghal a. Ka tawng a lo hresual nge, ka tawng sual ve hrim hrim pawh ka hre zo tawh bik lo, Network Travels lamah bungrua a lo dah daih pek a. Hmanhmawh nen chuan a inhmehlo kher mai. Tichuan a rang a rang a rawn thiar phei turin ka ti a. Hetia ka nghah chhung hian thawkna hun pawh ka nei ve ta deuh. Bus hi dar 3-a chhuak tur a ni a, mahse mi zawng zawng ang bawkin Indian Standard Time hmang ve tho an nih vangin a hun takah an chhuak ngai bik lo. Tichuan dar 3 leh minute 20 velah Guwahati khawpui chu thla khat vel chhung bye bye turin kan chhuahsan ta a ni.

A hma zan ka mut tlem avang leh nilenga ka buai avangin ka lo chau ve deuh pawh a ni mahna, ka mutthlu nghal ta bawrh bawrh a. Kan harh leh meuh chuan Shillong kan lo lut der tawh. Hetia ka harh rual hian bus ka chuan apianga ka rim hriat ziah thin, fresh em em mai leh Shilliong khaw boruak thiang karah phei chuan tak tha zet mai, vaipa mawza uih chuan phur tak mai hian min lo hmuak leh reng tawh mai a. A tu ber nge tih hriat tumin kan hawi kual vel a, mahse vai zawng zawng kha chuan pheikhawk an lo phelh deuh vek tawh si nen, puh tur ber hre tawh bik hek lo, ngawi rengin ka tuar leh ta tlawk tlawk mai a ni.

Zin apianga ka buai ve ziahna thin chu ka kawpuar thin hi a ni. Tun tumah pawh hian ngai te bawkin kawchhung lamah boruak a in siam leh nasa hle. Chutia vawih ka ip tang tang lai chuan ka harh chhuak ta zawk mai. "Vai hovin mawza uih an nei a, kei chuan vawih ka nei a, eng vangin nge ka insum reng bik ang," tiin ka inngaihtuah ta a. Tichuan inthlahrunna chhe te mah nei lovin ka hmanraw neih ve chhun chuan phai vai ho chu kan do let ve ta chu ania. Ral donnaah reng reng hian fimkhur hle tur. Tun tumah pawh hian a silencer tha ber chi vuah in kan theh ta thin a, uih ti fe fe chu an awm ve ngei ang. Mahse rinhlelh nih ka hlauh avangin leh ral rama ka la awm bawk si avangin kan muhil der daih a, fing ka in ti ve khawp mai.

Tun tum ka zin hi vanneihthlak takin ka tluang, han sawi vul lutuk tur engmah ka tawk hran lo. Mahse zan a chaw min ei har pui lutuk kha chu tun thleng hian lung hi a la awi thei tak tak lo. Vawksa rep ei tum kha ka nia, mahse kan tlai a zarah an lo inkhar hman a, vai chaw tui lo zet mai, man to bawk si ka ei phah ta ringawt a.

Thil pakhat chiah chipchiar deuhin ka sawi ang. Chu chu kan zinpui mi pakhat chanchin a ni. He pa hi ka thianpa thianpa lehchhawng a nia, a hming ka hre thei thlawt lo. Ka haw ni hian chawhma lamah interview a nei a, bus pawh hi a rawn nang lo teuh hle. Seat lah chu a hnuhnung berah chauh a lo awm tawh bawk si avangin ka thianpa chuan a tuk a haw mai turin thurawn an pe a. Mahse Aizawlah thil pawimawh deuh mai tih tur a neih chuanlamin a rawn tel ve ta thova. A hnuhnung ber a chuan hi ka lo tih ve zauh zauh tawh avangin thil namai lo tak ani tih ka hrechiang khawp mai. Mut a harsat mai bakah mi a sawh nat bik avangin ka sil thum zel.

Ka thiana hian Company peng kan thlenin dar zat min rawn zawt a, ka sanaah chuan dar 2 leh minute 10 chiah a lo ni a. Serious vak chuang lo hian dar 3 rik hma a Zemabawk field thlen hman a ngaih thu min hrilh a. A chhan kan zawh chuan Mizoram Police Service physical examination ni a lo ni a, chu mi nan hman a lo duh chu niin. Nuih hi a za letling zawk hial. Kei ni ila 100 meter race tlan ai chuan 100 minutes sleep ka thlang zawk ngei ang. A tlaidawn takngial avangin Bawngkawn atangin taxi in a phei a, chu chu tun thleng a ka hmuh hnuhnun ber a ni ta rih. In ka thlen hnu darkar 1 velah Guwahati lama ka thianpa ka zuk phone a, kan thianna tlin thu min rawn hrilh ta tlat mai. A lawmpuiawm rual rualin nuih hi a za tlat. Bus in a a thin chauh zawh loh khawp a fit khatiang mihring kha an vang ngawt hian ania ka rin. Tling chho zel se ka ti khawp mai. A hnu a ka hriat leh zel dan chuan, hetia physical a exam tuk hian Aizawlah tho hna dangah interview a hmachhawn leh a, chumi tuk chuan Guwahati lam bawk panin a liam thla leh ni awm tak ani. Mizo thalai tam tak angin awmhmun atangin hna a zawng lo tawp mai.

First page

2008-03-16T23:47:00.005+05:30

As I was cleaning my room the other day, I found an old note book which I bought on the first day of college. Obviously I had scribbled something on the very first page which I cannot recollect doing so. It goes like this -

NOT MEANT FOR THE LINGUISTICALLY CHALLENGED!

* This copy contains unfinished sentences, incorrect spellings, never-before-heard medical terms, and lectures heard in between day dreamings. Plus five blank pages at the back for various scribbling purposes.

* Punctuations have been neglected intentionally in order to maintain the flow and continuity of the text. Diagrams have been drawn with sincere and dedicated efforts, within a limited time and space. In case of confusions with the diagrams, rotate the copy several times before coming to a conclusion.

* In case you find this copy in your hands, do not bother to return it. The owner, most probably, would have dropped out of college.

* Burn after use, in order to prevent spurious copies.

HIV in Mizoram

2008-03-16T02:53:00.011+05:30

Ok..I wasn't suppose to study this. Or rather, this doesn't have anything to do with my exams. But I just couldn't flip through the pages. Some unknown but unevil (I think) force made me go through the topic for a whole one hour and apply it practically. So here I am, wasting my precious time working on a problem which had 99.99% chance of not coming in my exams.

The particular topic, although not important for my exams, is something which is worth knowing. We just have to apply the simple formula as shown below -
V= (P/T) x R, where
V= Total estimate of burden of HIV
P= Number of HIV positives
T= Number of samples tested
R= Estimated size of the population.

According to Mizoram State AIDS Control Society (MSACS), the total number of blood tested for HIV till the end of 2006 was 31,163, out of which 1,729 were found to be positives. Assuming the total population of Mizoram to be around 890000 lakhs (for easy calculation..Yes, I hate maths, or else why would I be in this profession?), we can now calculate the burden of HIV infection in Mizoram by applying the above formula.

V= (1729/31163) x 890000
= 49379.4

Since this is a rough estimate and not an exact one, a range of 20% is applied to the point estimate, so as to provide a higher and lower values on this estimate.

So, V = 39500 - 59250 of the total population of Mizoram. There you have it. Quite an enormous burden we have on our hands..Don't you think so?!!

Welfare Day 2008

2008-03-16T00:17:00.016+05:30

GMWA Welfare Day 2008 chu ni 15 March 2008 khan Shilpgram, Panjabari, Guwahati-ah ropui taka hman a ni. Member kal kan thahnem thawkhat hle. GMWA in a a sawm zingah Pu Rosangliana (Zorock) leh Cosmic Fish te an lo tel thei a, amaherawhchu Tuarpuii te thian dun an rawn hman ta lo hlauh thung. Heng mi sawm te bakah hian local artist ten mipui min awi hneh hle a, a bik takin veteran Pu Thanga Jongte in boruak a chawk hot thiam khawp mai. Hruaitu thar thlanna neih nghal a ni a, kan mi thlan chhuah te chu -

President - Pu PC Lalchungnunga
Vice President - Pu H Lalzirliana
Gen. Secretary - Pu Thanga Jongte
Asst. G S - Pu John K Gangte
Treasurer - Pu C Zothankhuma
Fin. Secy. - Pu Kailianmanga

Tin, Guwahati Mizo Students' Union (GMSU) buatsaih Guwahati Mizo website guwahatimizo.org chu tlangzarh a ni a. Kum dang ang lo takin a hautak lo zawngin Egg Fried Rice in ruai kan theh ho nghal bawk.

Cosmic Fish

Shilpgram

Zorock leh Dr Johny ten Zoram min ngaih tir a

Zorock thla kan lak pui ve

Mipui kan thahnem ve hle

Hruaitu thar kan thlan chhuah te

Just pray that this drug works!!

2008-01-19T16:26:00.002+05:30

Tribal toothpick

2007-12-13T21:29:00.003+05:30

Ku Marini'n trade fair-ah a lo va hmu fuh a. A kawm kan hmuh hian thil danglam deuh, common lo deuh turah ka ngai a. Tichuan phur fahranin a neitu phal lo chung chung ka hawn luihsak a, mahse a satliahin a lo ho ropui. Hawn nan a ka tha sen te kha ka ui leh hnuhnawh deuh.

Phelsep tereuh te te, sin taka suih, kuhva ro kilhna ang deuh tawp kha a nia, a khawilai ber kha nge ti 'tribal' tu pawh ka hre chuang lo. Vai ho hian thil changkang vak lo hi tribal ho min pembuhbel deuh chawt te hian ka hre deuh thin.

REEBUCK original

2007-12-13T21:26:00.003+05:30

Just another one I saw in the Indian duplicate market a few days ago. Here's the list of a few other duplicate brands I know of -
1. Adibas
2. Niek
3. Eila
4. Nkie
5. Abidas
6. Suny Ericssun
7. Notionol
9. Aima
10.Sona
11.Suny....etc etc. Its an endless list actually...

Guwahati Mizo Sports

2007-11-12T21:00:00.012+05:30

Guwahati Mizo Sports 2007 chu GMWA Sports sub-committee te kaihhruaina hnuaiah November ni 9 leh ni 10 khan College of Veterinary Science ground, Khanapara-ah neih a ni. Intihsiakna chi hrang hrang - football, volleyball, saihruipawh, intlansiak, lung den, fei khawh, in ball vawm, sack race, long jump, high jump leh a dangah te neih a ni. Group 4 a inthen a ni a, chungte chu Vanapa, Chawngbawla, Neuva leh Taitesena te an ni a. Guwahati a Mizo awm te kan thawkchhuak tha hle a, nuam kan ti tlang hle. Hmeichhe long jump phei chu a buk rit rit tel tur kan ti nge mawni, a hmuhnawm tiah tiah khawp mai. Amaherawhchu, hun in min daih tak loh avangin insuknawr kan telh hman ta lo kha chu a pawi kan ti tlang hle.

Veteran (Women's) 100 m race

Sports canteen

Slippers!!

2007-11-07T20:38:00.003+05:30

How many pairs of slippers can you see? hehe...Card an deng leh tawh tihna a nih khi.

Hotel California

2007-11-06T15:46:00.012+05:30

On a dry Indian highway, stale wind in my hair,
Warm smell of paratha, rising up through the air,
Up ahead in the distance, I felt the sweltering heat;
My head grew heavy and my sight grew dim,
I had to stop for a meal,
There she stood on the roadside;
I heard the malik yell,
And I was thinking to myself,
This could be dhaba or this could be tava;
Then he lit up the stove and he fried me an egg,
There were noises down the highway,
I thought I heard them say...

Welcome to the hotel california,
Such a dingy place;
Such a grimy face;
Plenty of room at the hotel california,
Any time of year, you can find it here....

5 things I cannot live without

2007-10-08T15:10:00.005+05:30

OK!! I might be able to survive, but my life would be so miserable that I haven't even though about it!!heh..Ok..here's the list:
1. My bed: She (yes..that's how I address HER) might not be the most comfortable, or as a matter of fact, she surely isn't the best looking bed in the world. She sort of talks back to me in some alien language whenever I toss around, complaining about my ever increasing weight. Yet, she has been faithful to me, carrying all the burdens by herself and never even once thought of deserting me. And on top of that, I have to say that I spent the best (but not so productive) part of my life on her.

2. My cell: I haven't the faintest idea when I started becoming so dependent on my cell. It was, maybe, like four years back when my dad presented me a Nokia 6610. Actually, I declined it initially cos my mom wouldn't raise my allowance for the extra phone bills. This model was with me for around a year, and unfortunately, the company could not give warranty for dropping it in a bucket of water, for bouncing it up and down on a concrete floor etc. And like everything else in this world, the day came when we had to part ways. Now I own a Nokia 6681. The phone's good, but the bill isn't!!

3. Pork : Althought people consider me to be an "Anytarian", I consider pork to be the best among them all!! And mind u I'm not just simply saying this. I have tasted elephants, deers, wild boars, dogs, apes and a host of others which a normal person might consider unedible, but nothing comes close to pork. Make it any style you want, I don't care....as long as its cooked. I consider it to be God's blessing that in a land of hindus, where swine butchers are far and few, I only have to walk for two minutes to get my daily dose!!(Hear that??..Chhama)

4. Tea : "You should never say no to Jesus and tea!!" Very true!! I have no idea who thought of this simple, yet inspiring phrase. But what I meant by tea here doesn't include 'bina chini' and 'laal chai'!! The 'chai patti' should be of a good brand, the 'dhood' and 'chini' in adequate proportions. 'Bina chini' and 'laal chai' are for the rich, diabetic, hypertensive, overweight and lazy show-offs trying to act as if they are health-concious.

5. God : Many person out there might choke on their food, or laugh their guts out when they hear this. Yes, I agree. I am no Noah, or a matter of fact, not even close to Judas!! But I believe that God is always there for me, although I never do the same for Him. Where would I be today without Him? I shiver as I think about it...

Which is more disgusting-to be peed on or to be spit at?

2007-10-03T18:56:00.003+05:30

ot so tough to choose..is it? Who would ever want to be peed on? Right?! But think again..Assuming that a person does not carry any infections in his urinary tract, urine is sterile!! i.e., there aren't any pathogenic organisms. Whereas a normal healthy person harbours thousands of micro-organisms in his oral cavity most of the time. So, if I was to choose between life and death, I would definitely ask to be peed on rather than being contaminated with spit!!